વાયબ્રન્ટ ગુજરાત ગ્લોબલ સમિટનો દબદબાભર્યો પ્રારંભ
ગાંધીનગર (ગુજરાત), 10 જાન્યુઆરી 2024: વડાપ્રધાન નરેન્દ્ર મોદી વાઈબ્રન્ટ ગુજરાત ગ્લોબલ સમિટ 2024નું ઉદ્ધાટન કરવા મહાત્મા મંદિર પહોંચ્યા છે. તેમની સાથે UAEના રાષ્ટ્રપતિ શેખ મોહમ્મદ બિન ઝાયેદ અલ નાહયાન પણ પહોંચ્યા છે. ત્યારબાદ ચેક રિપબ્લિકના વડા પ્રધાન પેટ્ર ફિઆલા, મોઝામ્બિકના પ્રમુખ ફિલિપ જેકિન્ટો ન્યુસી, તિમોર-લેસ્ટેના પ્રમુખ જોસ રામોસ-હોર્ટા ગાંધીનગરમાં વડાપ્રધાન નરેન્દ્ર મોદીને મળ્યા હતા. આ વેળાએ રાજ્યના ગવર્નર દેવવ્રત આચાર્ય અને મુખ્યમંત્રી ભૂપેન્દ્ર પટેલ ઉપસ્થિત રહ્યા હતા. આ વખતે સમિટમાં વિશ્વભરના 34 દેશો ભાગ લઈ રહ્યા છે જેમાં 18 દેશોના ગવર્નર અને મંત્રીઓ હાજર રહેશે. આ ઉપરાંત, 15 થી વધુ વૈશ્વિક CEO પણ સમિટમાં પહોંચશે જેના મુખ્ય અતિથિ UAE ના પ્રમુખ શેખ મોહમ્મદ બિન ઝાયેદ અલ નાહયાન છે.
#WATCH | Prime Minister Narendra Modi, UAE President Mohamed bin Zayed Al Nahyan, Prime Minister of the Czech Republic Petr Fiala, Mozambique President Filipe Jacinto Nyusi, President of Timor-Leste José Ramos-Horta, Gujarat CM Bhupendra Patel, Gujarat Governor Acharya Devvrat at… pic.twitter.com/RH36shHTzT
— ANI (@ANI) January 10, 2024
સીએમ ભૂપેન્દ્ર પટેલે વાઈબ્રન્ટમાં સૌને આવકાર્યા
#WATCH | Gujarat CM Bhupendra Patel says “…I welcome 34 partner countries and delegates from over 130 countries to the Vibrant Gujarat Summit…PM Modi has taken the idea of ‘One Earth, One Family, One Future’ to the world. The success of India’s G20 presidency has made the… pic.twitter.com/lqdS9ZkXQw
— ANI (@ANI) January 10, 2024
સીએમ ભૂપેન્દ્ર પટેલે વાઈબ્રન્ટ ગુજરાત સમિટમાં આવેલા અન્ય દેશોના પ્રમુખ, પ્રતિનિધિઓ અને મહાનુભાવોનું સ્વાગત કર્યું હતું. સંબોધન આપતાં તેમણે જણાવ્યું હતું કે, હું વાઇબ્રન્ટ ગુજરાત સમિટમાં 34 ભાગીદાર દેશો અને 130 થી વધુ દેશોના પ્રતિનિધિઓનું સ્વાગત કરું છું. PM મોદીએ ‘એક ધરતી, એક પરિવાર, એક ભવિષ્ય’નો વિચાર વિશ્વ સમક્ષ લીધો છે. ભારતના G20 પ્રમુખપદની સફળતાએ દેશને ગૌરવ અપાવ્યું છે.
અનેક દેશના અનેક ઉદ્યોગપતિ સહિત 25 હજારથઈ વધુ ડેલિગેટ્સ ઉપસ્થિત રહેશે
આ સમિટમાં ભાગ લેવા માટે રિલાયન્સ ઈન્ડસ્ટ્રીઝના ચેરમેન મુકેશ અંબાણી, સન ફાર્માના દિલિપ સંઘવી સહિત દેશ વિદેશના અનેક ઉદ્યોગપતિ, નેતા, વિવિધ ડેલિગેશન મહાત્મા મંદિરે પહોંચ્યા છે. બે દિવસ સુધી ચાલનારા આ વાઈબ્રન્ટ ગુજરાત ગ્લોબલ સમિટ 2024 માટે ગાંધીનગરના મહાત્મા મંદિરના કન્વેન્શન હોલમાં ગ્લોબલ સીઇઓ, બિઝનેસ પ્રતિનિધિમંડળ, રાજદ્વારીઓ, વીઆઈપી મહાનુભાવો સહિત 25 હજારથી વધુ ડેલિગેટ્સ ઉપસ્થિત રહેશે.
આ પણ વાંચો: PM મોદી વાઇબ્રન્ટ ગુજરાત ગ્લોબલ સમિટ માટે પહોંચ્યા અમદાવાદ, 36 દેશો લેશે ભાગ
