ધુમ્મસમાં અકસ્માતથી બચવું છે? આ Tips થી ડ્રાઈવિંગ બનશે સલામત

નવી દિલ્હી, તા.4 જાન્યુઆરી, 2024: છેલ્લા કેટલાક દિવસોથી ઉત્તર ભારતમાં ઠંડીનું મોજું ફરી વળ્યું છે. જેના કારણે લોકોને વાહન ચલાવવામાં ઘણી મુશ્કેલીઓનો સામનો કરવો પડી રહ્યો છે. ગાઢ ધુમ્મસના કારણે ગુજરાત સહિત દેશના અનેક રાજ્યોમાં અકસ્માતની ઘટનામાં વધારો થયો છે. આ સ્થિતિમાં આ ગાઢ ધુમ્મસમાં સુરક્ષિત રીતે વાહન કેવી રીતે ચલાવવું તે જાણવું ખૂબ જ મહત્વપૂર્ણ બની જાય છે.

ધુમ્મસમાં વાહન ચલાવતી વખતે આ ટિપ્સ યાદ રાખો

• સૌ પ્રથમ તમારે એ જાણવાની જરૂર છે કે ગાઢ ધુમ્મસમાં ઝડપી ગતિએ વાહન ચલાવવું જોખમથી ઓછું નથી. જો તમે વધુ ઝડપે વાહન ચલાવો છો, તો લો વિઝિબિલિટીના કારણે પ્રતિક્રિયાનો સમય ઓછો થાય છે. તેનાથી અકસ્માતનું જોખમ વધી જાય છે.
• યાદ રાખવાની બીજી મહત્વની બાબત એ છે કે તમારી કારની હેડલાઇટનો યોગ્ય ઉપયોગ કરવો. ગાઢ ધુમ્મસમાં હાઇ બીમનો ઉપયોગ કરવાનું ટાળો. આ રીતે, ધુમ્મસમાં પ્રતિબિંબિત થતો પ્રકાશ તમારી અને અન્ય લોકોની દૃશ્યતા ઘટાડી શકે છે. તેથી, લાઇટના નીચા બીમનો ઉપયોગ કરવો જરૂરી છે.
• ત્રીજી વાત એ છે કે જ્યારે પણ તમે વળાંક લો છો, ત્યારે તે સમય દરમિયાન ઇન્ડિકેટરનો ઉપયોગ કરો જેથી પાછળથી આવતા વાહનોને ખબર પડે કે તમે વળાંક લઈ રહ્યા છો. આ રીતે તમે અકસ્માતો ટાળી શકો છો.
• ગાઢ ધુમ્મસ હોય ત્યારે કારના વિન્ડશીલ્ડ પર તેની અસર જોવા મળે છે. ધુમ્મસના કારણે સામેથી આવતું વાહન ઓછું દેખાય છે. આ કિસ્સામાં, વાઇપર અને ડિફોગરનો ઉપયોગ કરવો જોઈએ. તેનાથી કાચ ચોખ્ખો રહે છે.
• વાહન ચલાવતી વખતે તમારા આગળના વાહનથી અંતર રાખો. આમ કરવાથી, જો આગળનું વાહન અચાનક બ્રેક મારે તો તમને પણ બ્રેક મારીને કારને કાબુમાં કરવાનો સમય મળી રહેશે.

આ પણ વાંચોઃ સિડની ટેસ્ટઃ ઑસ્ટ્રેલિયા 181 રનમાં ઓલઆઉટ, ભારતને મળી 4 રનની લીડ