VIDEO: સાઈકલ ચલાવતાં ચલાવતાં કૉફી બનાવીને ડિલિવરી કરે છે આ ભાઈ!
હમ દેખેંગે ન્યૂઝ ડેસ્ક (અમદાવાદ), 02 માર્ચ: Turkish Coffee બનાવતા એક વ્યક્તિનો વીડિયો સોશિયલ મીડિયા પર વાયરલ થતા લોકોને ચોંકાવી દીધા છે. તમે વિચારી રહ્યા હશો કે આ કેવી રીતે? કારણ કે તેણે સાઈકલ ચલાવતી વખતે કૉફી બનાવી હતી. વીડિયો સાથે શેર કરાયેલા કેપ્શનનો એક ભાગ લખે છે, “દેશભરમાં ફ્રી ડિલિવરી સાથે Turkish coffee.”
સાઈકલ પર ટર્કિશ કૉફી બનાવતો વીડિયો વાયરલ
View this post on Instagram
વીડિયોમાં જોઈ શકાય છે કે, શખ્સ તેની સાઈકલ ચલાવતી વખતે હેન્ડલ પર લાકડાનું બોર્ડ મૂકે છે, ત્યારબાદ તે બોર્ડ પર લાલ કાપડ રાખે છે. એક પિત્તળના વાસણમાં તે એક ચમચી કૉફી નાખે છે અને બોર્ડ પર એક નાનકડો ગેસ સ્ટોવ પણ રાખે છે. એકવાર તે કૉફીમાં પાણી ઉમેરે છે અને સરસ રીતે બંનેેને મિક્સ કરે છે, પછી તે વાસણને સ્ટવ પર રાખીને કૉફીને ઉકાળે છે. વીડિયોના અંતમાં એ ભાઈ ડિસ્પોઝલ ગ્લાસમાં કૉફી સર્વ કરીને એક ગ્રાહકને આપી દે છે.
આ વીડિયો 3 ફેબ્રુઆરીએ ઈન્સ્ટાગ્રામ પર શેર કરવામાં આવ્યો હતો. ત્યારથી તે 5.1 મિલિયનથી વધુ વ્યૂઝ સાથે વાયરલ થઈ રહ્યો છે અને સંખ્યા હજુ પણ વધી રહી છે. કોમેન્ટ સેક્શનમાં ઘણા લોકોએ પોતાની પ્રતિક્રિયા આપી છે. એકે લખ્યું: “કેટલું સરસ, શું બેલેન્સ બનાવ્યું છે,” બીજાએ લખ્યું, ખૂબ જ સરસ. તો બીજા એક યુઝર્સે કહ્યું કે, સાઈકલ પરથી કૉફી કેવી રીતે ના પડી? આ વીડિયો બાદ એક પછી એક લોકો કોમેન્ટ્સ કરી રહ્યા છે. અને શખ્સના ટેલેન્ટને વખાણી રહ્યા છે.
છે ને જોરદાર આઈડિયા? નહીં મૂડી રોકાણની જરૂર, નહીં દુકાન રાખવાનો ખર્ચ, નહીં જગ્યાનું ભાડું ભરવાની ચિંતા.
આ પણ વાંચો: વીડિયો: આ વ્યક્તિ 9 ટુ 5 જોબ ન કરી શક્યો, નોકરી છોડતા જ કર્યો જોરદાર ડાન્સ
