Video : અયોધ્યા રામ મંદિરનું ભવ્ય ગર્ભગૃહ તૈયાર, પ્રાણપ્રતિષ્ઠા આ દિવસે થશે !

દેશભરના રામ ભક્તો જે અયોધ્યામાં રામ મંદિરના નિર્માણની રાહ જોઇ રહ્યા છે. ત્યારે અયોધ્યામાં નિર્માણાધીન રામ મંદિરના ગર્ભગૃહની પ્રથમ તસવીર સામે આવી છે. શ્રી રામ જન્મભૂમિ તીર્થ ક્ષેત્રના મહાસચિવ ચંપત રાયે આ તસવીરો શેર કરી છે. શ્રી રામ જન્મભૂમિ તીર્થ ક્ષેત્રમાં રહેલા રામ મંદિરના ગર્ભગૃહની પ્રથમ તસવીર શેર થતાની સાથે જ સોશિયલ મીડિયા પર વાયરલ થઈ ગઈ હતી.

રામ ભક્તો દ્વારા આ તસવીરને ઘણી શેર કરવામાં આવી રહી છે. તસવીર શેર કરતા ચંપત રાયે લખ્યું, “જય શ્રી રામ. ‘ગૃહગૃહ’ની તસવીર, જ્યાં ભગવાન શ્રી રામલલા નિવાસ કરશે.” આ પહેલા ગુરુવારે પણ રામ મંદિરની એક તસવીર સોશિયલ મીડિયા પર છવાઈ ગઈ હતી. ઘણા મોટા નેતાઓએ પણ આ તસવીર શેર કરી છે.

આ તસવીર શેર કરતા ડેપ્યુટી સીએમ કેશવ પ્રસાદ મૌર્યએ લખ્યું કે, “ધનુષ્ય પર તીર લગાવેલ છે, સૂર્યને નમસ્કાર, દુનિયામાં જીવથી પણ પ્રિય, પવિત્ર અયોધ્યા ધામ.” ડેપ્યુટી સીએમએ તેમના ટ્વિટમાં આગળ લખ્યું, “શ્રી રામ જન્મભૂમિ મંદિરના નિર્માણ સ્થળ પર દોરવામાં આવેલ એક અદ્ભુત અને અલૌકિક ચિત્ર.”

જ્યારે ચંપત રાયે નિર્માણાધીન રામ મંદિરની તસવીર શેર કરીને ગુરુવારે લખ્યું, “સીતા લખન સમિત પ્રભુ, સોહત તુલસીદાસ. હર્ષત સુર બરશત સુમન, સગુન સુમંગલ બસ.” જણાવી દઈએ કે, પીએમ નરેન્દ્ર મોદી જાન્યુઆરી 2024ના ત્રીજા સપ્તાહમાં ગર્ભગૃહમાં રામ લલ્લાની મૂર્તિ સ્થાપિત કરે તેવી શક્યતા છે.

શ્રી મણિરામ દાસ છાવણી (અયોધ્યા)ના ટ્રસ્ટ સભ્ય મહંત કમલ નયન દાસે જણાવ્યું કે 14-15 જાન્યુઆરી, 2024ના રોજ મકરસંક્રાંતિના અવસરે મંદિરના દરવાજા ભક્તો માટે ભગવાનની પૂજા કરવા માટે ખોલવામાં આવશે. વિશ્વ હિંદુ પરિષદ (VHP), અયોધ્યાના પ્રાદેશિક પ્રવક્તા શરદ શર્માએ કહ્યું કે ભક્તો રામ મંદિરના ઉદ્ઘાટનની આતુરતાથી રાહ જોઈ રહ્યા છે.

ટ્રસ્ટના ખજાનચી, સ્વામી ગોવિંદ દેવ ગિરીએ કહ્યું કે રામ મંદિર જાન્યુઆરી 2024 ના ત્રીજા અઠવાડિયા સુધીમાં ભક્તો માટે ખોલવામાં આવશે. અયોધ્યામાં રામ મંદિરના ભવ્ય ઉદઘાટનની ઉજવણી ડિસેમ્બર 2023માં જ શરૂ થશે. તમને જણાવી દઈએ કે ઓગસ્ટ 2020માં રામ મંદિરનું નિર્માણ શરૂ થયા બાદ પ્રથમ વખત મંદિર ટ્રસ્ટ અને રાજ્ય સરકાર અયોધ્યા શહેરમાં ભવ્ય રામનવમીની ઉજવણીનું આયોજન કરી રહી છે.

આ પણ વાંચો : રામ મંદિર નિર્માણની નવી તસવીરો આવી સામે, ભવ્ય મંદિરની એક ઝલક