વિરાટ કોહલી સહિત ક્રિકેટર્સ રંગાયા હોળીના રંગમાં, બસમાં કોહલીએ કર્યો ડાન્સ
રોહિત શર્મા અને વિરાટ કોહલી સહિતના ટીમ ઈન્ડિયાના ક્રિકેટરોએ બસની અંદર શાનદાર હોળી રમી હતી. ટીમ ઈન્ડિયા અલગ મૂડમાં જોવા મળી હતી. રોહિત, કોહલી, શ્રેયસ અય્યર, શુભમન ગિલની મસ્તી જોઈને ફેન્સ પણ પૂછવા લાગ્યા કે તેને શું થયું? તો હોળી સેલિબ્રેશન સાથે બસમાં કોહલી પોતાને ડાન્સ કરતા રોકી શક્યો નહોતો.
View this post on Instagram
કોહલીએ ડાન્સ કરતાની સાથે જ બાકીના ખેલાડીઓ થોડી વધુ મસ્તીના મૂડમાં આવી ગયા હતા. ભારતીય ટીમ હાલ અમદાવાદમાં છે. બોર્ડર ગાવસ્કર ટ્રોફીની ચોથી અને છેલ્લી ટેસ્ટ મેચ અહીં 9 માર્ચથી ભારત અને ઓસ્ટ્રેલિયા વચ્ચે રમાશે. આ સિરીઝમાં ભારતીય ટીમ 2-1થી આગળ છે.
ઈન્દોરમાં ટીમને લાગ્યો હતો ઝટકો
ઈન્દોરમાં ભારતીય ટીમને હારનો સામનો કરવો પડ્યો હતો. આ સ્થિતિ વચ્ચે ટીમ ઈન્ડિયાએ અમદાવાદમાં જીતવું જરૂરી છે. અમદાવાદમાં રમાનારી મેચમાં જીતથી જ ભારતને વર્લ્ડ ટેસ્ટ ચેમ્પિયનશિપની ફાઇનલમાં એન્ટ્રીની ટિકિટ મળશે. રોહિત શર્માના નેતૃત્વમાં ભારતે સિરીઝની શરૂઆતની બંને ટેસ્ટ મેચો એકતરફી રીતે જીતી હતી, પરંતુ ઓસ્ટ્રેલિયાએ ઈન્દોરમાં ભારતને 9 વિકેટે હરાવ્યું હતું.
અમદાવાદમાં જીત જરૂરી
ઈન્દોરમાં ટીમ ઈન્ડિયાની હારથી ભારતની ટેસ્ટ ચેમ્પિયનશિપની આશાઓને ફટકો પડ્યો છે. હવે સમગ્ર દેશની નજર ભારત અને ઓસ્ટ્રેલિયા વચ્ચે અમદાવાદમાં રમાનારી ચોથી ટેસ્ટ પર છે, જે ભારત માટે કરો યા મરોની મેચ છે. ભારત ચોથી ટેસ્ટ જીતતાની સાથે જ ચેમ્પિયનશિપની ફાઇનલમાં પહોંચી જશે. ઓસ્ટ્રેલિયા પહેલા જ ચેમ્પિયનશિપની ફાઇનલમાં પહોંચી ચૂક્યું છે.
