Video : ફેંગલ વાવાઝોડાનું તમિલનાડુ-પુડુચેરીમાં લેન્ડફોલ, ભારે પવન સાથે વરસાદ

પુડુચેરી, 1 ડિસેમ્બર : ફેંગલ વાવાઝોડું ગત મોડી રાતે લગભગ 90 કિમી પ્રતિ કલાકની ઝડપે પુડુચેરી અને તમિલનાડુના દરિયાકાંઠે અથડાયું હતું. જેના કારણે તમિલનાડુની સાથે પુડુચેરી, કર્ણાટક અને દક્ષિણ આંધ્રપ્રદેશમાં પણ ભારે વરસાદ શરૂ થયો છે. આગાહી મુજબ 3 ડિસેમ્બર સુધી વિવિધ વિસ્તારોમાં વરસાદની સંભાવના છે. જો કે, તમિલનાડુ અને પુડુચેરીએ રાહતનો શ્વાસ લીધો છે કારણ કે વાવાઝોડાને કારણે કોઈ મોટું નુકસાન થયું નથી.

હવામાન વિભાગના જણાવ્યા અનુસાર, ફેંગલ વાવાઝોડું શનિવારે રાત્રે 10:30 થી 11:30 વાગ્યાની વચ્ચે ઉત્તરી તમિલનાડુ અને પુડુચેરીના દરિયાકાંઠે 70-80 કિમી પ્રતિ કલાકથી 90 કિમી પ્રતિ કલાકની ઝડપે પસાર થયું હતું. તે 11.30 વાગ્યે ઉત્તરી તટીય તમિલનાડુ અને પુડુચેરી પર કેન્દ્રિત હતું. તે ધીમે ધીમે પશ્ચિમ-દક્ષિણ-પશ્ચિમ તરફ આગળ વધતું રહેશે. આગામી થોડા કલાકો દરમિયાન તે ધીમે ધીમે નબળા પડીને ડીપ ડિપ્રેશનમાં ફેરવાશે.

#WATCH | Chennai | Due to the impact of cyclone Fengal, many coastal areas witnessed changes in weather with gusty winds and rain. pic.twitter.com/cIpJWOMruQ

— ANI (@ANI) November 30, 2024

તમિલનાડુને મોટી રાહત

તમિલનાડુના મહેસૂલ અને આપત્તિ વ્યવસ્થાપન મંત્રી કેકેએસએસઆર રામચંદ્રને જણાવ્યું હતું કે વાવાઝોડા પછી કોઈ મોટા નુકસાનના તાત્કાલિક અહેવાલ નથી. તેમણે કહ્યું કે આ સંબંધિત વિગતવાર માહિતી આજે જાહેર કરવામાં આવશે. રાજ્યના વિવિધ વિસ્તારોમાં ભારે વરસાદ પડી રહ્યો છે. જેના કારણે ચેન્નઈ સહિતના કેટલાક વિસ્તારોમાં પાણી ભરાઈ ગયા છે, જેને દૂર કરવા માટે મહાનગરપાલિકા યુદ્ધના ધોરણે પ્રયાસો કરી રહી છે.

ચેન્નઈ એરપોર્ટ પર ફ્લાઈટ્સ પ્રભાવિત

વાવાઝોડા બાદ ચેન્નઈ એરપોર્ટ પર ફ્લાઈટને અસર થઈ હતી. બે રનવે અને એક ટેક્સીવે ઉપર ફેંગલ વાવાઝોડાના પાણી ભરાતા ભારે વરસાદને પગલે સત્તાવાળાઓએ સવારે 4 વાગ્યા સુધીમાં ફ્લાઈટ્સ રદ કરી હતી. સત્તાવાર સૂત્રોએ જણાવ્યું હતું કે 55 ફ્લાઇટ્સ રદ કરવા ઉપરાંત 19 અન્યને ડાયવર્ટ કરવામાં આવી હતી. સેવાઓમાં સ્થાનિક અને આંતરરાષ્ટ્રીય બંને ફ્લાઇટ્સનો સમાવેશ થાય છે. અગાઉના દિવસે, જ્યારે એરપોર્ટ કાર્યરત હતું, ત્યારે ઓછામાં ઓછી 12 ફ્લાઇટ્સ મોડી પડી હતી.

અનેક વિસ્તારોમાં વીજળી ગુલ થઈ છે

ચેન્નઈમાં વરસાદ હોવા છતાં, દૂધનો પુરવઠો અને સફાઈ કામદારોની સેવાઓ ચાલુ રહી. ભારે પવનને કારણે મોટાભાગના વિસ્તારોમાં બંધ થયેલો વીજ પુરવઠો ધીમે-ધીમે પૂર્વવત કરવામાં આવ્યો હતો. 18 ડિઝાસ્ટર રિલીફ ટીમો સંવેદનશીલ વિસ્તારોમાં તૈનાત કરવામાં આવી હતી. મુખ્ય પ્રધાન એમકે સ્ટાલિન અને તેમના નાયબ મુખ્ય પ્રધાન ઉધયનિધિ સ્ટાલિને કાર્ય યોજનાની સમીક્ષા કરી અને સ્થળ પર નિરીક્ષણ કર્યું હતું.

