iPhone 16 ખરીદવા નવા Apple સ્ટોરની બહાર થયેલી ભીડનો વીડિયો વાયરલ, જૂઓ વીડિયો
- Appleએ તાજેતરમાં જ iPhone 16 અને iPhone 16 Pro સિરીઝ લોન્ચ કરી છે
HD ન્યૂઝ ડેસ્ક, 13 સપ્ટેમ્બર: Iphone ખરીદવા માટે એપલ સ્ટોરની બહાર કલાકો સુધી લાઇનમાં રાહ જોતા લોકોનો વીડિયો સોશિયલ મીડિયા પર ઘણી વખત ચર્ચાનો વિષય બન્યો છે. એપલની એક મોટી ઈવેન્ટ દરમિયાન ફરી એકવાર આવું જ દ્રશ્ય જોવા મળ્યું હતું. iPhone 16, iPhone 16 Pro અને iPhone 16 Pro Max મલેશિયામાં ક્યુપરટિનો એપલ હેડક્વાર્ટર અને નવા રિટેલ સ્ટોર પર લોન્ચ કરવામાં આવ્યા છે. જેને પગલે ત્યાં લોકો ભારે ભીડ સાથે લાંબી લાઈનો જોવા મળી હતી. એપલ, જે બ્રાન્ડ મોબાઇલ ફોનની દુનિયામાં રાજાનું સ્થાન ધરાવે છે, તે ઘણીવાર ચર્ચા બનાવે છે. iPhone 16 સીરીઝના નવા મોડલ લોન્ચ કરીને એપલે દુનિયાભરના લોકોનું ધ્યાન પોતાની તરફ ખેંચ્યું છે.
જૂઓ આ વાયરલ વીડિયો
View this post on Instagram
લોકો કલાકો સુધી રાહ જોતા ઊભા રહ્યા
વાયરલ વીડિયોમાં મલેશિયાના પહેલા રિટેલ એપલ સ્ટોરની બહાર મોટી સંખ્યામાં લોકોની ભીડ જોઈ શકાય છે. આ નવો Apple સ્ટોર મલેશિયાના ક્વાલા લમપુરના ટુન રજક એક્સચેન્જ (TRX) બિઝનેસ ડિસ્ટ્રિક્ટમાં ખોલવામાં આવ્યો છે. વાયરલ વીડિયોમાં એપલ સ્ટોરના ઉદ્ઘાટનનો ઉત્સાહ સ્પષ્ટ જોઈ શકાય છે. ઇન્સ્ટાગ્રામ પર આ વીડિયો પોસ્ટ કરતી વખતે કેપ્શન છે કે, “આ લાઇન Apple Exchange TRX માટે છે. સ્ટોર સવારે 10 વાગ્યે ખુલશે.” આ વીડિયોમાં લોકોની લાંબી કતારો જોઈ શકાય છે. ઈન્સ્ટાગ્રામ પર અત્યાર સુધીમાં આ વીડિયોને 50 લાખથી વધુ વખત જોવામાં આવ્યો છે.
સ્પેશિયલ ઇવેન્ટ
એપલે તેના ગ્રાહકોને નવા સ્ટોરના ઉદ્ઘાટનની ઉજવણી માટે ‘ઝોમ ડિસ્કવર’ નામની સ્પેશિયલ ઇવેન્ટમાં આમંત્રિત કર્યા હતા. વાયરલ વીડિયો પર સોશિયલ મીડિયા યુઝર્સ તરફથી મિક્સ્ડ પ્રતિક્રિયા જોવા મળી રહી છે. વીડિયો પર કોમેન્ટ કરતાં એક યુઝરે લખ્યું કે, “હું ક્યારેય સારી બેટરીવાળા ફોન માટે આટલી લાંબી લાઈનમાં રાહ જોઈશ નહીં.” અન્ય એક યુઝરે લખ્યું કે, “લોકો ફોન માટે બે દિવસ કેમ રાહ જોઈ શકતા નથી? બે દિવસ પછી, તમને આટલી લાંબી લાઇનમાં ઊભા રહ્યા વગર ફોન મળી જશે.“
આ પણ જૂઓ:Apple iPhone ખુલ જા સિમ-સિમ’ બોલતાં જ ખૂલશે, જાણી લો આ સરળ સેટિંગ
