દિગ્વિજય સિંહની ‘વાદા નિભાઓ યાત્રા’માં અશ્લીલ ડાન્સ, વિશ્વાસ સારંગે શેર કર્યો વીડિયો

• દિગ્વિજય સિંહ દ્વારા કાઢવામાં આવી રહેલી ‘વાદા નિભાઓ યાત્રા’નો અશ્લીલ ડાન્સનો વીડિયો સોશિયલ મીડિયા પર થયો વાયરલ
• બિનેટ મંત્રી વિશ્વાસ સારંગે X પર વીડિયો પોસ્ટ કરી કોંગ્રેસ પર સાધ્યું નિશાન

રાજગઢ (મધ્યપ્રદેશ), 7 એપ્રિલ: મધ્યપ્રદેશના પૂર્વ મુખ્યમંત્રી અને રાજગઢ લોકસભા સીટના કોંગ્રેસના ઉમેદવાર દિગ્વિજય સિંહ દ્વારા રાજગઢ લોકસભા ક્ષેત્રમાં ‘વાદા નિભાઓ યાત્રા’ કાઢવામાં આવી રહી છે. જણાવવામાં આવી રહ્યું છે કે આ યાત્રામાં ભીડ એકઠી કરવા માટે કોંગ્રેસના કાર્યકરો દ્વારા અશ્લીલ ડાન્સ પણ કરવામાં આવી રહ્યો છે, જેનો એક વીડિયો સોશિયલ મીડિયા પર વાયરલ થઈ રહ્યો છે. આ વીડિયો રાજગઢ લોકસભા મતવિસ્તારના ચાચોડા વિધાનસભા વિસ્તારના સિંગાપુરા ગામનો હોવાનું કહેવાય છે. અશ્લીલ ડાન્સનો આ વીડિયો મધ્ય પ્રદેશના કેબિનેટ મંત્રી વિશ્વાસ સારંગે પોતાના X એકાઉન્ટ પર શેર કર્યો છે.

વાયરલ વીડિયોમાં શું જોવા મળ્યું?

આ વાયરલ વીડિયોમાં જોવા મળી રહ્યું છે કે એક સ્ટેજ પર ડાન્સર્સ અને કેટલાક વડીલો અશ્લીલ ડાન્સ કરી રહ્યા છે. ડાન્સરની પાછળ દિગ્વિજય સિંહની વાદા નિભાઓ યાત્રાનું પોસ્ટર છે. તેમાં કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે, પૂર્વ અધ્યક્ષ સોનિયા ગાંધી, પૂર્વ અધ્યક્ષ રાહુલ ગાંધી, પ્રદેશ અધ્યક્ષ જીતુ પટવારી, પૂર્વ મુખ્યમંત્રી દિગ્વિજય સિંહ, પૂર્વ સાંસદ લક્ષ્મણ સિંહ અને પૂર્વ કેબિનેટ મંત્રી જયવર્ધન સિંહ અને અન્યના ફોટા છે.

વિશ્વાસ સારંગે વીડિયો શેર કર્યો

મધ્યપ્રદેશના કેબિનેટ મંત્રી વિશ્વાસ સારંગે રાજગઢમાં પૂર્વ મુખ્યમંત્રી દિગ્વિજય સિંહ દ્વારા કાઢવામાં આવી રહેલી વાદા નિભાઓ યાત્રા દરમિયાન અશ્લીલ ડાન્સનો વીડિયો પોતાના ફેસબુક અને X એકાઉન્ટ પર શેર કર્યો છે. આ દરમિયાન કેબિનેટ મંત્રી વિશ્વાસ સારંગે લખ્યું કે, “આ કોંગ્રેસ અને દિગ્વિજય સિંહની મહિલાઓ પ્રત્યેની ‘વાદા નિભાઓ યાત્રા’ છે! આવી ઘટનાઓ રાજગઢ લોકસભા મતવિસ્તારના કોંગ્રેસના ઉમેદવાર દિગ્વિજય સિંહ દ્વારા ચાચોડા વિધાનસભાના સિંગાપુરા ગામમાં વાદા નિભાઓ યાત્રા દરમિયાન યોજવામાં આવી હતી. “સમાજને અશ્લીલતા પીરસવામાં આવી હતી. આ કોંગ્રેસની મહિલાઓ પ્રત્યેની ખરાબ ઈચ્છા દર્શાવે છે, જે અત્યંત શરમજનક છે.”

અહીં જૂઓ વીડિયો:

यह है कांग्रेस और दिग्विजय सिंह की महिलाओं के प्रति ‘वादा निभाओ यात्रा’!

राजगढ़ लोकसभा क्षेत्र से कांग्रेस प्रत्याशी दिग्विजय सिंह द्वारा चचोड़ा विधानसभा के सिंगापुरा गांव में वादा निभाओ यात्रा के दौरान इस प्रकार के आयोजन कर समाज में अश्लीलता परोसी गई।

यह कांग्रेस की महिलाओं के… pic.twitter.com/I71stCgFNg

— विश्वास कैलाश सारंग (मोदी का परिवार) (@VishvasSarang) April 7, 2024

આ પણ વાંચો: પ્રશાંત કિશોરે એવું તો શું કહ્યું કે, કોંગ્રેસ સાથે I.N.D.I.A. એલાયન્સનું પણ વધ્યું ટેંશન?