Video : પટનામાં CM હાઉસ જતાં BPSC ઉમેદવારો ઉપર લાઠીચાર્જ કરાયો
પટના, 29 ડિસેમ્બર : પટનામાં પરવાનગી ન મળી હોવા છતાં BPSC ઉમેદવારો આજે (29 ડિસેમ્બર) ગાંધી મેદાનમાં વિરોધ કરી રહ્યા છે. પોલીસે ઉમેદવારોને પ્રદર્શન કરવા દીધા ન હતા. સવારથી જ સમગ્ર ગાંધી મેદાન પોલીસ છાવણીમાં ફેરવાઈ ગયું હતું. પરિસ્થિતિને કાબૂમાં રાખવાના પ્રયાસો ચાલુ હતા, પરંતુ સાંજ સુધીમાં સ્થિતિ વણસી ગઈ હતી.
ઉમેદવારો સીએમ હાઉસ જઈ રહ્યા હતા
પૂર્વ નિર્ધારિત કાર્યક્રમ મુજબ તમામ ઉમેદવારો પ્રશાંત કિશોરના નેતૃત્વમાં સીએમ હાઉસ જવા લાગ્યા હતા. સાંજ સુધીમાં તમામ વિદ્યાર્થીઓ જેપી ગોલંબર થઈને મુખ્યમંત્રી આવાસ તરફ જવા લાગ્યા, પરંતુ પોલીસે તેમને અટકાવ્યા હતા. આ પછી ઉમેદવારોએ બેરિકેડ તોડીને આગળ વધવાનો પ્રયાસ કર્યો હતો.
#WATCH बिहार: जन सुराज प्रमुख प्रशांत किशोर पटना के गांधी मैदान में BPSC अभ्यर्थियों के विरोध प्रदर्शन में शामिल हुए।
BPSC अभ्यर्थी 70वीं BPSC प्रीलिम्स के लिए दोबारा परीक्षा आयोजित करने की मांग कर रहे हैं। pic.twitter.com/stygKypJ3H
— ANI_HindiNews (@AHindinews) December 29, 2024
વિદ્યાર્થીઓએ સાર્વજનિક વાહનોને અટકાવીને રોડ બ્લોક કરવાનું શરૂ કર્યું હતું. આ પછી પોલીસે વિદ્યાર્થીઓ પર લાઠીચાર્જ કર્યો હતો. લાઠીચાર્જ બાદ રોષે ભરાયેલા વિદ્યાર્થીઓનો હોબાળો વધુ વધી ગયો હતો.
પ્રદર્શન કરવાની પરવાનગી આપવામાં આવી ન હતી
મહત્વનું છે કે જિલ્લા પ્રશાસને શનિવારે એક પત્ર જારી કરીને પ્રદર્શન પર પ્રતિબંધ લગાવ્યો હતો. આમ છતાં પ્રશાંત કિશોરના નેતૃત્વમાં હજારો ઉમેદવારો ગાંધી પ્રતિમા પાસે પહોંચી ગયા અને વિરોધ કરવા લાગ્યા હતા.
#WATCH | Bihar | BPSC protest | Jan Suraaj Chief Prashant Kishor says, “The government officials present here have assured us that the government has agreed to discuss the demands of the students and the five-member students’ committee will go and talk to the Chief Secretary… pic.twitter.com/hW8PxEJRVK
— ANI (@ANI) December 29, 2024
આ પછી, સાંજે લગભગ 5 વાગ્યે, પ્રશાંત કિશોર તે ઉમેદવારો સાથે ગાંધી મેદાનથી આગળ ગયા અને મુખ્યમંત્રીના નિવાસસ્થાન સુધી કૂચ કરી હતી. પ્રશાસને તેમને રોકવા માટે મોટી સંખ્યામાં પોલીસ દળો તૈનાત કર્યા હતા.
જેપી ગોલંબર પાસે આ ભીડને રોકવાનો પ્રયાસ કરવામાં આવી રહ્યો હતો, કારણ કે જો તે ડાકબંગલા ચોક પર પહોંચે તો આખું શહેર ગંભીર ટ્રાફિક જામમાં ફસાઈ ગયું હોત. આ સમગ્ર પરિસ્થિતિને કાબૂમાં લેવા માટે પોલીસે લાઠીચાર્જ કર્યો હતો.
જો કે, શનિવારે જ પ્રશાંત કિશોરે શાંતિપૂર્ણ રીતે વિદ્યાર્થી સંસદ બોલાવી હતી અને જિલ્લા વહીવટીતંત્રને પત્ર લખીને પરવાનગી માંગી હતી, જે મળી ન હતી.
આ પણ વાંચો :- જામીન મળ્યાની એવી ઉજવણી કરી કે ફરી જેલ હવાલે થયો મુસેવાલા હત્યા કેસનો આરોપી
