સાસુ સસરાએ આપ્યું નિક નેમ, પુત્રવધૂને આ નામથી બોલાવે છે વિક્કી કૌશલના મમ્મી-પપ્પા
મુંબઈ, 23 ઓકટોબર : વિક્કી કૌશલ અને કેટરિના કૈફ ઈન્ડસ્ટ્રીના સૌથી ફેવરિટ કપલ્સમાંથી એક છે. આ કપલે ડિસેમ્બર 2021માં લગ્ન કર્યા હતા. બંનેએ લગ્ન સુધી પોતાના સંબંધો વિશે મૌન સેવ્યું હતું અને લગ્ન બાદ પણ પોતાના લગ્નના ફોટા શેર કરીને ચાહકોને ખુશ કર્યા હતા. કેટરિના કૈફ અને વિક્કી કૌશલ તેમની અદભૂત કેમેસ્ટ્રી અને એકબીજા પ્રત્યેના પ્રેમથી તેમના ચાહકોને ખુશ કરી રહ્યા છે. આ સેલિબ્રિટી એકબીજા સાથે તો સારા સંબંધો શેર કરે જ છે, સાથે સાથે એકબીજાના પરિવારનો આદર કરે છે અને તેમના સાસરિયાઓ પ્રત્યે પ્રેમ વ્યક્ત કરે છે.
View this post on Instagram
કેટરીનાનું તેના સાસરિયાઓ સાથે બોન્ડિંગ
કેટરિના કૈફ વિક્કી કૌશલના માતા-પિતા સાથે દરેક તહેવાર ઉજવે છે. તાજેતરમાં, અભિનેત્રીએ કરવા ચોથની તસવીરો શેર કરી હતી, જેમાં તેના પતિ વિક્કી સિવાય તે તેના સાસુ-સસરા પણ જોવા મળ્યા હતા. વિકી કૌશલ પણ ઘણીવાર તેની પત્નીના પરિવાર સાથે જોવા મળે છે. વિક્કીનો પરિવાર પણ કેટરીનાને ખૂબ પ્રેમ કરે છે. અભિનેત્રીએ પોતે કૌશલ પરિવાર તરફથી મળતા પ્રેમ વિશે ખુલીને વાત કરી છે.
કેટરિનાનું નિકનેમ શું છે?
2022 માં, કેટરીનાએ ખુલાસો કર્યો હતો કે તેના સાસુ-સસરાએ એટલે કે શામ કૌશલ અને વીણા કૌશલે પણ તેને ખૂબ જ સુંદર ઉપનામ આપ્યું છે. કેટરિનાએ આ વાતનો ખુલાસો કપિલ શર્મા શો દરમિયાન કર્યો હતો. તેણે કહ્યું કે તેના સાસરિયાઓએ તેને હુલામણું નામ આપ્યું છે અને તેને ‘કિટ્ટો’ કહે છે. અભિનેત્રી કહે છે- ‘મારા સાસરીયાઓ મને કિટ્ટો કહે છે.’ આ સાંભળીને એક્ટ્રેસના ‘ફોન ભૂત’ના કો-સ્ટાર ઈશાન ખટ્ટર અને સિદ્ધાંત ચતુર્વેદી હસવા લાગે છે.
વિક્કીની માતા પુત્રવધૂની ડાયટનું પણ ધ્યાન રાખે છે.
આ સાથે કેટરિનાએ એ પણ ખુલાસો કર્યો કે તેની સાસુ પણ તેના ડાયટનું પૂરેપૂરું ધ્યાન રાખે છે. તે તેના માટે શક્કરીયા પણ રાંધે છે, જે તેના ડાયટનો એક ભાગ છે. આ વિશે વાત કરતાં કેટરીનાએ કહ્યું હતું કે, ‘શરૂઆતમાં મા મને પરાઠા ખવડાવતી હતી અને હું ડાયેટ પર હોવાથી હું તે ખાઈ શકતી નહોતી. ક્યારેક એક ટુકડો ખાઈ લેતી. હવે અમારા લગ્નને લગભગ એક વર્ષ થઈ ગયું છે, મમ્મી મારા માટે શક્કરીયા બનાવે છે.
આ પણ વાંચો : મહારાષ્ટ્ર વિધાનસભા માટે NCPની 38 ઉમેદવારોની યાદી જાહેર, જાણો અજિત પવાર ક્યાંથી લડશે ચૂંટણી
