‘ઉર્ફીનો ભાઈ બરફી!’ પ્લાસ્ટિકની બોરીમાંથી છોકરાએ બનાવ્યો કુર્તો! પહેરીને રસ્તા પર નીકળ્યો, જૂઓ વીડિયો
- કપડાની મોટી કંપનીઓ પણ હાસ્યાસ્પદ કપડાં બનાવે છે, જેથી તેઓ પ્રખ્યાત થઈ શકે
HD ન્યૂઝ ડેસ્ક, 6 નવેમ્બર: સોશિયલ મીડિયા પર વાયરલ થવા માટે લોકો કંઈ પણ કરવા તૈયાર હોય છે. દરેક વ્યક્તિ પોતાની ટેલેન્ટ પ્રમાણે વીડિયો પોસ્ટ કરે છે. હવે એક દરજીએ પણ પોતાની ટેલેન્ટ પ્રમાણે વીડિયો બનાવ્યો છે. તેણે પ્લાસ્ટિકની બોરીમાંથી કુર્તા પાયજામા બનાવ્યા છે. જ્યારે તે પહેરીને રસ્તા પર નીકળ્યો તો સોશિયલ મીડિયા પર લોકો દંગ રહી ગયા અને કહેવા લાગ્યા, ‘ઉર્ફીનો ભાઈ બરફી!’
વસીમ અંસારી નામનો એક કન્ટેન્ટ ક્રિએટર છે જે સોશિયલ મીડિયા પર વિવિધ પ્રકારના કપડાં પહેરીને વીડિયો પોસ્ટ કરે છે. હાલમાં જ તેણે એક વીડિયો પોસ્ટ કર્યો છે જે વાયરલ થઈ રહ્યો છે. આ વીડિયોમાં, તેણે ફોર્ચ્યુન રિફાઈન્ડ પ્લાસ્ટિક બેગમાંથી પોતાના માટે કપડાં સિલાઈ કર્યા છે. આજકાલ, કપડાની મોટી કંપનીઓ પણ આવા હાસ્યાસ્પદ કપડાં બનાવે છે. છોકરીઓના કપડાં શણની બોરીઓમાંથી બનાવવામાં આવે છે. હાલમાં જ એક પેન્ટનો વીડિયો વાયરલ થયો હતો, જેમાં શોરૂમમાં જ્યુટ બેગનું પેન્ટ લટકતું હતું.
જૂઓ આ વીડિયો
View this post on Instagram
છોકરાએ પહેર્યા બોરીમાંથી બનાવેલા કપડાં
કદાચ તેની નકલ કરીને આ વ્યક્તિએ પ્લાસ્ટિકની બોરીમાંથી પોતાના માટે કુર્તા-પાયજામા તૈયાર કર્યા છે. વીડિયોમાં જોઈ શકાય છે કે તેણે સિલાઈ મશીન વડે કપડાની સિલાઈ કરી અને પછી પહેરીને બજારમાં નીકળ્યો. વ્યક્તિએ અલગ-અલગ જગ્યાએ ઉભા રહીને પોઝ આપ્યા અને પછી વીડિયો પોસ્ટ કર્યો. જો કે કુર્તા પાયજામાનો લુક સારો લાગે છે, પરંતુ બોરી પર પ્રિન્ટ એકદમ વિચિત્ર લાગે છે.
વીડિયો વાયરલ થઈ રહ્યો છે
આ વીડિયોને 54 લાખ વ્યૂઝ મળ્યા છે, જ્યારે ઘણા લોકોએ કોમેન્ટ કરીને પોતાનો પ્રતિભાવ આપ્યો છે. એકે કહ્યું છે કે, આ ઉર્ફીનો ભાઈ બરફી છે! જ્યારે અન્ય એકે કહ્યું કે, “આ કુર્તો નથી, રેઈનકોટ છે!” જ્યારે બીજાએ કહ્યું કે, “છપરી અલ્ટ્રા પ્રો મેક્સ!” અન્ય એકે કહ્યું કે, “આ જોયા પછી ફોર્ચ્યુનના શેર આકાશને સ્પર્શવા લાગશે” તેમજ બીજાએ કહ્યું કે, “આ વ્યક્તિને ફોર્ચ્યુનનો બ્રાન્ડ એમ્બેસેડર બનાવવો જોઈએ.“
આ પણ જૂઓ: આ કયો રિવાજ છે? વર-કન્યાનો આ વીડિયો જોઈને તમે પણ પૂછશો સવાલ
