વિરાટ કોહલીએ પાપારાઝી પર ગુસ્સો કર્યોં, અનુષ્કા શર્મા અને બાળકોથી દૂર રહેવાની સલાહ આપી
મુંબઈ, 10 નવેમ્બર 2024 : ગયા શનિવારે અનુષ્કા શર્મા અને વિરાટ કોહલી મુંબઈ એરપોર્ટ પર જોવા મળ્યા હતા. દંપતી તેમના બાળકો સાથે મુંબઈથી નીકળી રહ્યું હતું. આ દરમિયાન વિરાટ કોહલી પાપારાઝી પર ગુસ્સે થયો હતો. તેણે પાપારાઝીને અનુષ્કા શર્મા અને તેના બાળકોના ફોટોગ્રાફ્સ લેવાની મનાઈ કરી હતી, જેનો વીડિયો સોશિયલ મીડિયા પર ટ્રેન્ડ થઈ રહ્યો છે.
View this post on Instagram
સોશિયલ મીડિયા પર વાયરલ થયેલા વીડિયોમાં વિરાટ કોહલી પોતાનો સામાન બહાર કાઢતો અને પેપ્સનું ધ્યાન ભટકાવતો જોવા મળી રહ્યો છે. તે બાળકોના ફોટોગ્રાફ લેવાનો ઇનકાર કરે છે અને કહે છે, ‘ત્યાં કેમેરો નહીં કરવાનો’. જો કે, વિરાટ સાથે સંમત થતાં પાપારાઝીએ અનુષ્કા અને વામિકા-અકાયના ફોટા નહોતા લીધા.
વિદેશમાં શિફ્ટ થવાની અટકળો
મીડિયામાં ઘણા સમયથી ચર્ચા થઈ રહી છે કે અનુષ્કા અને વિરાટ લંડન શિફ્ટ થઈ ગયા છે. દંપતીએ લંડનમાં પુત્ર અકાયનું પણ સ્વાગત કર્યું હતું, જે બાદ આ અટકળો તેજ થઈ ગઈ છે. હાલમાં જ અનુષ્કા શર્મા એક એડ માટે ભારત પરત ફર્યા હતા અને હવે આ કપલ ફરી એકવાર પોતાના બાળકો સાથે વિદેશ જવા રવાના થઈ ગયું છે.
અનુષ્કાએ પોતાના પુત્રની પહેલી ઝલક બતાવી
અનુષ્કા શર્માએ પતિ વિરાટ કોહલીના જન્મદિવસ પર પુત્ર અકાયની પ્રથમ ઝલક શેર કરી હતી. તેણે સોશિયલ મીડિયા પર શેર કરેલા ફોટોમાં વિરાટ કોહલી તેના બે બાળકો સાથે જોવા મળ્યો હતો. જો કે આ ફોટામાં તેના બંને બાળકોના ચહેરા દેખાતા ન હતા.
આ પણ વાંચો : બોલો… રેલવે વિભાગે માત્ર ભંગાર વેચીને મેળવ્યા અધધધ રૂ.452 કરોડ
