ઉત્તરપ્રદેશમાં ગણેશ વિસર્જન કરવા જતા લોકો પર પથ્થરમારો, બે પક્ષો વચ્ચે ઝપાઝપી

ઉત્તર પ્રદેશ, 15 સપ્ટેમ્બર :    ઉત્તર પ્રદેશના મહુવામાં ગણેશ વિસર્જન કરવા જઈ રહેલા લોકો પર પથરાવ થયો છે. પથ્થર મારા પછી બંને જૂથ વચ્ચે અથડામણ થઈ ગઈ છે.ઘટના બાદ ગુસ્સે થયેલા હિન્દુ સંગઠનના કાર્યકર્તાઓએ કોતવાલીમાં સૂત્રોચાર કરી વિરોધ કર્યો હતો. બીજી તરફ પોલીસે ઘટના સ્થળે પહોંચીને વિસ્તારમાં લોકોને એકઠા થવા પર રોક લગાવવાની સાથે જ કેટલાક લોકોને કસ્ટડીમાં લીધા હતા. અને મોટી સંખ્યામાં પોલીસ દળ તૈનાત કરી દેવામાં આવ્યો છે. આ મામલો શહેર કોતવાલી વિસ્તારના કસૌરાટોરી વિસ્તારનો બતાવવામાં આવી રહ્યો છે.

મહોબાના એસપી પલાસ બંસલે કહ્યું કે બંને જૂથો આમને સામને આવી જવાના કારણે સ્થિતિ ખૂબ જ તણાવ પૂર્ણ બની ગઈ હતી પરંતુ પોલીસ અને તંત્રની સમજદારીના કારણે મહોબાને સળગવાથી બચાવી દીધું અને બંને જૂથોને સમજાવીને પરત મોકલી દીધા છે.

પાણી નાખ્યા પછી વિવાદ શરૂ થયો

પ્રાપ્ત જાણકારી અનુસાર ગણેશ વિસર્જન માટે બે મૂર્તિઓ ડીજે સાથે નીકળવામાં આવી રહી હતી. આ દરમિયાન એક ફટાકડો કાચા મકાનમાં જઈને પડ્યો ત્યારબાદ વિવાદ શરૂ થઈ ગયો અને આ વિવાદ ધીરે ધીરે હંગામામા પરિવર્તિત થઈ ગયો. તે સમયે જ ડીજેના તાલ પર ઝુમી રહેલા ભક્તો પર બીજા જૂથે પાણી નાખી દીધું ત્યારબાદ બંને પક્ષો આમને સામને આવી ગયા હતા.

એવો આરોપ લગાવવામાં આવી રહ્યો છે કે આ દરમિયાન વિશે સમુદાયના લોકોએ ડોલથી હુમલો કરી પથ્થરમારો કર્યો હતો જેના કારણે વિસર્જન કરવા માટે જઈ રહેલા લોકો રોષે ભરાયા અને આ મામલો વધુ ગંભીર બન્યો. જોત-જોતામાં વિસર્જનમાં બંને જૂથો વચ્ચે ભારે વિવાદ શરૂ થઈ ગયો.

હિન્દુ સંગઠનોનો હંગામો

આ ઘટનાની જાણ થતા જ કોતવાલી પોલીસે ઘટના સ્થળ પર પહોંચીને આ મામલો થાળે પાડવાનો પ્રયાસ કર્યો હતો, પરંતુ ભીડ અને હિંદુ સંગઠનના લોકો કોટવાલી પહોંચી ગયા અને સૂત્રોચ્ચાર કરીને ભારે વિરોધ કર્યો હતો.

વિસર્જનમાં સામેલ એક પ્રત્યક્ષે જણાવ્યું કે મૂર્તિ દર વર્ષે નીકળવામાં આવે છે પરંતુ કારણ વગર વિવાદ કરવામાં આવ્યો છે.અમારી એવી માગ છે કે આરોપીઓની ધરપકડ કરવામાં આવે.

આ પણ વાંચો : Amazon અને Flipkart ઉપર આવે છે વર્ષની સૌથી મોટી ડીલ, મળશે આટલું ડિસ્કાઉન્ટ