ઉત્તર પ્રદેશ સરકાર કોમનવેલ્થ ગેમ્સમાં ભાગ લેનાર ઉત્તર પ્રદેશના દરેક ખેલાડીનું સન્માન કરશે. રાજ્યની સ્પોર્ટ્સ પોલિસી મુજબ મેડલ વિજેતાઓને વધારાનું સન્માન અને નોકરી પણ મળશે. આ સાથે બ્રોન્ઝ મેડલ જીતનાર મુઝફ્ફરનગરની દિવ્યા કાકરાનને પણ યુપી સરકાર તરફથી 50 લાખની રકમ મળશે.
ઉત્તરપ્રદેશ સરકારનું પ્રસંસનીય કાર્ય
દિવ્યા કાકરાન દિલ્હીથી રમે છે. પરંતુ દિલ્હી સરકાર તેને યુપીની હોવાનું કહીને તેનાથી દૂર રહી હતી. આ પછી યોગી સરકારે આગળ આવીને દિવ્યા કાકરાનને સન્માનિત કરવાની જાહેરાત કરી છે. કોમનવેલ્થ ગેમ્સમાં ભારત માટે કુસ્તીમાં બ્રોન્ઝ જીતનાર દિવ્યા કકરાને દિલ્હીના મુખ્યમંત્રી પાસે મદદ માંગી હતી.
આપના ધારાસભ્યે કર્યો કટાક્ષ
આના પર આપના ધારાસભ્ય સૌરભ ભારદ્વાજે કહ્યું હતું કે, ‘બહેન આખા દેશને તમારા પર ગર્વ છે, પરંતુ મને યાદ નથી કે તમે દિલ્હી માટે રમ્યા છો. તમે હંમેશા ઉત્તર પ્રદેશ માટે રમ્યા છો. જો કે ખેલાડી દેશના હોય છે.યોગી આદિત્યનાથજી પાસેથી તમે સન્માનની અપેક્ષા ન રાખો. મને લાગે છે કે દિલ્હીના મુખ્યમંત્રી ચોક્કસ તમારી વાત સાંભળશે.
દિવ્યાના ટ્વીટ બાદ રાજકીય ગરમાવો
દિવ્યા કાકરાનના આ ટ્વિટ બાદ રાજકીય ગરમાવો શરૂ થઈ ગયો છે. જ્યારે અરવિંદ કેજરીવાલની આગેવાની હેઠળની દિલ્હી સરકારે દિવ્યા કકરાનનું સન્માન કરવાનો ઇનકાર કર્યો ત્યારે ઉત્તર પ્રદેશ સરકાર આગળ આવી અને દિવ્યાને 50 લાખ રૂપિયાની આર્થિક સહાયની જાહેરાત કરી.
દિવ્યાએ કર્યો દાવો
આના પર દિવ્યા કાકરાને પુરાવા રજૂ કરતા દાવો કર્યો હતો કે તે 2011 થી 2017 વચ્ચે પણ દિલ્હી તરફથી રમી હતી. તેણે ટ્વીટ કર્યું, ‘2011 થી 2017 સુધી હું દિલ્હીથી રમતી હતી. આ રહ્યું દિલ્હી રાજ્યનું પ્રમાણપત્ર. જો તમે હજુ પણ મારા પર વિશ્વાસ ન કરો તો મારી પાસે દિલ્હી રાજ્યના 17 ગોલ્ડ છે. હું તે પ્રમાણપત્ર પણ અપલોડ કરીશ.