અમ્મા કેન્ટીનમાં મફત ભોજન

સ્ટાલિને સ્થિતિનું મૂલ્યાંકન કરવા માટે ઉત્તર જિલ્લાના જિલ્લા કલેક્ટરો, ઉચ્ચ નાગરિક અધિકારીઓ સાથે બેઠકની અધ્યક્ષતા કરી અને ચેંગલપેટ જિલ્લામાં રાહત શિબિરમાં લોકો સાથે વાત કરી હતી. ગ્રેટર ચેન્નઈ કોર્પોરેશને કહ્યું કે 2 લાખ 32 હજાર 200 લોકોને ભોજનનું વિતરણ કરવામાં આવ્યું છે. નીચાણવાળા વિસ્તારોમાંથી લગભગ 200 લોકોને 8 રાહત શિબિરોમાં રાખવામાં આવ્યા હતા.

ઉધયનિધિએ કહ્યું કે ‘આજે તમામ 386 અમ્મા કેન્ટીનમાં ભોજન મફત આપવામાં આવે છે. તેમણે કહ્યું કે લગભગ 334 સ્થળોએ પાણીનો ભરાવો દૂર કરવા માટે યુદ્ધના ધોરણે 1,700 મોટર પંપનો ઉપયોગ કરવામાં આવી રહ્યો છે. પડી ગયેલા 27 વૃક્ષોને તાત્કાલિક દૂર કરવામાં આવ્યા હતા. 22 માંથી 6 સબવે અસ્થાયી રૂપે બંધ કરવામાં આવ્યા છે. તેમણે કહ્યું કે સબવેમાં એકઠા થયેલા પાણીને સાફ કરવાનું કામ પૂરજોશમાં ચાલી રહ્યું છે.

The Cyclonic Storm FENGAL crossed North Tamil Nadu & Puducherry coasts near latitude 12.05°N and longitude 79.9°E, close to Puducherry, between 2230 hrs IST and 2330 hrs IST yesterday, the 30th November as a cyclonic storm with wind speed of 70-80 kmph gusting to 90 kmph. It lay… pic.twitter.com/KOhW3iXAPr

— ANI (@ANI) November 30, 2024

આ જિલ્લાઓમાં વરસાદ પડશે

આઈએમડીએ ફેંગલની અસરને કારણે 3 ડિસેમ્બર સુધી તમિલનાડુના કામેશ્વરમ, વિરુંધમાવાડી, પુડુપલ્લી, વેદ્રપ્પુ, વનમાદેવી, વલ્લપલ્લમ, કાલ્લીમેડુ, ઈરાવયલ અને ચેમ્બોડી જિલ્લામાં ભારે વરસાદની આગાહી કરી છે. અસરગ્રસ્ત વિસ્તારોમાં રાહત અને બચાવ કાર્યમાં નેવી અને NDRFને તૈનાત કરવામાં આવ્યા છે. ઉપરાંત, પૂરગ્રસ્ત વિસ્તારોમાં NDRFની સાત ટીમો તૈનાત છે. કટોકટીનો સામનો કરવા માટે ટોલ ફ્રી નંબર 112 અને 1077 પણ જારી કરવામાં આવ્યા છે.

પુડુચેરીમાં મુશળધાર વરસાદ

ફેંગલ વાવાઝોડાની અસરને કારણે સમગ્ર પુડુચેરીમાં મુશળધાર વરસાદ પડી રહ્યો છે. ઘણા વિસ્તારોમાં પાણી ભરાઈ ગયા છે અને વીજળી પણ નિષ્ફળ ગઈ છે. સરકારે પહેલાથી જ 12 લાખ લોકોને એલર્ટ રહેવા માટે સંદેશ મોકલ્યો હતો. આ સિવાય આંધ્ર પ્રદેશના નેલ્લોર, ચિત્તૂર, વિશાખાપટ્ટનમ અને તિરુપતિ સૌથી વધુ પ્રભાવિત થયા છે. અહીં પણ વરસાદ પડી રહ્યો છે.

આ ઉપરાંત 50-60 કિલોમીટર પ્રતિ કલાકની ઝડપે ભારે પવન પણ ફૂંકાયો છે. આને ધ્યાનમાં રાખીને, 1 ડિસેમ્બર સુધી એટલે કે આજ સુધી બીચ ખાલી કરવા માટે એલર્ટ જારી કરવામાં આવ્યું હતું. ઉડુપી, ચિક્કામગાલુરુ, ચિત્રદુર્ગ સહિત કર્ણાટકના 16 જિલ્લામાં વરસાદની માહિતી મળી રહી છે.

આ પણ વાંચો :- US આરોપ પર ગૌતમ અદાણીએ આપી પહેલીવાર પ્રતિક્રિયા, જાણો શું કહ્યું