T-20 વર્લ્ડ કપ ટ્રેન્ડિંગ વર્લ્ડ સ્પોર્ટસ

T20 વર્લ્ડ કપ માટે અમેરિકાએ 15 ખેલાડીઓની કરી જાહેરાત, જૂઓ અહીં

Shailesh Chaudhary અમેરિકાLast Updated: મે 4, 2024

489 1 minute read

ICC મેન્સ T20 વર્લ્ડ કપ 2024 માટે અમેરિકાએ તેની ટીમ કરી જાહેર
T20માં 15 ખેલાડીઓના કિસ્મત ચમક્યા, 3 ખેલાડી રિઝર્વમાં
ભારતીય મુળનો મોનાંક પટેલ કરશે ટીમનું નેતૃત્વ

HD ન્યૂઝ ડેસ્ક, 4 મે: ક્રિકેટ ચાહકો ICC મેન્સ T20 વર્લ્ડ કપ 2024ની આતુરતાથી રાહ જોઈ રહ્યા છે. આ વખતે T20 વર્લ્ડ યુનાઈટેડ સ્ટેટ્સ ઑફ અમેરિકા (USA) અને વેસ્ટ ઈન્ડિઝમાં 1 જૂનથી 29 જૂન સુધી રમાશે. કો-હોસ્ટ યુએસએ પણ T20 વર્લ્ડ કપ માટે પોતાની ટીમની જાહેરાત કરી છે. યુએસએની 15 સભ્યોની ટીમનું નેતૃત્વ મોનાંક પટેલ કરશે. મોનાંકનો જન્મ ગુજરાતના આણંદ શહેરમાં થયો હતો. મોનાંકે અંડર-19 સ્તરે ગુજરાતનું પ્રતિનિધિત્વ કર્યું હતું, પરંતુ પછીથી તે અમેરિકા જતા રહ્યા.

It’s almost time to defend our home turf in the @T20WorldCup! Here is our 15-player squad that will be representing the United States in the World Cup beginning on June 1!#WeAreUSACricket #T20WorldCup #TeamUSA #Cricket pic.twitter.com/phnzT2Ce48

— USA Cricket (@usacricket) May 3, 2024

T20 વર્લ્ડ કપ 2024 માટે યુએસની ટીમ: મોનાંક પટેલ (કેપ્ટન/વિકેટકીપર), એરોન જોન્સ (વાઈસ-કેપ્ટન), એન્ડ્રીસ ગૌસ, કોરી એન્ડરસન, અલી ખાન, હરમીત સિંહ, જેસી સિંઘ, મિલિંદ કુમાર, નિસર્ગ પટેલ, નીતિશ કુમાર, નોશતુષ કેન્ઝીગે , સૌરભ નેત્રાવલકર, શેડલી વેન શાલ્કવિક, સ્ટીવન ટેલર, શયાન જહાંગીર

રિઝર્વ ખેલાડીઓઃ ગજાનંદ સિંહ, જુઆનોય ડ્રિસડેલ, યાસિર મોહમ્મદ

ન્યુઝીલેન્ડનો આ દિગ્ગજ ખેલાડી પણ ટીમનો એક ભાગ

ટીમમાં અન્ય એક પ્રખ્યાત ચહેરો ન્યૂઝીલેન્ડનો ભૂતપૂર્વ ઓલરાઉન્ડર કોરી એન્ડરસન છે, જેણે 2015 ODI વર્લ્ડ કપ સાથે 2014 અને 2016 T20 વર્લ્ડ કપમાં ન્યૂઝીલેન્ડનું પ્રતિનિધિત્વ કર્યું હતું. તે 2023માં અમેરિકા ગયો અને ગયા મહિને કેનેડા સામેની T20 મેચમાં અમેરિકા માટે ડેબ્યૂ કર્યું.

પાકિસ્તાનમાં જન્મેલા અલી ખાનને પણ મળ્યું ટીમમાં સ્થાન

પાકિસ્તાનમાં જન્મેલા ફાસ્ટ બોલર અલી ખાન પણ ટીમમાં સામેલ છે, જેને 2020માં કોલકાતા નાઈટ રાઈડર્સે પોતાની ટીમમાં સામેલ કર્યો હતો. અમેરિકા પહેલા દિવસે પડોશી દેશ કેનેડા સામે પોતાના અભિયાનની શરૂઆત કરશે. તેને ભારત, પાકિસ્તાન અને આયર્લેન્ડની સાથે ગ્રુપ Aમાં રાખવામાં આવ્યું છે.

ઉન્મુક્ત-સ્મિતને ના મળ્યું સ્થાન

મોનાંક પટેલ ઉપરાંત ભારતીય મૂળના અન્ય ઘણા ખેલાડીઓને સ્થાન મળ્યું છે. જોકે, ઉન્મુક્ત ચંદને ટીમમાં સ્થાન મળ્યું નથી. ચંદની કપ્તાનીમાં જ ભારતે 2012નો અંડર-19 વર્લ્ડ કપ જીત્યો હતો. તે ટીમનો હિસ્સો રહેલા વિકેટકીપર બેટ્સમેન સ્મિત પટેલને પણ તક મળી નથી.

આ પણ વાંચો: T20 World Cup 2024 માટે ટીમ ઈન્ડિયાની જાહેરાત, રોહિતની કેપ્ટનશિપમાં રમશે આ ખેલાડીઓ