ટ્રમ્પના શપથ ગ્રહણ દરમિયાન USનો તિરંગો અડધો ઝૂકેલો રહેશે, પ્રમુખ બાઈડનની જાહેરાત

• ડોનાલ્ડ ટ્રમ્પે બાઈડનના આ નિર્ણય પર પ્રશ્ન ઉઠાવતા કહ્યું કે, ડેમોક્રેટ્સ કદાચ દેશને પ્રેમ કરતા નથી

વોશિંગ્ટન, 5 જાન્યુઆરી: નવા ચૂંટાયેલા પ્રમુખ ડોનાલ્ડ ટ્રમ્પ 20 જાન્યુઆરીએ અમેરિકાના 47મા પ્રમુખ તરીકે શપથ લેશે, પરંતુ ઉલ્લેખનીય છે કે, આ સમયગાળા દરમિયાન અમેરિકાનો રાષ્ટ્રધ્વજ અડધો ઝૂકેલો રહેશે. અમેરિકાના ઈતિહાસમાં સંભવતઃ આ પહેલીવાર હશે જ્યારે પ્રમુખના શપથ ગ્રહણ સમારોહ દરમિયાન તે દેશનો રાષ્ટ્રધ્વજ ગર્વથી લહેરાવી શકશે નહીં. આ આદેશ આઉટગોઇંગ પ્રમુખ જો બાઈડન દ્વારા આપવામાં આવ્યો છે, જેમનો કાર્યકાળ 20 જાન્યુઆરીએ સમાપ્ત થઈ રહ્યો છે.

બાઈડનના આ નિર્ણયથી ટ્રમ્પ આશ્ચર્ય અને નારાજ થયા છે. ટ્રમ્પ નિરાશ છે કે, જ્યારે તેમના શપથ ગ્રહણ સમારોહમાં દેશનો રાષ્ટ્રધ્વજ ગર્વથી હવામાં લહેરાવવો જોઈએ, ત્યારે સમગ્ર દેશના ધ્વજ અડધી કાઠીએ ઝૂકેલો રહેશે. ટ્રમ્પ બિઈડનના આ નિર્ણયનો ખુલ્લેઆમ વિરોધ કે સ્વાગત કરવા સક્ષમ નથી, પરંતુ શપથ ગ્રહણ દરમિયાન રાષ્ટ્રધ્વજ અડધો લહેરાતો હોવાનો માત્ર વિચાર ટ્રમ્પનો મૂડ બગાડી રહ્યો છે. તેણે આ અંગે પોતાની નિરાશા વ્યક્ત કરી છે.

ટ્રમ્પના શપથ ગ્રહર સમયે અમેરિકાનો રાષ્ટ્રધ્વજ કેમ અડધો ઝૂકેલો રહેશે?

અમેરિકાના નવા ચૂંટાયેલા પ્રમુખ ડોનાલ્ડ ટ્રમ્પ જ્યારે 20 જાન્યુઆરીએ દેશના 47મા પ્રમુખ તરીકે શપથ લેશે, ત્યારે તેઓ એટલો આનંદ નહીં હોય જેટલો તેમને થવો જોઈતો હતો. આના બે ખાસ કારણો છે. પહેલું એ કે તેમના શપથ ગ્રહણ પહેલા જ અમેરિકન કોર્ટ 10 જાન્યુઆરીએ સિક્રેટ મની કેસમાં એડલ્ટ સ્ટારને સજા સંભળાવશે. બીજો એ છે કે, તેમના શપથ ગ્રહણ સમારોહ દરમિયાન, અમેરિકી રાષ્ટ્રધ્વજ સમગ્ર દેશમાં અડધી કાઠીએ ઝૂકેલો રહેશે. તેનું કારણ 29 ડિસેમ્બરના રોજ અમેરિકાના પૂર્વ પ્રમુખ જીમી કાર્ટરનું નિધન થયું છે. તેમના સન્માનમાં પ્રમુખ જો બાઈડને અમેરિકન ધ્વજને 30 દિવસ સુધી અડધી કાઠીએ લહેરાવવાનો આદેશ આપ્યો છે. આવી સ્થિતિમાં અમેરિકન રાષ્ટ્રીય ધ્વજ 28 જાન્યુઆરી સુધી ઝૂકેલો રહેશે.

ટ્રમ્પે આ મુદ્દો ઉઠાવ્યો હતો

નવા ચૂંટાયેલા પ્રમુખ ટ્રમ્પ 9 જાન્યુઆરીએ વોશિંગ્ટનમાં જીમી કાર્ટરની સ્મારક સેવામાં હાજરી આપશે. પરંતુ તેમણે શુક્રવારે એક TRUTH સોશિયલ પોસ્ટમાં તેમના શપથ ગ્રહણ સમારોહ દરમિયાન શોકમાં અડધી કાઠીએ લહેરાતા ધ્વજનો મુદ્દો ઉઠાવ્યો હતો. તેમણે કહ્યું કે, મારા શપથ ગ્રહણ સમારોહ દરમિયાન આપણો શાનદાર અમેરિકન ધ્વજ સંભવિત રીતે “અડધી ઝૂકેલી” હાલતમાં રહેવાને કારણે અમારા વિપક્ષી ડેમોક્રેટ્સ ખુશ છે.  ટ્રમ્પે કહ્યું કે, “તેઓ વિચારે છે કે આ મહાન છે અને તેઓ તેનાથી ખૂબ જ ખુશ છે કારણ કે તેઓ ખરેખર આપણા દેશને પ્રેમ કરતા નથી, તેઓ ફક્ત પોતાના વિશે જ વિચારે છે.” ટ્રમ્પે વધુમાં કહ્યું કે, ગયા અઠવાડિયે ભૂતપૂર્વ પ્રમુખ કાર્ટરના અવસાનને કારણે યુએસ ધ્વજ “પ્રથમ વખત ભાવિ પ્રમુખના શપથ ગ્રહણ દરમિયાન અડધો ઝૂકેલો રહેશે. કોઈપણ અમેરિકન આ જોવા માંગતો નથી, ન તો તેઓ આનાથી ખુશ થઈ શકે છે. ટ્રમ્પની ટિપ્પણી બાદ વ્હાઇટ હાઉસના પ્રવક્તા કેરીન જીન-પિયરે કહ્યું કે, આ નિર્ણય પર પુનર્વિચાર કરવાની કોઈ યોજના નથી.

આ પણ જૂઓ: દિલ્હીમાં ગાઢ ધુમ્મસથી હવાઈ સેવા પ્રભાવિત, IGI એરપોર્ટે જાહેર કરી એડવાઇઝરી