કોંગ્રેસની ભારત જોડો યાત્રામાં જોડાઈ ઉર્મિલા માતોંડકર, રાહુલ ગાંધી સાથે હાથ પકડી ચાલતી જોવા મળી
કોંગ્રેસની ભારત જોડો યાત્રામાં અત્યાર સુધીમાં અનેક બોલિવૂડ સેલેબ્સ સામેલ થઈ ચૂક્યા છે. હવે આ ક્રમમાં અભિનેત્રી-રાજકારણી ઉર્મિલા માતોંડકર પણ ‘ભારત જોડો યાત્રા’માં જોડાઈ છે. આ દરમિયાન ઉર્મિલા માતોંડકર રાહુલ ગાંધીનો હાથ પકડીને ચાલતી જોવા મળી હતી. હાલમાં જમ્મુ-કાશ્મીરમાં ઠંડી પડી રહી છે, પરંતુ રાહુલ ગાંધી પહેલાની જેમ સફેદ ટી-શર્ટમાં જોવા મળ્યા હતા. હવે ઉર્મિલા અને રાહુલ ગાંધીની તસવીરો સોશિયલ મીડિયા પર વાયરલ થઈ રહી છે.
Walk for Unity, Affinity, Equality n Fraternity ????????❤️#bharatjodoyatra #BharatJodoYatraInJK #JaiHind ❤️ pic.twitter.com/5rqXz4geSQ
— Urmila Matondkar (@UrmilaMatondkar) January 24, 2023
અભિનેત્રીએ વીડિયો વાયરલ કર્યો
કોંગ્રેસની ભારત જોડો યાત્રા કન્યાકુમારી થઈને જમ્મુ-કાશ્મીર પહોંચી છે. ભારત જોડો યાત્રામાં જોડાતા પહેલા ઉર્મિલાએ સોશિયલ મીડિયા પર એક વીડિયો પણ શેર કર્યો હતો, જેમાં તેણે કહ્યું હતું કે આ ધ્રૂજતી ઠંડીમાં હું તમારી સાથે જમ્મુથી વાત કરી રહી છું. હવેથી ટુંક સમયમાં હું રાહુલ ગાંધી સાથે ભારત જોડો યાત્રામાં સામેલ થવાનો છું. આ સફર એક વ્યક્તિ, એક પક્ષ, થોડા લોકોની મહાન ભાવનાથી આગળ વધી રહી છે. આ મુલાકાતથી આ ભાવના વધી છે. આ ભાવનાનું નામ ભારતીયતા છે. તેમાં ઘણો પ્રેમ, ત્યાગ, શ્રદ્ધા, ભાઈચારો અને સદ્ભાવના છે. આ ભારતીયતા આપણને બધાને જોડે રાખે છે. ક્યાંક મને લાગે છે કે દુનિયા ડર પર નહીં પણ પ્રેમ અને સદ્ભાવના પર ચાલે છે. મારા માટે આ મુલાકાતનું મૂલ્ય રાજકીય કરતાં સામાજિક છે. જય ભારત જય હિન્દ.
Jammu ❤️
“Bharat Jodo Yatra”#love #Peace #Equality #BharatJodoYatraInJK #BharatJodoYatra #JaiHind ????????❤️ pic.twitter.com/awzc67uL9O— Urmila Matondkar (@UrmilaMatondkar) January 24, 2023
અગાઉ પણ અનેક સેલિબ્રિટી જોડાયા હતા
મહત્વનું છે કે, ઉર્મિલા માતોંડકર 1990 ના દાયકાની લોકપ્રિય બોલિવૂડ સ્ટાર્સમાંથી એક છે. ઉર્મિલા માતોંડકરે સપ્ટેમ્બર 2019 માં કોંગ્રેસમાંથી રાજીનામું આપ્યું અને છ મહિના પછી 2020 માં શિવસેનામાં જોડાઈ. મનોરંજન જગતના ઘણા સેલેબ્સ રાહુલ ગાંધીની ભારત જોડો યાત્રામાં જોડાયા છે. જેમાં પૂજા ભટ્ટ, અમોલ પાલેકર, રિયા સેન, સુશાંત સિંહ, સ્વરા ભાસ્કર, રશ્મિ દેસાઈ, આકાંક્ષા પુરી અને કામ્યા પંજાબીનો સમાવેશ થાય છે.
