આજથી લાગૂ થયો મોટો ફેરફાર: આ મોબાઈલ નંબર પરથી હવે બીજામાં પૈસા ટ્રાંસફર કરી શકશો નહીં, ફટાફટ ચેક કરી લો

નવી દિલ્હી, 1 એપ્રિલ 2025: આજથી, એટલે કે ૧ એપ્રિલથી, Google Pay, PhonePe, Paytm જેવી એપ્સનો ઉપયોગ કરીને UPI કરનારાઓ માટે નિયમો બદલાઈ ગયા છે. તાજેતરમાં, નેશનલ પેમેન્ટ કોર્પોરેશન ઓફ ઈન્ડિયા (NPCI) એ બેંક ખાતામાંથી UPI સાથે જોડાયેલા તે મોબાઈલ નંબરોને દૂર કરવા સૂચનાઓ આપી છે જે લાંબા સમયથી સક્રિય નથી એટલે કે નિષ્ક્રિય છે. જો કોઈ નિષ્ક્રિય મોબાઇલ નંબર તમારા બેંક ખાતા સાથે જોડાયેલ હોય, તો તમને UPI દ્વારા વ્યવહાર કરવામાં મોટી સમસ્યાઓનો સામનો કરવો પડી શકે છે.

NPCIનો નિર્ણય

સાયબર ક્રાઇમના વધતા જતા કેસોને ધ્યાનમાં રાખીને NPCI એ તાજેતરમાં આ નવી માર્ગદર્શિકા જારી કરી છે. નેશનલ પેમેન્ટ કોર્પોરેશનનું કહેવું છે કે જે મોબાઇલ નંબરોનો ઉપયોગ થઈ રહ્યો નથી અથવા સક્રિય નથી તેમને બેંકિંગ અને UPI સિસ્ટમમાંથી દૂર કરવાની જરૂર છે. આ નિષ્ક્રિય નંબરો ટેકનિકલ સમસ્યાઓનું કારણ બની રહ્યા છે. જો ટેલિકોમ ઓપરેટરોએ આ નંબરો કોઈ બીજાના નામે જારી કર્યા હોય, તો તેમના દ્વારા છેતરપિંડીનું જોખમ વધી શકે છે.

અહીં ઉલ્લેખનિય છે  કે UPI નો ઉપયોગ કરવા માટે, મોબાઇલ નંબર બેંક ખાતા સાથે લિંક હોવો ખૂબ જ મહત્વપૂર્ણ છે. UPI પેમેન્ટ કરતી વખતે, મોબાઇલ નંબર એ ઓળખનું એકમાત્ર માધ્યમ છે. આનો અર્થ એ છે કે જ્યારે પણ તમે ચુકવણી કરો છો, ત્યારે મોબાઇલ નંબર ખાતરી કરે છે કે પૈસા યોગ્ય વ્યક્તિ સુધી પહોંચી રહ્યા છે. જો આવો નંબર હવે સક્રિય ન હોય અથવા બીજા કોઈને આપી દેવામાં આવ્યો હોય, તો પેમેન્ટ ફેલ થવાનું જોખમ રહેલું છે. એવી પણ શક્યતા છે કે યુઝર્સના નંબર પર કરવામાં આવેલું પેમેન્ટ બીજા કોઈના ખાતામાં પહોંચી શકે છે.

તો હવે શું કરવું જોઈએ?

• જો કોઈ મોબાઈલ નંબર તમારા કોઈપણ બેંક ખાતા સાથે જોડાયેલો હોય જે હવે સક્રિય નથી અથવા તમે લાંબા સમયથી તેમાં રિચાર્જ કર્યું નથી, તો તમારે તમારા ટેલિકોમ કંપની (Jio, Airtel, Vi, BSNL) પાસેથી
• ખાતરી કરવી પડશે કે આ નંબર તમારા નામે એક્ટિવ છે કે નહીં.
• જો નંબર એક્ટિવ ન હોય તો તમારે તેને તાત્કાલિક એક્ટિવ કરાવવો જોઈએ અથવા તમારા બેંક ખાતા સાથે જોડાયેલ મોબાઇલ નંબર બદલવો જોઈએ.
• તાજેતરમાં, NPCI એ બેંકો અને UPI એપ્સને દર અઠવાડિયે ડિલીટ કરેલા મોબાઇલ નંબરોની યાદી અપડેટ કરવાનો નિર્દેશ આપ્યો છે.
• આનાથી ખાતરી થશે કે 1 એપ્રિલ પછી, નિષ્ક્રિય મોબાઇલ નંબર બેંકિંગ સિસ્ટમમાંથી દૂર કરવામાં આવશે.