Video: ઓલિમ્પિક્સ હોકી: ભારતીય ટીમને સેમીફાઈનલમાં લઇ જનાર હીરો છે આ ખેલાડી
પેરિસ, 4 ઓગષ્ટ: ભારતીય હોકી ટીમ પેરિસ ઓલિમ્પિકની સેમીફાઈનલમાં પહોંચી ત્યારે આનો સૌથી મોટો શ્રેય ગોલકીપર શ્રીજેશને જાય છે. જેણે બ્રિટિશ ખેલાડીઓના દરેક હુમલાને નિષ્ફળ બનાવ્યો. તેને ‘સુપરમેન’, ‘ધ રીયલ ચેમ્પિયન’ અને ‘ધ વોલ’ તરીકે વર્ણવવામાં આવી રહ્યો છે.
પેરિસ ઓલિમ્પિકની ક્વાર્ટર ફાઇનલમાં અમિત રોહિદાસને જ્યારે રેડ કાર્ડ મળ્યું ત્યારે લાગતું હતું કે કદાચ તે મુશ્કેલ હશે, પરંતુ દરેકને ટીમ ઇન્ડિયાના તે હીરો પર વિશ્વાસ હતો. દરેક જણ પ્રાર્થના કરી રહ્યા હતા કે જો મામલો શૂટ-ઓફ સુધી પહોંચે, તો તે હીરો આપણને જીત તરફ દોરી જશે. અને એવું જ થયું… તે દિવાલની પાછળ ઉભો રહ્યો અને ભારતને ઓલિમ્પિક હોકીની સેમિફાઇનલમાં પહોંચાડીને જ જપ્યો.
Shaking the hand that showed nerves of steel today! A well earned victory for Team India and Sreejesh, the ‘Wall of Hockey’ for a great game! All our best wishes and blessings to the entire team for the next match.#JeetKiAur #Cheer4Bharat #Paris2024 #Hockey pic.twitter.com/gVKsbKJxLm
— P.T. USHA (@PTUshaOfficial) August 4, 2024
ટીમ ઈન્ડિયાના ગોલકીપર પીઆર શ્રીજેશ આજની મેચમાં હીરો સાબિત થયા છે. બંને ટીમો 60 મિનિટ સુધી 1-1ની બરાબરી પર હતી. જીત કે હાર નક્કી કરવા માટે શૂટ ઓફનો આશરો લેવો પડ્યો. અહીં નક્કી થયું કે હવે ભારતનો હાથ ઉપર રહેવાનો હતો. કારણ કે આપણી પાસે શ્રીજેશ જેવો ગોલકીપર હતો. શૂટઆઉટમાં પીઆર શ્રીજેશે બે ઉત્તમ બચાવ કરી ભારતને જીત અપાવી અને બ્રિટિશ ખેલાડીઓની તમામ આશાઓ પર પાણી ફરી વળ્યું.
જૂઓ વીડિયો…
No way through as long as PR Sreejesh is at goal 🤌🏻
Watch #Sreejesh & #TeamIndia in action – LIVE NOW on #Sports18 & streaming FREE on #JioCinema 📲https://t.co/SS4wXi4HYw#OlympicsonJioCinema #OlympicsonSports18 #Olympics #Hockey #JioCinemaSports #Paris2024 pic.twitter.com/rjmWJ0L75g
— JioCinema (@JioCinema) August 4, 2024
સમગ્ર મેચ દરમિયાન 8 એવા પ્રસંગો આવ્યા જ્યારે બ્રિટિશ ટીમ ભારતીય ડિફેન્સમાં ઘૂસીને ગોલની નજીક પહોંચી ગઈ. પરંતુ શ્રીજેશના ચુસ્ત ઈરાદાઓનો સામનો કરતાની સાથે જ તેઓને પરાજય પામીને પરત ફરવું પડ્યું હતું. ડાબે, જમણે, ઉપર અને નીચે તમામ પ્રયાસો નિષ્ફળ ગયા. એવા ઘણા પ્રસંગો હતા જ્યારે બ્રિટિશ ખેલાડીઓ ભારતીય ગોલ પોસ્ટની નજીક પહોંચી ગયા હતા, પરંતુ ભારતીય વોલમાં પ્રવેશ કરી શક્યા ન હતા.
હોકીમાં ક્વાર્ટર ફાઈનલ જીત્યા બાદ શ્રીજેશે કહ્યું, મેં મારી જાતને કહ્યું કે આ મારી છેલ્લી મેચ હોઈ શકે છે. અથવા જો હું ગોલ બચાવીશ તો મને વધુ 2 મેચ રમવા મળશે. અમે આ મેચ જીતીને ખૂબ જ ખુશ છીએ. શ્રીજેશ ઓલિમ્પિક બાદ નિવૃત્તિની જાહેરાત કરી ચૂક્યો છે. આ મેચ બાદ તે ઈન્ટરનેશનલ મેચોમાં જોવા નહીં મળે.
શ્રીજેશની તસવીરો સોશિયલ મીડિયા પર વાયરલ થઈ રહી છે. કેટલાક તેને ‘સુપરમેન’ કહી રહ્યા છે, કેટલાક તેને ‘રીયલ ચેમ્પિયન’ કહી રહ્યા છે અને કેટલાક તેને ‘ધ વોલ’ કહી રહ્યા છે. ઘણા લોકો તેમને ‘ભારત રત્ન’ આપવાની માંગ કરી રહ્યા છે. કેટલાક લોકોએ તેમને નોબેલ પુરસ્કાર અને પરમવીર ચક્ર આપવાની પણ માંગ કરી હતી. લોકો તેના મીમ્સ બનાવીને તેના વખાણ કરી રહ્યા છે. ભારત હવે સેમિફાઇનલમાં નેધરલેન્ડ અને જર્મની વચ્ચેની મેચના વિજેતા સાથે ટકરાશે.
આ પણ વાંચો : આજે શ્રીલંકા સામેની બીજી વનડેમાં ભારતની પ્લેઈંગ 11માં થશે ફેરફાર? આ ખેલાડીને અપાઈ શકે છે તક
