વડોદરા વન વિભાગે ભારે જહેમત બાદ 10 ફૂટના મગરનું કર્યું રેસ્ક્યું

ચોમાસાની સિઝન શરૂ થતાની સાથે જ વિશ્વામિત્રી નદીમાંથી મગરો નદી કાંઠાના વિસ્તારમાં આવવા લાગ્યા છે. ભાયલી ગામના આંબેડકર નગરમાં મોડી રાત્રે મગર લટાર મારી રહ્યો હતો. જેને પગલે સ્થાનિકોમાં ફફડાટ વ્યાપો હતો. આ અંગે વન વિભાગને જાણ કરાતા વન વિભાગની ટીમે ગુરુવારે રાત્રે એક કલાકની જહેમત બાદ 10 ફૂટ લાંબા મગરને પકડી લીધો હતો.

 વન વિભાગે 10 ફૂટના મગરનું કર્યું રેસ્ક્યું

વન વિભાગ પાસેથી મળેલી માહિતી મુજબ મોડી રાત્રે 11 વાગ્યે ટીમે મગરને પકડી લીધો હતો. લગભગ 10 ફૂટના મગરને પકડવા માટે વન વિભાગે ગ્રામજનોની મદદ લેવી પડી હતી.તેણે બચાવ ટાળવા માટે મગર પણ તેની તમામ તાકાત લગાવી દીધી, પરંતુ ટીમે તેને ચારે બાજુથી દોરડા વડે પકડી લીધો. મગરને બચાવવા માટે નગરજનોના ટોળા ઉમટી પડ્યા હતા.

આંબેડકરનગરમાં મગરોની લટાર

વિશ્વામિત્રી નદી વડોદરા નજીક ભાયલી ગામમાં આંબેડકર નગરની પાછળથી પસાર થાય છે. આ નદી મોટી સંખ્યામાં મગરોનું ઘર છે. આંબેડકરનગરમાં છેલ્લા કેટલાક સમયથી બે બચ્ચા મગર સાથે ચાર મગરનો પરિવાર લટાર મારતો હતો. આંબેડકર નગરમાં દરરોજ બે મોટા મગર અને બે બચ્ચા આવે છે.મગરો લોકોના ઘરની બહાર આવીને બેસી જતા હોવાથી નગરજનોને દિવસ-રાત ભયમાં પસાર કરવો પડે છે. છેલ્લી રાત્રે, એક 10 ફૂટનો મગર પકડાયો હતો; જો કે, એક 11 ફૂટનો મગર અને બે 4-5 ફૂટના બચ્ચા હજુ પણ છે.

આ પણ વાંચો : રાજ્યમાં 24 કલાક અતિભારે વરસાદની આગાહી, સૌરાષ્ટ્ર અને કચ્છમાં ભૂક્કા બોલાવશે મેઘરાજા