મહાકુંભ 2025/ વિજય દેવરકોંડાએ મા સાથે ગંગામાં આસ્થાની ડુબકી લગાવી, શેર કરી તસવીરો
પ્રયાગરાજ, 17 ફેબ્રુઆરી 2025 : દર 12 વર્ષે યોજાતો મહાકુંભ મેળો માત્ર એક ધાર્મિક કાર્યક્રમ નથી પણ ભારતના સાંસ્કૃતિક અને આધ્યાત્મિક વારસાનું પ્રતીક પણ છે. પ્રયાગરાજમાં ત્રિવેણી સંગમ ખાતે કરોડો ભક્તો ભેગા થાય છે અને ગંગા, યમુના અને સરસ્વતીના સંગમમાં સ્નાન કરે છે. આ વખતે મહાકુંભ 2025માં, બોલિવૂડ અને દક્ષિણ ફિલ્મ ઉદ્યોગના ઘણા સ્ટાર્સ પણ આ આધ્યાત્મિક યાત્રાનો ભાગ બન્યા. આ ખાસ પ્રસંગે દક્ષિણ સિનેમાના સુપરસ્ટાર વિજય દેવરકોંડાએ તેમની માતા માધવી સાથે ગંગામાં ડૂબકી લગાવી. અભિનેતાએ સોશિયલ મીડિયા પર પોતાના મહાકુંભની કેટલીક તસવીરો શેર કરી છે. આ તસવીરોમાં અભિનેતા પોતાના પરિવાર અને કેટલાક ખાસ મિત્રો સાથે જોવા મળી રહ્યા છે.
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
https://chat.whatsapp.com/K2iNelyylPD9ZoDNpMuN9o
વિજય દેવેરાકોન્ડાએ પોતાના ઇન્સ્ટાગ્રામ પર તસવીરો શેર કરી અને લખ્યું, “2025 કુંભ મેળો – આપણા મહાકાવ્ય મૂળ અને -જડને જોડવા અને તેનું સન્માન કરવાની યાત્રા. મારા ભારતીય મિત્રો સાથે યાદો બનાવી રહ્યો છું. મમ્મી સાથે પ્રાર્થના કરી રહ્યો છું. આ સુંદર ગ્રુપ સાથે કાશીની યાત્રા કરી રહ્યો છું.”
View this post on Instagram
વિજય અને તેની માતાએ પ્રયાગરાજના ત્રિવેણી સંગમમાં ગંગા સ્નાન કર્યું, જ્યાં વિજયે કેસરી ધોતી અને રુદ્રાક્ષની માળા પહેરી. તેમનો સાધુ લુક સોશિયલ મીડિયા પર વાયરલ થયો, જેનાથી તેમના ચાહકોમાં ખુશીની લહેર ફેલાઈ ગઈ. વિજયની આ તસવીરો ઇન્ટરનેટ પર વાયરલ થઈ ગઈ.
વિજય દેવેરાકોંડા ઉપરાંત, ઘણી ફિલ્મ હસ્તીઓએ પણ મહાકુંભ 2025માં ભાગ લીધો હતો. રામ ચરણની પત્ની ઉપાસના કામીનેનીએ સંગમની મુલાકાતના ફોટા શેર કર્યા, જ્યારે રાણા દગ્ગુબાતીની પત્ની મિહીકા બજાજે ઇન્સ્ટાગ્રામ પર નાગા સાધુઓ સાથેનો પોતાનો અનુભવ શેર કર્યો. દક્ષિણ અભિનેત્રી શ્રીનિધિ શેટ્ટીએ પણ મહાકુંભમાં પોતાની હાજરી નોંધાવી અને તેને પોતાના જીવનનો અમૂલ્ય અનુભવ ગણાવ્યો..
આ પણ વાંચો : Chardham Yatra 2025: ક્યારથી શરૂ થશે ચારધામ યાત્રા? જાણો કેદારનાથ-બદ્રીનાથ અને ગંગોત્રી-યમુનોત્રીના કપાટ ક્યારે ખુલશે
