વિવેક રામાસ્વામીએ રિપબ્લિકન કન્વેન્શનમાં આપ્યું જોશપૂર્ણ ભાષણ, મસ્કે પણ કર્યા વખાણ
- રામાસ્વામીએ અમેરિકાના લોકોને ડોનાલ્ડ ટ્રમ્પને સમર્થન આપવાની અપીલ કરી
અમેરિકા, 17 જુલાઇ: રિપબ્લિકન પાર્ટી વતી પ્રમુખ પદની દાવેદારીમાં સામેલ વિવેક રામાસ્વામીએ બુધવારે રિપબ્લિકન કન્વેન્શનને સંબોધિત કર્યું હતું. આ દરમિયાન રામાસ્વામીએ અમેરિકાના સપના વિશે જુસ્સાથી વાત કરી અને લોકોને ડોનાલ્ડ ટ્રમ્પને સમર્થન આપવાની અપીલ કરી. રામાસ્વામીએ કહ્યું કે, “માત્ર ડોનાલ્ડ ટ્રમ્પ જ આ દેશને એક કરી શકે છે. જો તમે દેશમાં કાયદો અને વ્યવસ્થા ફરીથી સ્થાપિત કરવા માંગતા હોવ તો ટ્રમ્પને મત આપો. જો તમે આ દેશની અર્થવ્યવસ્થાને એકીકૃત કરીને અમેરિકાને ફરી એક મહાન દેશ બનાવવા માંગતા હોવ તો ટ્રમ્પને મત આપો.” વિવેક રામાસ્વામીના ભાષણની અબજોપતિ ઉદ્યોગપતિ ઇલોન મસ્ક દ્વારા પણ વખાણ કરવામાં આવ્યા છે.
Well said!!pic.twitter.com/CgKPa1rnnt
— Elon Musk (@elonmusk) July 17, 2024
વિવેક રામાસ્વામીએ જુસ્સેદાર ભાષણ આપ્યું
રિપબ્લિકન નેશનલ કન્વેન્શનને સંબોધતા વિવેક રામાસ્વામીએ કહ્યું કે, ‘જો તમે દેશમાં કાયદો અને વ્યવસ્થા ફરીથી સ્થાપિત કરવા માંગો છો, તો ટ્રમ્પને મત આપો. જો તમે આ દેશની અર્થવ્યવસ્થાને એકીકૃત કરીને અમેરિકાને ફરી એક મહાન દેશ બનાવવા માંગતા હોવ તો ટ્રમ્પને મત આપો. ટ્રમ્પને વોટ આપવાનું એક કારણ એ છે કે ડોનાલ્ડ ટ્રમ્પ દેશને માત્ર શબ્દો દ્વારા નહીં પરંતુ કાર્ય દ્વારા એક કરી શકે છે અને આ જ અમેરિકાની ઓળખ છે.
રામાસ્વામીએ વધુમાં કહ્યું કે, ‘જો તમે મારી દરેક વાત સાથે અસંમત હો, તો તમને અમારો સંદેશ એ જ છે કે, અમે છતાં પણ તમારા કહેવાના અધિકારનું રક્ષણ કરીશું કારણ કે અમે અમેરિકન તરીકે આ જ છીએ. આપણે એક એવો દેશ છીએ જ્યાં આપણે સંપૂર્ણપણે અસંમત થઈ શકીએ છીએ અને છતાં પણ ભોજનના ટેબલ પર સાથે આવી શકીએ છીએ. અમેરિકન હોવાનો અર્થ આ જ છે.
ઈલોન મસ્કે વિવેક રામાસ્વામીના વખાણ કર્યા
વિવેક રામાસ્વામીના ભાષણની પ્રસિદ્ધ અબજોપતિ ઈલોન મસ્ક દ્વારા પણ પ્રશંસા કરવામાં આવી હતી. સોશિયલ મીડિયા પર વિવેક રામાસ્વામીના ભાષણની ક્લિપ શેર કરતા, મસ્કે લખ્યું કે ‘તેમણે ખૂબ સારી વાત કહી’. રિપબ્લિકન રાષ્ટ્રીય અધિવેશન સોમવારે શરૂ થયું હતું. મંગળવારે રિપબ્લિકન નેશનલ કન્વેન્શનમાં ઈમિગ્રેશનનો મુદ્દો બહાર આવ્યો હતો. ઉલ્લેખનીય છે કે, રિપબ્લિકન પાર્ટી અને ડોનાલ્ડ ટ્રમ્પના એજન્ડામાં ગેરકાયદેસર ઈમિગ્રન્ટ્સનો મુદ્દો સૌથી મહત્વપૂર્ણ છે. આ મુદ્દાને કારણે રિપબ્લિકન પાર્ટીની લોકપ્રિયતામાં પણ વધારો થયો છે. મંગળવારે ગેરકાયદેસર ઇમિગ્રન્ટ્સ દ્વારા કરવામાં આવેલા ગુનાઓનો ભોગ બનેલા પરિવારો પર ધ્યાન કેન્દ્રિત કર્યું. આમાંના એકમાં મેરીલેન્ડની મહિલા રશેલ મોરિનનો પરિવાર પણ સામેલ છે. અલ સાલ્વાડોરના ગેરકાયદેસર ઇમિગ્રન્ટ દ્વારા મોરીન પર બળાત્કાર કરવામાં આવ્યો હતો અને તેની હત્યા કરવામાં આવી હતી. ટ્રમ્પે ઘણી વખત પોતાની રેલીઓમાં પણ આવી ઘટનાઓને ઉઠાવી છે.
