જનતા દળ-યુનાઈટેડ (JD-U)ના નેતા ઉપેન્દ્ર કુશવાહાએ સોમવારે પોતાના નવા રાજકીય પક્ષની જાહેરાત કરી હતી. જેડી(યુ)ના રાષ્ટ્રીય સંસદીય બોર્ડના પ્રમુખ રહેલા કુશવાહાએ બિહારના સીએમ નીતિશ કુમાર સાથે ઘણા દિવસો સુધી ચાલતા અણબનાવ બાદ નવી પાર્ટી ‘રાષ્ટ્રીય લોક જનતા દળ’ ની જાહેરાત કરી હતી. આ દરમિયાન ઉપેન્દ્ર કુશવાહાએ સીએમ નીતિશ કુમાર પર કટાક્ષ કર્યો હતો. તેમણે કહ્યું હતું કે સુશાસન બાબુ પાડોશી (RJD)ના ઘરમાં ઉત્તરાધિકારીની શોધમાં છે. મળતી માહિતી મુજબ, ઉપેન્દ્ર કુશવાહાએ આજે એટલે કે સોમવારે પટનામાં નવી પાર્ટી ની જાહેરાત કરી હતી. કુશવાહાએ શહેરમાં JDU કાર્યકર્તાઓનું બે દિવસીય ઓપન સેશન (ફેબ્રુઆરી 19 અને 20) આયોજિત કર્યું હતું, જેમાં તેમણે ભવિષ્યની વ્યૂહરચના આગળ વધારવા માટે પાર્ટીના કાર્યકરો પાસેથી સૂચનો માંગ્યા હતા.
આ પણ વાંચો : સંજય રાઉત વિરુદ્ધ ફરિયાદ દાખલ, એકનાથ શિંદે વિરુદ્ધ કરી હતી વાંધજનક ટિપ્પણી
Patna | JD(U)'s National Parliamentary Board President Upendra Kushwaha launches a new party – Rashtriya Lok Janata Dal – after days of tussle with Bihar CM and party leader Nitish Kumar. pic.twitter.com/THwaYsEjVj
— ANI (@ANI) February 20, 2023
મીટિંગના એક સહભાગીએ એએનઆઈને જણાવ્યું કે જેડીયુ કાર્યકર્તાઓએ સત્રના પહેલા દિવસે એક નવું રાજકીય સંગઠન બનાવવાની ઈચ્છા વ્યક્ત કરી હતી. તેમણે કહ્યું કે કુશવાહા એક નવો રાજકીય પક્ષ બનાવશે અને તેની જાહેરાત આજે થવાની હતી. અન્ય એક કાર્યકર્તાએ કહ્યું હતું કે નવા રાજકીય પક્ષની રચના અંગે બધા એકમત છે.
મુખ્યમંત્રી નીતિશ કુમારને આરજેડીની બી ટીમ ગણાવતા જેડીયુના અન્ય કાર્યકર્તાએ કહ્યું કે તેમની સાથે કામ કરવાનો કોઈ અર્થ નથી. નીતિશ કુમારના નેતૃત્વમાં જેડીયુએ પોતાની ઓળખ ગુમાવી દીધી છે, તેથી રાજ્યના કલ્યાણ માટે આપણે નવી પાર્ટી બનાવવાની જરૂર છે. કુશવાહાએ અમારી માંગણી સ્વીકારી છે.
આ પણ વાંચો : વિપક્ષી મોરચો એક થવા ઝઝૂમી રહ્યો છે પણ મોદીને હરાવવા કેટલો સક્ષમ !
કુશવાહાના નજીકના સાથી અને રાષ્ટ્રીય કાર્યકારી પરિષદના સભ્ય માધવ આનંદે આરોપ લગાવ્યો કે જેડીયુના રાષ્ટ્રીય અધ્યક્ષ લલન સિંહ માત્ર પાર્ટીની જ નહીં, બિહારના મુખ્યમંત્રીની પણ ગરિમાને નીચે લાવવા માટે જાણી જોઈને કામ કરી રહ્યા છે.
