યુએસ આર્મીનું વિમાન ક્રેશ, પાંચ ક્રૂ મેમ્બરના મૃત્યુ

• સૈન્ય તાલીમના ભાગ રૂપે વિમાન એરિયલ રિફ્યુઅલિંગ ઓપરેશન દરમિયાન ક્રેશ થયું હતું
• જેમાં તમામ પાંચ ક્રૂ સભ્યોના મોત થયા હતા.
• નજીકના યુએસ લશ્કરી વિમાનો અને જહાજો તરત જ શોધ અને બચાવ પ્રયાસના ભાગરૂપે તૈનાત કરવામાં આવ્યા હતા.

યુએસ: તાલીમ મિશન દરમિયાન પૂર્વીય ભૂમધ્ય સમુદ્ર પર લશ્કરી વિમાન દુર્ઘટનાગ્રસ્ત થતાં પાંચ યુએસ સેવા કર્મચારીઓ માર્યા ગયા હતા. શુક્રવારે સાંજે પ્લેન ક્રેશ થયું હતું. સેનાએ સૌથી પહેલા શનિવારે પ્લેન ક્રેશ થયાની જાહેરાત કરી હતી અને કહ્યું હતું કે દુર્ઘટનાના કારણની તપાસ કરવામાં આવી રહી છે. જો કે આ ઘટનામાં કોઈ કાવતરૂ હોવાની શક્યતા નકારી કાઢવામાં આવી છે.

હવાઈ ​​રિફ્યુઅલિંગ દરમિયાન અકસ્માત

સેનાએ જણાવ્યું હતું કે, સૈન્ય તાલીમના ભાગ રૂપે વિમાન એરિયલ રિફ્યુઅલિંગ ઓપરેશન દરમિયાન ક્રેશ થયું હતું, જેમાં તમામ પાંચ ક્રૂ સભ્યો મૃત્યુ પામ્યા હતા. નજીકના યુએસ લશ્કરી વિમાનો અને જહાજો તરત જ શોધ અને બચાવ પ્રયાસના ભાગરૂપે તૈનાત કરવામાં આવ્યા હતા.

યુએસ આર્મીના બે હેલિકોપ્ટર ક્રેશ

અગાઉ 28 એપ્રિલના રોજ અલાસ્કામાં ટ્રેનિંગમાંથી પરત ફરી રહેલા યુએસ આર્મીના બે હેલિકોપ્ટર ક્રેશ થયા હતા, જેમાં ત્રણ પાયલટના મૃત્યુ થયા હતા. તેની પહેલા ફેબ્રુઆરીમાં પણ અકસ્માત થયો હતો. યુએસ આર્મી અલાસ્કાના પ્રવક્તા જોન પેનેલે જણાવ્યું હતું કે દરેક હેલિકોપ્ટરમાં બે લોકો સવાર હતા.

દુર્ઘટના પાછળના કારણોની વિગતો આપ્યા વિના, આર્મી યુનિટે કહ્યું કે ઘટનાની તપાસ કરવામાં આવી રહી છે. ગયા મહિને કેન્ટુકીમાં હેલિકોપ્ટર દુર્ઘટનામાં નવ સૈનિકોના મૃત્યુ થયા હતા. યુએસ આર્મી અલાસ્કાના એક નિવેદનમાં કહેવામાં આવ્યું છે કે AH-64 અપાચે હેલિકોપ્ટર ફેરબેંક્સ નજીક ફોર્ટ વેનરાઈટના હતા.

આ પણ વાંચો, હેપ્પી ન્યુ યરઃ ગોવર્ધન પૂજાનું શું છે મહત્ત્વ? જાણો મુહૂર્ત, વિધિ અને કથા