ઓસ્ટ્રેલિયા બાદ કેનેડામાં હિન્દુ મંદિરમાં તોડફોડ, ભારત વિરોધી સૂત્રો પણ લખ્યા

ઓસ્ટ્રેલિયા બાદ હવે કેનેડામાં એક હિન્દુ મંદિરને નિશાન બનાવવામાં આવ્યું છે. આ વખતે કેનેડાના બ્રામ્પટન પ્રાંતમાં એક હિન્દુ મંદિરમાં તોડફોડનો મામલો સામે આવ્યો છે. અહીંના ગૌરી શંકર મંદિરમાં ભારે તોડફોડ કરવામાં આવી છે. એટલું જ નહીં, ભારત વિરોધી તસવીરો પણ બનાવવામાં આવી છે. આ ઘટના બાદથી ભારતીય સમુદાયના લોકોએ રોષ વ્યક્ત કર્યો છે. તમને જણાવી દઈએ કે તાજેતરમાં ઓસ્ટ્રેલિયામાં આવી ઘટનાઓ સામે આવી હતી. ભારતે આ ઘટનાની સખત નિંદા કરી છે. કેનેડામાં ભારતના કોન્સ્યુલેટ જનરલે એક નિવેદન જારી કરીને કહ્યું છે કે આ ઘૃણાસ્પદ કૃત્યથી કેનેડામાં ભારતીય સમુદાયની લાગણીઓને ભારે ઠેસ પહોંચી છે. અમે આ બાબતે અમારી ચિંતાઓ કેનેડિયન સત્તાવાળાઓ સમક્ષ રજૂ કરી છે. હાલમાં કેનેડિયન સત્તાવાળાઓ દ્વારા આ મામલાની તપાસ કરવામાં આવી રહી છે.

મેયરે ઘટનાને વખોડી કાઢી હતી

બ્રેમ્પટનના મેયર પેટ્રિક બ્રાઉને આ ઘટના પર પ્રતિક્રિયા આપી છે. તેમણે ટ્વીટ કર્યું છે કે આવા જઘન્ય કૃત્યને આપણા શહેર કે દેશમાં કોઈ સ્થાન નથી. દરેક વ્યક્તિ પોતાના પૂજા સ્થાનમાં સલામતી અનુભવવાને પાત્ર છે. કે આ પહેલા પણ આવી ઘટનાઓ સામે આવી ચુકી છે. આ ઘટનાઓ પાછળ કહેવાતા શીખ અલગતાવાદીઓનું એક જૂથ જણાવવામાં આવી રહ્યું છે. જે બ્રિટન, જર્મની અને અમેરિકામાં સક્રિય છે અને તેને શીખ ફોર જસ્ટિસની મદદ મળી રહી છે. કેનેડા પહેલા ઓસ્ટ્રેલિયામાં ખાલિસ્તાની જૂથો દ્વારા ત્રણ હિંદુ મંદિરોને નિશાન બનાવીને તોડફોડ કરવામાં આવી હતી. ખાલિસ્તાનીઓ મંદિરોમાં ભારત વિરોધી ગ્રાફિટી પણ લગાવે છે.

જે ઘટનાઓ પહેલા બની છે

જણાવી દઈએ કે ગયા વર્ષે જુલાઈ 2022માં કેનેડાના એક વિષ્ણુ મંદિરમાં મહાત્મા ગાંધીની પ્રતિમાની તોડફોડ કરવામાં આવી હતી, જે બાદ ભારે હંગામો થયો હતો. આ પછી, સપ્ટેમ્બર 2022 માં, કેનેડાના BAPS સ્વામિનારાયણ મંદિરને કથિત ખાલિસ્તાની તત્વો દ્વારા ભારત વિરોધી ગ્રેફિટીથી બદનામ કરવામાં આવ્યું હતું. ત્યારે આવી ઘટનાઓ પર ચિંતા વ્યક્ત કરતા ભારતે કેનેડાના સત્તાવાળાઓને તપાસ કરવાની અપીલ કરી હતી. પરંતુ ફરી એકવાર આવી ઘટના શરમજનક છે.

આ પણ વાંચો : ‘આસુમલ’માંથી ‘આસારામ’ બનવાની આખી સ્ટોરી, ચાવાળાથી લઈને બાબા સુધીની સફર, દારૂ વેચીને ગુના પણ કર્યા