શાકભાજી વેચનારના ખાતામાં રૂ.172 કરોડ રૂપીયા, Incometax ની નોટિસ મળતા..
ઘણીવાર લોકોને લાગે છે કે નાનો ધંધો કરતા કે નાની વસ્તુઓ વેચીને દુકાનદારોએ કેટલી કમાણી કરી હશે. ઘણી વખત તમે શાકભાજી ખરીદતી વખતે દુકાનદાર પાસેથી છુટ્ટા પણ પાછા નથી લેતા. પરંતુ જો શાકભાજી વેચનારના ખાતામાં તમારી અપેક્ષા કરતાં વધુ પૈસા હોય તો શું? હાલમાં જ ઉત્તર પ્રદેશમાંથી એક ચોંકાવનારો કિસ્સો પ્રકાશમાં આવ્યો છે, જેમાં શાકભાજી વેચતા એક વ્યક્તિને અચાનક આવકવેરાની નોટિસ મળી છે. આ નોટિસમાં લખવામાં આવ્યું હતું કે તમારા ખાતામાં જમા થયેલ કરોડો રૂપિયાનો ટેક્સ ભરાયો નથી, જેને જોઈને તેમના પગ નીચેથી જમીન સરકી ગઈ. અધિકારીઓના જણાવ્યા અનુસાર આ શાકભાજીના વેપારીના ખાતામાં 172 કરોડ રૂપિયા છે. પરંતુ શાકભાજી વિક્રેતા કંઈક બીજું કહી રહ્યા છે અને પોલીસને મદદ માટે આજીજી કરી રહ્યા છે. આવો જાણીએ સમગ્ર મામલો…
આ મામલો લગભગ એક મહિના પહેલાનો છે, જ્યારે IT ટીમને આવક કરતાં વધુ નાણાં ટ્રાન્સફરની યાદી મળી હતી. એક રિપોર્ટ અનુસાર મામલો ગાઝીપુરના ગહમર પોલીસ સ્ટેશન વિસ્તારનો છે, જ્યાં રાયપટ્ટી વિસ્તારના રહેવાસી વિનોદ રસ્તોગી શાકભાજીનો વ્યવસાય કરે છે. એક દિવસ વિનોદને અચાનક ઈન્કમ ટેક્સ દ્વારા મોકલવામાં આવેલી નોટિસ મળી, જેના પછી ખબર પડી કે તેના નામે એક એકાઉન્ટમાં 172 કરોડ 81 લાખ 59 હજાર રૂપિયા જમા થયા છે.
જોકે વિનોદનું કહેવું છે કે આ પૈસા તેના નથી. વિનોદે ગહમર કોતવાલીમાં અરજી આપીને મદદ માંગી છે. વિનોદે પોલીસ સ્ટેશનમાં જણાવ્યું છે કે કોઈએ તેના આધાર અને પાન કાર્ડનો દુરુપયોગ કરીને આ ખાતું ખોલાવ્યું છે. કહેવામાં આવી રહ્યું છે કે ચેક દ્વારા ખાતામાં કરોડો રૂપિયા જમા થયા છે.
વિનોદે કહ્યું, ‘મને આ વિશે ત્યારે ખબર પડી જ્યારે ઈન્કમ ટેક્સે મને આ રકમ માટે ટેક્સ ભરવા માટે નોટિસ મોકલી. મારા દસ્તાવેજોનો દુરુપયોગ કરીને કોઈએ આ ખાતું ખોલાવ્યું છે. ન તો આ મારું ખાતું છે કે ન તો આ રકમ. ગઢમાર પોલીસ સ્ટેશનમાંથી મને જિલ્લા મુખ્યાલય સાયબર સેલમાં જવાનું કહેવામાં આવ્યું છે.
