‘યુપી + બિહાર= ગઈ મોદી સરકાર’ ! ક્યાં લાગ્યા આ પોસ્ટર ?
બિહારમાં નીતિશ કુમારના પાર્ટી પરિવર્તનની અસર યુપીના રાજકારણ પર પણ પડી રહી છે. એવું લાગે છે કે હવે સમાજવાદી પાર્ટીની આશાઓ પણ નીતીશ કુમાર પર ટકી ગઈ છે. ભાજપ સાથે ગઠબંધન તોડ્યા બાદ નીતિશ કુમાર તમામ વિપક્ષી પાર્ટીઓની એકતાની વાત કરી રહ્યા છે. હવે સમાજવાદીએ લખનૌમાં પોતાની ઓફિસની બહાર જે પોસ્ટર લગાવ્યું છે તેનો અર્થ એ છે કે જો યુપી અને બિહારને ભેગા કરવામાં આવે તો આગામી ચૂંટણીમાં કેન્દ્રમાંથી મોદી સરકારને છૂટા કરી દેવામાં આવશે. પોસ્ટરમાં નીતિશ અને અખિલેશની તસવીરની ઉપર લખેલું છે – UP + બિહાર = મોદી સરકાર.
આ પોસ્ટર સમાજવાદી પાર્ટીના નેતા આઈપી સિંહે લગાવ્યું છે. આ પોસ્ટર પરથી સ્પષ્ટપણે જોઈ શકાય છે કે 2024ની લોકસભા ચૂંટણી માટે સમાજવાદી પાર્ટીએ ભાજપ વિરુદ્ધ બ્યુગલ ફૂંક્યું છે. નીતિશ કુમારે તાજેતરમાં દિલ્હીની મુલાકાત લીધી હતી અને વિરોધ પક્ષોના ઘણા નેતાઓને મળ્યા હતા. આ દરમિયાન તેઓ 6 સપ્ટેમ્બરે ગુડગાંવની મેદાંતા હોસ્પિટલમાં દાખલ સમાજવાદી પાર્ટીના કન્વીનર મુલાયમ સિંહ યાદવ અને સપા પ્રમુખ અખિલેશ યાદવને મળ્યા હતા.
Uttar Pradesh | A poster, reading "UP + Bihar = Gayi Modi Sarkar" with the faces of Bihar CM Nitish Kumar and SP chief Akhilesh Yadav, put up outside the Samajwadi Party office in Lucknow. pic.twitter.com/GmCkWr6rR6
— ANI UP/Uttarakhand (@ANINewsUP) September 10, 2022
એવું માનવામાં આવે છે કે આ પોસ્ટર દ્વારા સંદેશ આપવાના પ્રયાસ થઈ રહ્યા છે કે મોદી સરકારને 2024ની લોકસભાની ચૂટણીમાં રોકવા માટે સપા નીતીશ કુમારના નેતૃત્વવાળા જૂથ સાથે ઊભી છે. વિપક્ષી એકતાને લઈને પોસ્ટર લખનઉમાં પહેલેથી બિહારમાં પણ જોવા મળ્યા હતા. પટનાના ઇન્કમ ટેક્સ ચાર રસ્તા પાસે એક પોસ્ટમાં લખ્યું હતું કે બિહારમાં દિખા ભારત મેં દિખેગા. આ પોસ્ટરની નીતીશ કુમારનો ફોટો હતો.
