વોટ્સએપમાં વીડિયો કોલિંગ બનશે વધુ મજેદાર, આવી રહ્યું છે આકર્ષક ફીચર, જાણો વિગત

HD ન્યૂઝ ડેસ્ક, 29 જુલાઈ: WhatsApp ટૂંક સમયમાં લાખો યુઝર્સ માટે એક મજેદાર ફીચર રોલ આઉટ કરવા જઈ રહ્યું છે. WhatsAppનું આ ફીચર હાલમાં જ બીટા વર્ઝનમાં જોવા મળ્યું છે. મેટાના ઇન્સ્ટન્ટ મેસેજિંગ પ્લેટફોર્મનું આ ફીચર યુઝર્સના વીડિયો કોલિંગ અનુભવને વધુ બહેતર બનાવશે. વોટ્સએપ યુઝર્સ વીડિયો કોલિંગ દરમિયાન આ ફીચરનો ઉપયોગ કરીને તેમના કોલને વધુ ઇન્ટરેક્ટિવ બનાવી શકે છે. આ સિવાય વોટ્સએપ ઘણા નવા ફીચર્સ પર કામ કરી રહ્યું છે, જે યુઝર્સના એપ અનુભવને વધુ બહેતર બનાવી શકે છે.

મળશે નવી AR સુવિધા

WhatsAppનું આ ફીચર એન્ડ્રોઇડ બીટા વર્ઝન 2.24.16.7 અપડેટમાં જોવા મળ્યું છે. વપરાશકર્તાઓને WhatsAppમાં આ નવું AR ફિલ્ટર મળવાનું શરૂ થશે. અપડેટ બાદ યુઝર્સને વીડિયો કોલિંગ દરમિયાન આ ફિલ્ટર લગાવવાનો વિકલ્પ મળશે. આ નવા AR ફિલ્ટરમાં ઘણી નવી ઈફેક્ટ્સ પણ ઉમેરવામાં આવશે, જેની મદદથી કોલિંગ સ્ક્રીનમાં ફેરફાર કરી શકાશે. WABetaInfo એ WhatsAppના આ આગામી ફીચરનો સ્ક્રીનશોટ શેર કર્યો છે.

અહીં જૂઓ ફીચરનો સ્ક્રિનશોટ:

 

📝 WhatsApp beta for Android 2.24.16.7: what’s new?

WhatsApp is rolling out an AR feature for call effects and filters, and it’s available to some beta testers!
Some users might experiment with the same feature by installing the previous update.https://t.co/xT8l4MmXlr pic.twitter.com/oXQkSQdj67

— WABetaInfo (@WABetaInfo) July 26, 2024

વીડિયો કોલિંગનો અનુભવ થશે વધુ મજેદાર

વોટ્સએપનું આ ઓગમેન્ટેડ રિયાલિટી (એઆર) કોલ ઈફેક્ટ ફીચર WABetaInfo દ્વારા શેર કરાયેલ સ્ક્રીનશોટમાં જોઈ શકાય છે, જે વીડિયો કોલિંગને ઇન્ટરેક્ટિવ બનાવશે. આ AR ઈફેક્ટ દ્વારા યુઝર્સ કોલ દરમિયાન ચહેરા પર ફિલ્ટર લગાવીને કોલને વ્યક્તિગત કરી શકશે. આ સિવાય યુઝર્સને કોલ દરમિયાન ફેસ સ્મૂથ કરીને લો-લાઇટ કરવાની સુવિધા મળશે. આ ફીચર દ્વારા યુઝર્સ વીડિયો કોલ દરમિયાન બેકગ્રાઉન્ડ એડિટ કરી શકશે અને તેને પોતાની પસંદગી મુજબ કસ્ટમાઇઝ પણ કરી શકશે.

WhatsAppનું આ ફીચર હાલમાં ટેસ્ટિંગ મોડમાં છે. ટેસ્ટિંગ બાદ વોટ્સએપના આ ફીચરનું સ્ટેબલ વર્ઝન યુઝર્સ માટે રિલીઝ કરવામાં આવી શકે છે. જો કે, દર વખતે એવું નથી બનતું કે જે ફીચરનું ટેસ્ટિંગ કરવામાં આવે છે તે સ્ટેબલ વર્ઝનમાં પણ લાવવામાં આવે. આ ફીચર આવ્યા બાદ યુઝર્સને વોટ્સએપ કોલિંગમાં નવો અનુભવ મળશે.

આ પણ વાંચો: પ્રવાસીઓને મોજ: ફ્લાઇટમાં મળશે WIFIની સુવિધા, આ એરલાઈને શરૂ કરી સર્વિસ