VIDEO: PMના વક્તવ્ય દરમિયાન રાહુલ ગાંધીએ પોતે લોકસભામાં ઈન્ડી એલાસન્સને હોબાળો કરવા ઉશ્કેર્યા
- વડાપ્રધાનના ગઈકાલના સંબોધનમાં વિપક્ષી સાંસદો દ્વારા ભારે સૂત્રોચ્ચાર અને હોબાળો જોવા મળ્યો હતો
- અધ્યક્ષ ઓમ બિરલાએ વડાપ્રધાનના સંબોધનમાં વિક્ષેપ પાડવા બદલ ઠપકો પણ આપ્યો હતો
નવી દિલ્હી, 03 જુલાઈ : લોકસભામાં રાહુલ ગાંધીને વિપક્ષના નેતા બનાવવામાં આવ્યા છે. કોંગ્રેસના સાંસદ રાહુલ ગાંધી વડાપ્રધાન નરેન્દ્ર મોદીના ભાષણ દરમિયાન સંસદની કાર્યવાહીમાં વિક્ષેપ પાડવા માટે ઈન્ડી એલાસન્સને હોબાળો કરવા ઉશ્કેરતા પકડાઈ ગયા હતા.
વિપક્ષી સાંસદોને ગૃહની વેલ તરફ જવાની સૂચના આપી
કોંગ્રેસના નેતાએ વિપક્ષી સાંસદોને વિરોધ કરવા માટે ગૃહની વેલ તરફ જવાની સૂચના આપી અને પીએમ મોદીના ભાષણ દરમિયાન ગૃહની કાર્યવાહીને વિક્ષેપિત કરવા માટે તેમનું ડેસિબલ સ્તર વધારવા કહ્યું. વડાપ્રધાને ગઈકાલે મંગળવારે રાષ્ટ્રપતિના અભિભાષણ પર આભાર પ્રસ્તાવ પરની ચર્ચાને સંબોધિત કરી. કોંગ્રેસની આગેવાની હેઠળના વિપક્ષી સાંસદો દ્વારા સૂત્રોચ્ચાર અને વિરોધ વચ્ચે સત્રમાં ભારે હોબાળો જોવા મળ્યો હતો, જેમાં લોકસભાના અધ્યક્ષ ઓમ બિરલાએ વડાપ્રધાનના સંબોધનમાં વિક્ષેપ પાડવા બદલ ઠપકો આપ્યો હતો.
પીએમએ સાંસદને પાણીની ઓફર કરી
હૃદયસ્પર્શી હાવભાવમાં પીએમ મોદી વિપક્ષના સાંસદોને પાણીનો ગ્લાસ ઓફર કરતા જોવા મળ્યા હતા, જેઓ તેમના ભાષણમાં વિક્ષેપ પાડવા બદલ સરકાર વિરુદ્ધ ગૃહના વેલમાં સૂત્રોચ્ચાર કરી રહ્યા હતા. પીએમ મોદી દ્વારા આપવામાં આવેલ પાણીનો ગ્લાસ પણ સાંસદે સ્વીકારી પણ લીધો હતો. PM મોદીના લગભગ 135 મિનિટના ભાષણમાં મણિપુર અને NEET મુદ્દે સતત સૂત્રોચ્ચાર જોવા મળ્યો હતો. વિપક્ષી સાંસદોએ NEET ઉમેદવારોના મુદ્દાઓ પર ચર્ચાની માંગ કરી હતી.
ભાજપના નેતાએ કહ્યું, “અમે બે વિરોધાભાસી ચિત્રો જોયા છે. એક બતાવે છે કે એલઓપી રાહુલ ગાંધી પોતે સાંસદોને નિયમો તોડવા અને વડા પ્રધાનના ભાષણમાં ખલેલ પહોંચાડવા ગૃહની વેલમાં કૂદવા માટે પ્રોત્સાહિત કરે છે. જયારે બીજું ચિત્ર બતાવે છે કે પીએમ મોદી વિરોધ કરી રહેલા સાંસદને પણ પાણી ઓફર કરે છે. સરમુખત્યાર કોણ છે?
“વિરોધ પક્ષો અવાજ કરવા માટે જ અહીં છે,શાસક પક્ષ શું કહે છે તે સાંભળતા નથી “
બીજેપીના અન્ય એક નેતા નલિન કોહલીએ કહ્યું, “આપણે એ સમજવાની જરૂર છે કે 2014 થી આ ધોરણ બની ગયું છે. જ્યારે PM મોદી બોલે છે, ત્યારે વિપક્ષ કાર્યવાહીને વિક્ષેપિત કરવા માટે સૂત્રોચ્ચાર કરે છે. વડાપ્રધાને LoPનું ભાષણ ધીરજથી સાંભળ્યું હોવા છતાં વિપક્ષે તેમના ભાષણને ખોરવવાનો પ્રયાસ કર્યો હતો. તેનો અર્થ એ છે કે વિરોધ પક્ષો અવાજ કરવા માટે અહીં છે અને શાસક પક્ષ શું કહે છે તે સાંભળતા નથી.
આ પણ વાંચો : બાપુનગર ખાતે વિપક્ષ નેતાનું પૂતળા દહન: રાહુલ ગાંધીએ સનાતની અહિંસક હિન્દુઓની લાગણી દુભાવી : VHP
