અમેરિકા: લાસ વેગાસની યુનિવર્સિટીમાં અંધાધૂંધ ગોળીબારમાં 3ના મૃત્યુ, હુમલાખોર ઠાર
- અમેરિકામાં અંધાધૂંધ ગોળીબાર થવાની ઘટનાઓ યથાવત
- લાસ વેગાસની યુનિવર્સિટી ઓફ નેવાડા કેમ્પસમાં અંધાધૂંધ ગોળીબાર
લાસ વેગાસ, 007 ડિસેમ્બર : અમેરિકામાં ગોળીબાર અટકવાનું નામ નથી લઈ રહ્યું ત્યારે ફરી એકવાર ગોળીબારની ઘટના બની છે. આ વખતે ગોળીબાર લાસ વેગાસની યુનિવર્સિટી ઓફ નેવાડા કેમ્પસમાં થયો છે. હુમલાખોરે અહીં યુનિવર્સિટી કેમ્પસમાં અંધાધૂંધ ગોળીબાર કર્યો હતો. આ ફાયરિંગમાં 3 લોકોના મૃત્યુ થયા છે. જ્યારે એક વ્યક્તિ ઘાયલ થયો છે. અહેવાલો અનુસાર, લાસ વેગાસ પોલીસે કહ્યું કે, શંકાસ્પદ હુમલાખોર પોલીસ કાર્યવાહીમાં ઠાર મારવામાં આવ્યો છે.
Las Vegas – University of Nevada. Does not seem as bad as first thought. Shooter dead. & Others taken to hospital. Police didn’t mention any others dead. pic.twitter.com/60GOXIJI5I
— 🇬🇧RonEnglish🇬🇧🏴 (@RonEng1ish) December 6, 2023
લાસ વેગાસ સિટી પોલીસ ડિપાર્ટમેન્ટે સોશિયલ મીડિયા પ્લેટફોર્મ ટ્વિટર પર એક પોસ્ટમાં જણાવ્યું હતું કે શંકાસ્પદને દબાવી દેવામાં આવ્યો છે અને તે મૃત્યુ પામ્યો છે. પોલીસે પણ નાગરિકોને આ વિસ્તારથી દૂર રહેવા વિનંતી કરી છે. આ ઘટના પર વોશિંગ્ટન તરફથી નિવેદન આવ્યું છે. વોશિંગ્ટનમાં વ્હાઇટ હાઉસે કહ્યું કે, અમે લાસ વેગાસની સ્થિતિ પર નજર રાખી રહ્યા છીએ.
#BREAKING: According to our investigators at the scene, we have three deceased victims and one additional victim in critical condition at a local hospital.
The suspect in this #ActiveShooter incident is also deceased.
We will update as soon as we can with accurate information. https://t.co/h56jaYcFwg
— LVMPD (@LVMPD) December 6, 2023
ફાયરિંગ લાસ વેગાસમાં ક્યાં થયું?
This is how UNLV students were evacuated from campus buildings after today’s shooting pic.twitter.com/UJV6lI0fiy
— Las Vegas Locally 🌴 (@LasVegasLocally) December 6, 2023
પોલીસે જણાવ્યું હતું કે, આ ઘટના યુનિવર્સિટી કેમ્પસમાં બીમ હોલની આસપાસ બની હતી, જેમાં બિઝનેસ સ્કૂલ અને અન્ય સુવિધાઓ છે. જો કે, પીડિતોની સ્થિતિ વિશે તાત્કાલિક માહિતી ઉપલબ્ધ નથી. યુનિવર્સિટી વહીવટીતંત્રે પણ વિદ્યાર્થીઓને એક પોસ્ટમાં વિસ્તાર ખાલી કરવા વિનંતી કરી હતી. પોલીસ અધિકારીઓએ બાદમાં જણાવ્યું હતું કે, કેમ્પસમાં વધુ કોઈ ખતરો નથી. કેટલાક પીડિતોને સ્થાનિક હોસ્પિટલોમાં ખસેડવામાં આવ્યા હતા. પોલીસ તપાસ ચાલુ છે. હાલમાં, ફાયરિંગની ઘટના પાછળના હેતુ અંગે કોઈ માહિતી બહાર આવી નથી.
આર્લિંગ્ટનમાં એક ઘરની અંદર ફાયરિંગ અને વિસ્ફોટ પણ થયો હતો
આ પહેલા તાજેતરમાં જ અમેરિકાના આર્લિંગ્ટનમાં એક ઘરની અંદર ગોળીબારનો મામલો બન્યો હતો. આ ફાયરિંગ બાદ મોટો વિસ્ફોટ પણ થયો હતો. આ પછી, પોલીસે પાડોશમાં રહેતા તમામ રહેવાસીઓને તેમના ઘરોમાં રહેવાની સૂચના આપી હતી. પોલીસનું કહેવું હતું કે આ ઘટના બ્લુમાઉન્ટમાં એન બર્લિંગસ્ટ્રીટના 800 બ્લોકમાં બની હતી. પોલીસે જણાવ્યું હતું કે, અધિકારીઓ નિવાસસ્થાન પર સર્ચ વોરંટ આપવાનો પ્રયાસ કરી રહ્યા હતા ત્યારે એક શંકાસ્પદ વ્યક્તિએ ઘરની અંદર અનેક રાઉન્ડ ફાયરિંગ કર્યું, જેના કારણે વિસ્ફોટ થયો.
આ પણ જુઓ :અમેરિકામાં પ્રચંડ વિસ્ફોટથી ઘર ઉડ્યું, શંકાસ્પદ વ્યક્તિનું પોલીસ પર ફ્લેર ગનથી ફાયરિંગ
