વીર દાસ સ્ટેન્ડ અપ કૉમેડીમાંથી બ્રેક લઈને કરશે બોલિવૂડમાં કમબેક
મુંબઈ, 05 ફેબ્રુઆરી: સ્ટેન્ડ અપ સ્ટાર અને અભિનેતા વીર દાસ આગામી ત્રણ મહિના માટે તેની ટૂર પરથી બ્રેક લઈ રહ્યો છે. તેણે આ અંગે સોશિયલ મીડિયા પ્લેટફોર્મ X પર માહિતી આપી હતી. તેણે લખ્યું કે, તે એક ફિલ્મમાં કૉ-ડાયરેક્ટિંગ અને અભિનય કરશે.વીર દાસ આવતીકાલે એટલે 6 ફેબ્રુઆરીએ ભારત પાછા ફરશે. કોઈપણ પ્રકારની હિન્ટ આપ્યા વગર તેણે લખ્યું કે, આગામી ત્રણ મહિના માટે હું કોઈ ટૂર પર નથી જેના વિશે મને જણાવતા ખૂબ ખુશી થાય છે.
Head back to India tomorrow. Very very happy to announce for the next three months I will NOT be touring. Get to sleep in the same bed. Have a routine. Plant some roots.
Also…..Co-direct and star in a movie 🙂— Vir Das (@thevirdas) February 5, 2024
વીર દાસે કહ્યું કે, બસ હવે એક જ પથારી પર સૂઈ જવું છે અને રૂટીન ચાલુ રાખી કેટલાક છોડ રોપવાના છે. તેની સાથે જ કૉ-ડાયરેક્ટિંગ અને મૂવીમાં અભિનય પણ. જો કે, વીરદાસ કંઈ મૂવી વિશે વાત કરી રહ્યો હતો તે હજુ પણ સસ્પેન્શ છે. ફિલ્મ મેકર નિખીલ અડવાણીએ વીરદાસની પોસ્ટ પર કમેન્ટ કરતાં લખ્યું કે, આ એ જ છે, જેણે હાલમાં જ તેના સ્ટેન્ડ અપ સ્પેશિયલ ‘વીર દાસ: લેન્ડિંગ’ માટે ઇન્ટરનેશનલ એમી એવોર્ડ જીત્યો હતો. આ ઉપરાંત, નિખીલે વીર દાસ ભારતમાં પાછો આવે ત્યારે મળવા વિશે કહ્યું હતું.
અગાઉ, 20 નવેમ્બરના રોજ ન્યૂયોર્કમાં આયોજિત 51મા ઇન્ટરનેશનલ એમી એવોર્ડ્સ 2023માં વીર દાસે તેના નેટફ્લિક્સ સ્પેશિયલ શો ‘વીર દાસ: લેન્ડિંગ’ માટે બેસ્ટ કૉમેડી સિરીઝ માટે ઇન્ટરનેશનલ એમી એવોર્ડ જીત્યો હતો. વીર દાસે કહ્યું છે કે પ્રતિષ્ઠિત એવોર્ડ જીતવો એ સમગ્ર ભારતીય કોમેડી માટે એક માઈલ સ્ટોન છે. તેમજ તેણે કેટલીક ફિલ્મોમાં પણ કામ કર્યું છે. વીર દાસ જુડ એપ્ટોવની ‘ધ બબલ’, એક કૉમેડી ફિલ્મમાં જોવા મળ્યો હતો. સાથે તેણે, બોલિવૂડ ફિલ્મ નમસ્તે લંડન, લવ આજ કલ, ગો ગોવા ગોન, દિલ્હી બેલી, રિવૉલ્વર રાની જેવી અઢળક ફિલ્મો તેમજ ટેલિવિઝન શોમાં કામ કર્યું છે.
આ પણ વાંચો: આખરે ઇરફાન પઠાણને તેની પત્નીનો ચહેરો દુનિયાને બતાવ્યો, સુંદરતામાં બોલિવૂડની અભિનેત્રીઓને પણ આપે છે ટક્કર
