IPL સ્ટ્રીમિંગ વિવાદની વચ્ચે તમન્ના ભાટિયાની ‘ઓડેલા 2’નો વીડિયો રીલીઝ!
- આઈપીએલના ગેરકાયદે સ્ટ્રીમિંગ વિવાદની વચ્ચે તમન્ના ભાટિયાની અપકમિંગ ફિલ્મ ઓડેલા 2ને લઈને નવું અપડેટ સામે આવ્યું છે. ફિલ્મ મેકર્સે ‘ઓડેલા 2’ ફિલ્મના શૂટિંગનો જબરજસ્ત વીડિયો રીલીઝ કર્યો છે
26 એપ્રિલ, મુંબઈઃ બોલિવૂડ અને સાઉથની અભિનેત્રી તમન્ના ભાટિયા હાલમાં આઈપીએલના ગેરકાયદે સ્ટ્રીમિંગ વિવાદને લઈને ચર્ચાઓમાં છે. આ કેસમાં એક્ટ્રેસને સમન્સ પાઠવવામાં આવ્યું છે. તમન્ના ભાટિયા પહેલા સંજય દત્તને પણ બોલાવાયો હતો. આ વિવાદોની વચ્ચે તમન્નાની અપકમિંગ ફિલ્મ ‘ઓડેલા 2’ને લઈને નવું અપડેટ સામે આવ્યું છે. આ ફિલ્મનું શૂટિંગ માર્ચ મહિનાથી શરૂ થઈ ચૂક્યું છે.
‘ઓડેલા 2’નો શૂટિંગ વીડિયો આવ્યો
‘ઓડેલા 2’ ક્રાઈમ-થ્રિલર ફિલ્મ ‘ઓડેલા રેલવે સ્ટેશન’નો બીજો ભાગ છે અને તેનો પહેલો ભાગ વર્ષ 2022માં રીલીઝ થઈ ચૂક્યો છે. આ ફિલ્મમાં તમન્ના લીડ રોલમાં જોવા મળશે. 26 એપ્રિલે ફિલ્મ નિર્માતાઓએ તેની ફિલ્મના શૂટિંગનો એક વીડિયો શેર કર્યો છે. શેર કરેલ આ વીડિયોમાં તમે જોઈ શકો છો કે તમન્ના શિવ શક્તિની ભૂમિકામાં તૈયાર થતી દેખાઈ રહી છે. વીડિયો શેર કરતા મેકર્સે જાણકારી આપી છે કે ‘ઓડેલા 2’ના બીજા ભાગનું શૂટિંગ શરૂ થઈ ગયું છે.
View this post on Instagram
ફિલ્મની સ્ટાર કાસ્ટ
આ ફિલ્મમાં તમન્ના ભાટિયા લીડ રોલમાં જોવા મળશે. આ ઉપરાંત એક્ટ્રેસ હેબા પટેલ, વશિષ્ઠ એન. સિંહા, ગગન વિહારી, પૂજા રેડ્ડી, સુરેન્દ્ર રેડ્ડી અને ભૂપાલ પણ જોવા મળશે. ફિલ્મનું ડિરેક્શન ડી મધુ ક્રિએશન્સ અને સંપત નંદી ટીમ વર્ક્સના બેનર હેઠળ કરવામાં આવ્યું છે. ઉલ્લેખનીય છે કે તમન્ના ભાટિયાને મહારાષ્ટ્ર સાઈબર સેલે આઈપીએલ 2023 મેચના ગેરકાયદે સ્ટ્રીમિંગને પ્રોત્સાહન આપવાના કેસમાં પૂછપરછ માટે બોલાવી હતી. હવે તેણે 29 એપ્રિલે હાજર થવાનું છે.
આ પણ વાંચોઃ રેખાએ રિચા ચઢ્ઢાના બેબી બમ્પને કિસ કરી આપ્યા આશીર્વાદ, ‘હીરામંડી’ના સ્ક્રિનિંગ પર ઈમોશનલ દ્રશ્ય
