KBCના સેટ પર વિદ્યા બાલનનું સપનું પૂરું થયું, બિગ બી સાથે કર્યો રોમેન્ટિક ડાન્સ
- કાર્તિક આર્યન અને વિદ્યા બાલન ભૂલ ભુલૈયા 3ના પ્રમોશન માટે કેબીસીમાં આવવાના છે. KBCના સેટ પર અભિનેત્રી બિગ બી સાથે ડાન્સ કરતી જોવા મળી રહી છે
17 ઓક્ટોબર, મુંબઈઃ અમિતાભ બચ્ચન હાલમાં રિયાલિટી શો કૌન બનેગા કરોડપતિ હોસ્ટ કરતા જોવા મળે છે. આ શોમાં અમિતાભ બચ્ચન ઘણી વખત ઘણા રહસ્યો ખોલતા જોવા મળ્યા છે. આ વખતે કાર્તિક આર્યન અને વિદ્યા બાલન તેમની ફિલ્મ ભૂલ ભુલૈયા 3ના પ્રમોશન માટે શોમાં આવવાના છે. શોનો પ્રોમો સામે આવ્યો છે, KBCના સેટ પર અભિનેત્રી બિગ બી સાથે ડાન્સ કરતી જોવા મળી રહી છે. વિદ્યા બાલનનું વર્ષો જુનું સપનું સાકાર થયું છે. તેને ભલે ફિલ્મમાં નહિ, પરંતુ ફિલ્મના પ્રમોશનમાં તો સુપર સ્ટાર સાથે ડાન્સ કરવાનો મોકો મળી ગયો છે.
‘KBC’ના નિર્માતાઓએ ઈન્સ્ટાગ્રામ પર શોની એક ક્લિપ શેર કરી છે. જેમાં વિદ્યા બાલન અને બોલિવૂડ સ્ટાર કાર્તિક આર્યન હોટસીટ પર જોવા મળી રહ્યા છે. ક્લિપની શરૂઆતમાં બિગ બી વિદ્યા સાથે દેખાઈ રહ્યા છે અને તેઓ ‘સત્તે પે સત્તા’નું ગીત ‘દિલબર મેરે’ ગાતા જોવા મળે છે.
View this post on Instagram
દિલબર મેરે, કબ તક મુજે…ગીત પર કર્યો ડાન્સ
વિદ્યા બાલન અને અમિતાભ બચ્ચન બંને બ્લેક કલરના આઉટફિટમાં જોવા મળે છે. જ્યારે વિદ્યાએ ગ્રે જિયોમેટ્રિક પેટર્નવાળી બ્લેક સાડી પહેરી હતી, તો બિગ બી બ્લેક સૂટમાં જોવા મળ્યા હતા. બંનેએ ‘દિલબર મેરે…’ગીત પર ડાન્સ કર્યો હતો. હાલમાં કાર્તિક અને વિદ્યા તેમની આગામી ફિલ્મ ‘ભૂલ ભુલૈયા 3’ના પ્રમોશનમાં વ્યસ્ત છે. આ ફિલ્મમાં તૃપ્તિ ડિમરી અને માધુરી દીક્ષિત પણ છે. જ્યારે કાર્તિક અને વિદ્યા ફિલ્મનું પ્રમોશન કરી રહ્યા છે, ત્યારે તૃપ્તિ ડિમરીએ પોતાને ફિલ્મના પ્રમોશનથી દૂર રાખી છે.
ભૂલ ભુલૈયા 3 દિવાળી પર રીલીઝ થશે
‘ભૂલ ભુલૈયા 3’ દિવાળી પર રીલીઝ થશે અને રોહિત શેટ્ટી નિર્દેશિત મલ્ટિસ્ટારર ‘સિંઘમ અગેન’ સાથે ટકરાશે. ‘ભૂલ ભૂલૈયા 3’નું ટાઈટલ ટ્રેક પણ બુધવારે રીલીઝ કરવામાં આવ્યું હતું. તેમાં પંજાબી તડકા સાથે લોકપ્રિય ટ્યુનનું મિક્સિંગ છે અને તેમાં આંતરરાષ્ટ્રીય રેપર પિટબુલ અને પંજાબી સુપરસ્ટાર દિલજીત દોસાંઝ પણ છે.
આ પણ વાંચોઃ સલમાનની એક્સ ગર્લફ્રેન્ડ સોમી અલીએ લોરેન્સ બિશ્નોઈનો ફોન નંબર માંગ્યો, જાણો શું કરી ઓફર?
