Video : કોંગ્રેસ અમારી સરકારનો ભાગ જ નથી, CM અબ્દુલ્લાનું મોટું નિવેદન
શ્રીનગર, 22 નવેમ્બર : જમ્મુ-કાશ્મીરના મુખ્યમંત્રી ઓમર અબ્દુલ્લાએ શુક્રવારે મીડિયા સાથે વાત કરતા સ્પષ્ટતા કરી હતી કે કોંગ્રેસ તેમની સરકારનો ભાગ નથી. આ વર્ષના મધ્યમાં યોજાયેલી જમ્મુ અને કાશ્મીર વિધાનસભાની ચૂંટણીમાં નેશનલ કોન્ફરન્સ અને કોંગ્રેસ ગઠબંધન કરીને લડ્યા હતા. ચૂંટણીમાં નેશનલ કોન્ફરન્સને સંપૂર્ણ બહુમતી મળી અને ઓમર અબ્દુલ્લાના નેતૃત્વમાં સરકાર રચાઈ હતી.
ઓમર અબ્દુલ્લા શુક્રવારે કેબિનેટની બેઠકમાં મીડિયાને સંબોધિત કરી રહ્યા હતા. પૂર્ણ રાજ્યનો દરજ્જો અને કલમ 370 પાછી ખેંચવા અંગે નેશનલ કોન્ફરન્સના ચૂંટણી વચન વિશે પૂછવામાં આવતા તેમણે કહ્યું, ‘પહેલા દિવસથી જ અમે જમ્મુ અને કાશ્મીરને રાજ્યનો દરજ્જો પાછો મેળવવાનો પ્રયાસ કરી રહ્યા છીએ. એવી કેટલીક બાબતો છે (કલમ 370ના સંદર્ભમાં) જે લોકો ઇચ્છે છે, પરંતુ અમે તેને પૂર્ણ કરી શકતા નથી. કારણ કે જમ્મુ-કાશ્મીર એક કેન્દ્રશાસિત પ્રદેશ છે.
તાજેતરમાં, નેશનલ કોન્ફરન્સે જમ્મુ અને કાશ્મીર વિધાનસભામાં એક ઠરાવ લાવ્યો હતો, જેમાં ‘વિશેષ દરજ્જો (કલમ 370) અને બંધારણીય ગેરંટી’ની પુનઃસ્થાપનાની માંગણી કરવામાં આવી હતી. જ્યારે આ અંગે કોંગ્રેસના સ્ટેન્ડ વિશે પૂછવામાં આવ્યું ત્યારે સીએમ અબ્દુલ્લાએ કહ્યું, ‘અમારી સરકાર જમ્મુ-કાશ્મીર વિધાનસભામાં આ પ્રસ્તાવ લાવી છે અને ભાજપ સિવાય, કોંગ્રેસ સહિત મોટા ભાગના પક્ષોના ધારાસભ્યોએ તેનું સમર્થન કર્યું છે.
#WATCH | Srinagar: J&K CM Omar Abdullah says, ” …From the first day, we are trying to get statehood again for J&K…there are certain things that people want and we can’t fulfil it since this is a UT…important thing is that resolution was not rejected. It was passed…a door… pic.twitter.com/jPKaIjd1qD
— ANI (@ANI) November 22, 2024
મહત્વની વાત એ છે કે દરખાસ્ત પસાર કરવામાં આવી હતી. એક દરવાજો ખુલ્યો છે. કોંગ્રેસ અમારી સરકારનો ભાગ નથી, તે અમને બહારથી સમર્થન આપી રહી છે. મહારાષ્ટ્ર અને ઝારખંડ વિધાનસભા ચૂંટણી દરમિયાન ભાજપે આ મુદ્દે કોંગ્રેસ પર નિશાન સાધ્યું હતું. ત્યારપછી કોંગ્રેસ લાચાર બની અને પોતાના સ્ટેન્ડમાંથી પીછેહઠ કરવી પડી હતી પણ તેનાથી કોઈ ફરક નહીં પડે.
વધુમાં મુખ્યમંત્રીએ કહ્યું કે કેટલાક લોકોએ મારી સરકારની ટીકા કરી અને કહ્યું કે વિધાનસભામાં લાવવામાં આવેલી અમારી દરખાસ્તમાં કંઈ જ નથી. તેમણે પૂછ્યું, ‘જો પ્રસ્તાવમાં કંઈ જ નહોતું તો વડાપ્રધાન નરેન્દ્ર મોદી અને ગૃહમંત્રી અમિત શાહ શા માટે વારંવાર તેના વિશે વાત કરે છે. દરખાસ્તમાં કંઈક હોવું જોઈએ, જે બંને આ મુદ્દાને વારંવાર ઉઠાવે છે.
આ પણ વાંચો :- વ્રજભૂમીને તીર્થસ્થળ જાહેર કરવામાં આવે, માંસ-મદિરા પર પ્રતિબંધ.. મથુરાની ધર્મ સંસદમાં મુકાયા આ પ્રસ્તાવ
