મોબાઈલ એપ્સનો ઉપયોગ ભવિષ્યમાં ખતમ થશે, નવો યુગ AI ફોનનો હશે

નવી દિલ્હી, 27 ફેબ્રુઆરી : આવનારા 5 થી 10 વર્ષમાં મોબાઈલ એપ્સનો ઉપયોગ કરવાનો સંપૂર્ણપણે ખતમ થઈ જશે. નવો યુગ AI ફોનનો હશે. ટેક્નોલોજી કંપનીઓ મોબાઈલ વર્લ્ડ કોંગ્રેસમાં અલગ-અલગ ઈનોવેશન્સનું પ્રદર્શન કરી રહી છે. આ શ્રેણીમાં AI ફોનનો કોન્સેપ્ટ પણ રજૂ કરવામાં આવ્યો છે. મોબાઇલ વર્લ્ડ કોંગ્રેસ 2024માં આવનારા AI ફોનની ઝલક પણ બતાવવામાં આવી છે. Deutsche Telekom CEO Tim Hoettges એ આ ઇવેન્ટમાં એપ-લેસ સ્માર્ટફોનનો કોન્સેપ્ટ રજૂ કર્યો છે.

AI હવે યુઝરની દરેક જરૂરિયાત પૂરી કરશે

Deutsche Telekom, Qualcomm અને Brain ની સાથે મળીને આ એપ્સની જરૂરિયાતને દૂર કરવાનો ખ્યાલ રજૂ કર્યો છે. સીઈઓનું અનુમાન છે કે આગામી 5 થી 10 વર્ષમાં વપરાશકર્તાઓ એપ-ફ્રી યુઝર ઈન્ટરફેસ સાથે વ્યક્તિગત સુવિધાઓનો ઉપયોગ કરી શકશે. કંપનીએ આ ખાસ કોન્સેપ્ટને તેના ટી-ફોન પર શોકેસ કર્યો છે. યુઝરને ફોનમાં એપ-ફ્રી યુઝર ઈન્ટરફેસ બતાવવામાં આવ્યું હતું.

ભવિષ્યનો AI ફોન કેવી રીતે કામ કરશે?

ભવિષ્યમાં લાવવામાં આવનાર આ ફોન સાથે એપની જગ્યાએ વપરાશકર્તા દ્વારા મેસેજિંગથી લઈને સોશિયલ મીડિયા અને બેંકિંગ સુધીની દરેક વસ્તુ માટે AIનો ઉપયોગ કરવામાં આવશે.

ભવિષ્યના AI ફોન પ્રોમ્પ્ટ્સ પર રિસ્પોન્સ આપીને કામ કરશે. AI ફોન ટ્રાવેલ ડેસ્ટિનેશન અંગે સજેશન આપવું, પ્રોડક્ટ્સ ખરીદવા અને કોન્ટેક્ટ્સને પિક્ચર-વીડીયો મોકલવા માટે યુઝરને ઉપયોગી થશે.

આ પણ વાંચો : ગૂગલનું નવું જેમિની AI ફીચર, જાણો આ AI સુવિધાઓનો ઉપયોગ