બહુચર્ચિત ઉદ્યોગપતિ વિજય માલ્યાને સુપ્રિમ કોર્ટની અવગણના બદલ 4 મહિનાની જેલની સજા ફટકારી છે. સાથે જ રૂ.2000નો દંડ ફટકાર્યો હતો. કેન્દ્ર સરકારે સુપ્રીમ કોર્ટ પાસે આ કેસમાં વિજય માલ્યાને મહત્તમ સજા કરવાની માંગ કરી હતી. કેન્દ્રએ કહ્યું હતું કે માલ્યાએ ન માત્ર વિદેશી ખાતામાં નાણાં ટ્રાન્સફર કરવા અંગે કોર્ટને ખોટી માહિતી આપી હતી, પરંતુ છેલ્લા 5 વર્ષથી કોર્ટમાં હાજર ન રહીને આદેશોની અવગણના પણ કરી હતી.
Supreme Court awards 4-month jail sentence and imposes Rs 2000 fine on fugitive businessman Vijay Mallya who was found guilty of contempt of court in 2017 for withholding information from the court pic.twitter.com/Z8zP5P8qdf
— ANI (@ANI) July 11, 2022
2017માં જ વિજય માલ્યાને સુપ્રીમ કોર્ટે તિરસ્કારના કેસમાં દોષિત જાહેર કર્યા હતા. પરંતુ સજા હવે થઈ છે. કેન્દ્રએ કહ્યું હતું કે માલ્યાએ ન માત્ર વિદેશી ખાતામાં નાણાં ટ્રાન્સફર કરવા અંગે કોર્ટને ખોટી માહિતી આપી હતી, પરંતુ છેલ્લા 5 વર્ષથી કોર્ટમાં હાજર ન રહીને આદેશોની અવમાનના પણ કરી હતી. બે હજારનો દંડ ન ભરે તો સજા વધુ બે મહિના લંબાવવામાં આવશે.
સુપ્રીમ કોર્ટે કહ્યું કે વિજય માલ્યાએ ક્યારેય કોર્ટની અવગણના બદલ માફી માંગી નથી. સર્વોચ્ચ અદાલતે ભાગેડુ વેપારીને 4 અઠવાડિયાની અંદર વ્યાજ સાથે USD 40 મિલિયન પાછા જમા કરાવવા જણાવ્યું છે. આમ કરવામાં નિષ્ફળતા વિજય માલ્યાની મિલકતો જપ્ત કરવામાં પરિણમશે. કેન્દ્રીય તપાસ એજન્સીઓના અધિકારીઓ કાર્યવાહી કરવા માટે સ્વતંત્ર હશે.
