VIDEO: ટ્રેનમાં યુવતીનો અશ્લીલ ડાન્સ જોઈને લોકો થયા ગુસ્સે, રેલવેએ આપી પ્રતિક્રિયા

• છોકરીએ ટ્રેનમાં તેમજ રેલવે પ્લેટફોર્મ પર કર્યો અશ્લીલ ડાન્સ
• અશ્લીલ ડાન્સ જોઈ લોકો ઊભા થઈ ચાલવા લાગ્યા
• આરપીએફ મુંબઈ વિભાગે કહ્યું માહિતી આપવા બદલ આભાર, હવે થશે કાર્યવાહી

મુંબઈ, 29 મે: સોશિયલ મીડિયાના આ યુગમાં લોકોમાં લાઈક્સ અને ફોલોઅર્સ મેળવવાની સ્પર્ધા રોજે- રોજ વધી રહી છે. લોકો લાઈક્સ અને ફોલોઅર્સ મેળવવા માટે કંઈ પણ કરવા તૈયાર છે. ભલે પછી તેમની ક્રિયાઓ અન્ય લોકોને મુશ્કેલીનું કારણ બની રહી હોય. મેટ્રો ટ્રેન અને રેલવે પ્લેટફોર્મ સહિત લગભગ તમામ જાહેર સ્થળો પર લોકોએ રીલ બનાવવાનું શરૂ કરી દીધું છે. આવો જ વધુ એક કિસ્સો પ્રકાશમાં આવ્યો છે. જેમાં એક છોકરી ટ્રેનમાં ડાન્સ કરતી જોવા મળે છે. તેનો વીડિયો સોશિયલ મીડિયા પર ખૂબ જ વાયરલ થઈ રહ્યો છે.

આ મામલે રેલવેએ પણ પ્રતિક્રિયા આપી છે. આરપીએફ મુંબઈ વિભાગે ટ્વીટ કરીને લખ્યું, ‘માહિતી આપવા બદલ આભાર. આ મામલે જરૂરી કાર્યવાહી કરવામાં માટે સંબંધિત અધિકારીઓને મોકલવામાં આવ્યો છે. વાયરલ વીડિયોમાં યુવતી ભોજપુરી ગીત પર ડાન્સ કરતી જોઈ શકાય છે. તેના ઘણા વધુ વીડિયો પણ પ્રકાશમાં આવ્યા છે. જેમાં તે મુંબઈની લોકલ ટ્રેન અને છત્રપતિ શિવાજી મહારાજ ટર્મિનસ (CMST) સ્ટેશન પર ડાન્સ કરતી વખતે વીડિયો બનાવતી જોવા મળે છે.

લોકો યુવતીની ખૂબ ટીકા કરી રહ્યા છે. વીડિયોને સોશિયલ મીડિયા પ્લેટફોર્મ X પર @mumbaimatterz નામના એકાઉન્ટથી શેર કરવામાં આવ્યો છે. જેના કેપ્શનમાં GRP પોલીસ, DRM મુંબઈ અને રેલવે મંત્રાલયને ટેગ કરવામાં આવ્યા છે.

અહીં જૂઓ વાયરલ વીડિયો:

#Mumbai #Mujra

Passengers can never travel in Peace inside #MumbaiLocals, Hawkers Beggars & now Reel makers

It’s high time @grpmumbai @drmmumbaicr @RailMinIndia put an END to this Nuisance

Scene inside @centralrailway trains & at CSMT stn

Offenders Insta a/c @manishadancer01 pic.twitter.com/qVxtWyZeTU

— मुंबई Matters™ (@mumbaimatterz) May 28, 2024

આ એકાઉન્ટ પરથી યુવતીના ત્રણ વીડિયો શેર કરવામાં આવ્યા છે. આમાં તે મુંબઈ લોકલ ટ્રેનના જનરલ અને મહિલા કોચ તેમજ CMST સ્ટેશનના પ્લેટફોર્મ પર ડાન્સ કરતી જોઈ શકાય છે. તે લોકોની ભીડ વચ્ચે ડાન્સ કરી રહી છે. આનાથી સ્પષ્ટ થાય છે કે યુવતીના આ પગલાથી અન્ય મુસાફરોને કેટલી મુશ્કેલીનો સામનો કરવો પડી રહ્યો હતો.

આ પણ વાંચો: ડર, તે શું હોય છે? કાર પર ઊભા રહીને વ્યક્તિએ કર્યો ખતરનાક સ્ટંટ, જુઓ વીડિયો