‘JAWAN’માં સેતુપતિ, આ સુપર સ્ટારને કર્યો રિપ્લેસ
શાહરૂખ ખાન અત્યારે તેની અપકમિંગ ફિલ્મ ‘જવાન’ને લઈ ચર્ચામાં છે. આ ફિલ્મ તેના ફર્સ્ટ લૂક રિવીલ થયા બાદ ચર્ચામાં પહેલાથી જ હતી અને હવે ફરી શાહરૂખના ફેન્સમાં ફરી આ ફિલ્મ ચર્ચાનું કારણ બની છે સાઉથ સુપર સ્ટાર વિજય સેતપુતિના નામથી. જી હાં, કારણકે શાહરૂખ સાથે તેની આ ફિલ્મમાં સાઉથ સુપર સ્ટાર વિજય સેતુપતિ પણ જોવા મળશે.
"You are the most wonderful actor I have seen in my life" @IAMSRK to @VijaySethuOffl
Now #VijaySethupathi is on board for #Jawan????
— Aman (@amanaggar) July 5, 2022
બોલિવૂડના કિંગ ખાન એટલે કે શાહરૂખ ખાન આ દિવસોમાં પોતાની આગામી ફિલ્મોને લઈને ચર્ચામાં છે. ‘ઝીરો’ના ચાર વર્ષ બાદ તે ફિલ્મોમાં કમબેક કરી રહ્યો છે. ઘણા સમયથી ફેન્સ ફિલ્મી પડદે કિંગખાનની એન્ટ્રીની રાહ જોઈ રહ્યા હતા. બેક ટુ બેક શાહરૂખ એક બાદ એક પોતાના અપકમિંગ પ્રોજેક્ટની જાહેરાત કરી રહ્યો છે. આ બધી અપકમિંગ ફિલ્મોમાં શાહરૂખની ‘જવાન’ ફિલ્મનો પણ સમાવેશ થાય છે. જેનો ફર્સ્ટ લૂક રીસન્ટલી રિવીલ થયો છે અને શાહરૂખનો જવાન ફિલ્મમાં આ ન્યૂ લૂક તેના ફેન્સને ખૂબ જ પસંદ આવી રહ્યો છે.
સેતપુતિએ રાણા દગ્ગુબતીને કર્યો રિપ્લેસ
ફિલ્મનો ફર્સ્ટ લૂક રિવીલ થયો હતો. એ પછી હવે આ ફિલ્મ સીધી કનેક્ટ થવા જઈ રહી છે ટોલીવુડ સાથે. કારણકે શાહરૂખની આ ફિલ્મમાં એન્ટ્રી કરી છે સાઉથની ફિલ્મોમાં ધૂમ મચાવનાર વિજય સેતપુતિ. . વિજય આ ફિલ્મમાં બાહુબલી ફેમ એક્ટર રાણા દગ્ગુબતીને રિપ્લેસ કરવા જઈ રહ્યો છે. મેકર્સ આ ફિલ્મ માટે રાણાનો સંપર્ક કરી રહ્યા હતા. પરંતુ શૂટિંગની ડેટ્સની પ્રોબ્લેમ્સ હોવાના કારણે રાણા દગ્ગુબતી આ ફિલ્મ કરી શકશે નહીં. ત્યારબાદ, ફિલ્મ મેકર્સે વિજય સેતપુતિનો કોન્ટેક્ટ કર્યો અને તે આ ફિલ્મ કરવા માટે તૈયાર થઈ ગયો. શાહરૂખ ખાન સાથે ફિલ્મ ‘જવાન’માં દીપિકા પાદુકોણ, નયનતારા, સાન્યા મલ્હોત્રા અને સુનીલ ગ્રોવર પણ જોવા મળશે.
‘પુષ્પાઃ ધ રૂલ’માં વિજય પણ બનશે વિલન
રિપોર્ટ અનુસાર, વિજય સેતુપતિ ફિલ્મ ‘જવાન’માં નેગેટિવ રોલમાં જોવા મળશે. તાજેતરમાં જ કમલ હાસનની ફિલ્મ ‘વિક્રમ’માં પણ તેનો દમદાર રોલ જોવા મળ્યો હતો. તે અલ્લુ અર્જુનની આગામી ફિલ્મ ‘પુષ્પાઃ ધ રૂલ’માં વિલનની ભૂમિકામાં પણ જોવા મળશે. ‘જવાન’માં બોલિવૂડ અને સાઉથના કલાકારો એકસાથે જોવા મળવાના છે, જેના કારણે આ ફિલ્મ ઘણી ચર્ચામાં છે.
ફિલ્મ ‘જવાન’ રેડ ચિલી પ્રોડક્શન હાઉસના બેનર હેઠળ બની રહી છે. શાહરૂખ ખાનની 30 વર્ષની કારકિર્દીમાં આ પહેલીવાર બનવા જઈ રહ્યું છે કે જ્યારે તેની કોઈપણ ફિલ્મ પેન ઈન્ડિયા લેવલ પર રિલીઝ થશે. ગૌરી ખાન આ ફિલ્મને પ્રોડ્યુસ કરી રહી છે. આ ફિલ્મ 2 જૂન, 2023ના રોજ સિનેમાઘરોમાં રિલીઝ થશે.
