VIDEO: કટકના નિર્ગુંડી પાસે મોટી રેલ દુર્ઘટના, કામાખ્યા એક્સપ્રેસના 11 ડબ્બા પાટા પરથી ઉતરી ગયા
ઓરિસ્સા, 30 માર્ચ 2025 : કટકના નિર્ગુંડી પાસે ટ્રેન દુર્ઘટનાના સમાચાર છે. ટ્રેન નંબર 12551 કામાખ્યા એક્સપ્રેસના 11 ડબ્બા પાટા પરથી ઉતરી ગયા છે. કટક સ્ટેશન છોડ્યા પછી, કામાખ્યા એક્સપ્રેસ મંગોલી સ્ટેશન પાસે અકસ્માતનો ભોગ બની હતી અને તેના કેટલાક કોચ પાટા પરથી ઉતરી ગયા હતા. મળતી માહિતી મુજબ, ટ્રેનની B9 થી B14 બોગી પાટા પરથી ઉતરી ગઈ છે. આ દુર્ઘટનામાં ઘણા લોકો ઘાયલ થયા હોવાના અહેવાલ છે. ખુર્દા ડીઆરએમ, ઈસ્ટ કોસ્ટ રેલવે મેનેજર ઘટનાસ્થળે પહોંચ્યા અને કહ્યું કે હેલ્પલાઈન નંબર બહુ જલ્દી જારી કરવામાં આવશે. અકસ્માતમાં ઘાયલ થયેલા કેટલાક લોકોને એમ્બ્યુલન્સ દ્વારા હોસ્પિટલમાં મોકલવામાં આવ્યા છે.
ઝડપી, સચોટ અને પ્રમાણિત સમાચાર મેળવવા નીચે જણાવેલા અમારા કોઈપણ વૉટ્સએપ ગ્રુપમાં જોડાઈ શકો છો
https://chat.whatsapp.com/K2iNelyylPD9ZoDNpMuN9o
કામાખ્યા એક્સપ્રેસ પાટા પરથી ઉતરી જવાને કારણે નીચેની ટ્રેનોના રૂટ તાત્કાલિક અસરથી ડાયવર્ટ કરવામાં આવ્યા છે.
12822(BRAG)
12875(BBS)
22606(RTN)
12551 SMVT Bengaluru – Kamakhya AC Express derailed at Manguli near Cuttack/KUR DIV/ECoR
No casualty or injuries yet reported.
Officials confirmation from @EastCoastRail will be updated soon#TrainDerailment pic.twitter.com/xLEHyHZUAA
— ECoR Railfans (@ecor_railfans) March 30, 2025
રેલવે સીપીઆરઓએ આ વાત કહી
ઈસ્ટ કોસ્ટ રેલ્વેના સીપીઆરઓ અશોક કુમાર મિશ્રાએ જણાવ્યું હતું કે, “અમને 12551 કામાખ્યા સુપરફાસ્ટ એક્સપ્રેસના કેટલાક કોચ પાટા પરથી ઉતરી જવાની માહિતી મળી છે. અત્યાર સુધીમાં, અમને માહિતી મળી છે કે 11 એસી કોચ પાટા પરથી ઉતરી ગયા છે. કોઈને ઈજા થઈ નથી. તમામ મુસાફરો સુરક્ષિત છે. જ્યાં સુધી અમને માહિતી મળી છે ત્યાં સુધી, અકસ્માત રાહત અધિકારીઓએ જણાવ્યું કે, ડીઆરએમના વરિષ્ઠ અધિકારીઓએ કહ્યું કે તાત્કાલિક સ્થળ પર તબીબી સાધનો મોકલવામાં આવ્યા છે. ખુર્દા રોડ, જીએમ/ઈસીઓઆર અને અન્ય ઉચ્ચ સ્તરીય અધિકારીઓ સ્થળ પર પહોંચી ગયા છે અમે પાટા પરથી ઉતરી જવા માટેનું કારણ જાણીશું અમારી પ્રથમ પ્રાથમિકતા રૂટ પર રાહ જોઈ રહેલી ટ્રેનોને ડાયવર્ટ કરવાની અને પુનઃસ્થાપન કાર્ય શરૂ કરવાની છે.
હેલ્પલાઈન નંબર્સ બહાર પાડવામાં આવ્યા છે
Bhubaneswar Helpline – 8455885999
Cuttack helpline 7205149591
Bhadrak helpline – 9437443469
આ પણ વાંચો : 1 એપ્રિલથી હંમેશા માટે બંધ થઈ જશે મારૂતીની આ કાર, આપે છે 21 KM માઈલેજ
