રોનાલ્ડોના સમર્થનમાં ઉતર્યો વિરાટ કોહલી : લખી ઈમોશનલ પોસ્ટ
કતાર ખાતે ચાલી રહેલા ફિફા વર્લ્ડ કપમાં સ્ટાર ફૂટબોલર રોનાલ્ડોની ટીમ પોર્ટુગલ ક્વાટરફાઈનલમાં હારી જતા ટુર્નામેન્ટની બહાર થઈ ગઈ હતી. હાર બાદ રોનાલ્ડોની આંખોમા આંસુ પણ જોવા મળ્યા હતા અને તે ધ્રુસકે ને ધ્રુસકે રડતો જોવા મળ્યો હતો, કારણ કે આ વર્લ્ડ કપ તેનો છેલ્લો વર્લ્ડ કપ હતો અને તેની ટીમ બહાર થતા તેનું વર્લ્ડ કપ જીતવાનું સપનુ તૂટ્યુ હતું. આ મેચ બાદ તેની ઘણાં એ આલોચના પણ કરી હતી, પરંતુ ભારતીય સ્ટાર ક્રિકેટર વિરાટ કોહલી તેના સમર્થનમાં ઉતર્યો હતો અને તેના માટે ઈમોશનલ પોસ્ટ પણ શેર કરી હતી.
(1/2) No trophy or any title can take anything away from what you’ve done in this sport and for sports fans around the world. No title can explain the impact you’ve had on people and what I and so many around the world feel when we watch you play. That’s a gift from god. pic.twitter.com/inKW0rkkpq
— Virat Kohli (@imVkohli) December 12, 2022
આ પણ વાંચો : વર્લ્ડ કપની સેમીફાઈનલ નહિ રમી શકે લિયોનેલ મેસ્સી : ફિફા કરી રહ્યું છે પ્રતિબંધની તૈયારી ?
પાર્ટુગલ વર્લ્ડ કપમાંથી બહાર થયા બાદ ઘણાં લોકોએ રોનાલ્ડોને ટ્રોલ કર્યો હતો અને તેના પર ઘણાં સવાલો પણ ઊઠાવ્યા હતાં. ઉપરાંત મેચ બાદ રોનાલ્ડો પણ ઘણો નિરાશ જોવા મળ્યો હતો અને મેદાનની બહાર જઈ રડતો હતો, ત્યારે ઘણાં ફેન્સે તેને હિંમત આપી છે, ત્યારે હાલમાં જ વિરાટ કોહલીએ પણ તેના સોશિયલ મીડિયા પર રોનાલ્ડોનો ફોટો પોસ્ટ કરી, તેના વિશે ઈમોશનલ નોટ લખી હતી.
View this post on Instagram
વિરાટે રોનાલ્ડો માટે લખી ઈમોશનલ નોટ
રોનાલ્ડોના વર્લ્ડ કપમાંથી બહાર થયા બાદ વિરાટ કોહલીએ ઈન્સ્ટાગ્રામ પર ઈમોશનલ પોસ્ટ લખતા લખ્યું કે, “તમે આ રમત માટે અને વિશ્વભરના સ્પોર્ટ્સ ચાહકો માટે જે કર્યું છે, તેને કોઈ ટ્રોફી અથવા ટાઇટલ નક્કી નથી કરી શકતું. તમે લોકો પર જે અસર કરી છે અને જ્યારે અમે તમને રમતા જોઈએ છીએ ત્યારે હું અને વિશ્વભરના ઘણા લોકો શું અનુભવે છે તેનું કોઈ શીર્ષક વર્ણન કરી શકતું નથી. તમે ભગવાન તરફથી કુદરતી ભેટ છો. તમે એવા ખેલાડી છો જે દિલથી રમત રમે છે અને એટલા માટે જ લોકો તમને હૃદયથી સાચા આશીર્વાદ આપે છે. કોઈપણ રમતવીર માટે સખત મહેનત, સમર્પણ અને સાચી પ્રેરણાનું તમે પ્રતીક છે. તમે મારા માટે સર્વકાલીન મહાન છો.’
