યુપી પેટાચૂંટણી: મીરાપુર હંગામા કેસમાં પોલીસની કાર્યવાહી, FIR નોંધવામાં આવી
- મીરાપુર બેઠક પર પેટાચૂંટણી દરમિયાન થયેલા હંગામાના મામલામાં 4 મહિલાઓ સહિત 28ના નામ સાથે અને 120 અજાણ્યા લોકો સામે કેસ દાખલ
મુઝફ્ફરનગર, 22 નવેમ્બર: ઉત્તર પ્રદેશના મુઝફ્ફરનગરની મીરાપુર વિધાનસભા બેઠક પર પેટાચૂંટણી દરમિયાન થયેલા હંગામા પર પોલીસે કડક કાર્યવાહી કરી છે. પોલીસે આ મામલામાં 4 મહિલાઓ સહિત 28ના નામ સાથે અને 120 અજાણ્યા લોકો સામે કેસ નોંધ્યો છે. પોલીસ વિસ્તારના CCTV પણ સ્કેન કરી રહી છે જેથી બાકીના આરોપીઓને ઓળખી શકાય. સાથે જ વોટિંગ દરમિયાન થયેલા હોબાળા પર અખિલેશ યાદવે કહ્યું કે, ભાજપ વોટથી નહીં પણ ખોટથી ચૂંટણી જીતવા માંગે છે. ઉલ્લેખનીય છે કે, સપાએ પોલીસ અધિકારીઓ પર મતદારોને વોટિંગ કરતા રોકવા અને ધમકાવવાનો આરોપ લગાવ્યો છે.
VIDEO | UP byelections 2024: “A video has gone viral in Kakrouli village in the Meerapur Assembly constituency in Muzaffarnagar district in which an Inspector is trying to control the crowd. This is an incomplete video and is getting viral as part of a conspiracy. It was reported… pic.twitter.com/EvoWYkd4GR
— Press Trust of India (@PTI_News) November 20, 2024
સપા પોલીસ અધિકારીઓ સામે કાર્યવાહીની માંગ
મહત્ત્વપૂર્ણ છે કે, મીરાપુરમાં હંગામાનો એક વીડિયો સોશિયલ મીડિયા પર વાયરલ થયો હતો. સમાજવાદી પાર્ટીએ કકરૌલી પોલીસ સ્ટેશનના પ્રભારી રાજીવ શર્મા પર મતદારોને મતદાન કરતા રોકવા અને જાનથી મારી નાખવાની ધમકી આપવાનો આરોપ લગાવ્યો છે અને તેમની તાત્કાલિક ધરપકડ કરીને તેમને જેલમાં મોકલવાની પણ માંગ કરી છે. સપાએ નિવેદનમાં રાજીવ શર્માની સેવાઓ સમાપ્ત કરવાની અને ઈન્સ્પેક્ટર બબલુ કુમાર, ટાઉન ઈન્ચાર્જ વીરેન્દ્ર, ઈન્સ્પેક્ટર એચએન સિંહ, ઈન્સ્પેક્ટર મહાવીર ચૌહાણ, મહિલા પોલીસ સ્ટેશન ઈન્ચાર્જ સંગીતા ચૌહાણ, સબ ઈન્સ્પેક્ટર અનિલ કુમાર તોમર , પોલીસ સ્ટેશનના વડા સુનિલ કસાના, ઈન્સ્પેક્ટર ધર્મેન્દ્ર કુમાર અને ઈન્સ્પેક્ટર બુલંદશહેર પ્રેમચંદ્ર શર્મા સહિત તમામ દોષિત પોલીસકર્મીઓને તાત્કાલિક અસરથી સસ્પેન્ડ કરવાની માંગ છે.।
કાકરોલીમાં થયેલા હંગામા પર પોલીસની કડક કાર્યવાહી
મુઝફ્ફરનગરના મીરાપુરના કાકરોલી ગામમાં મતદાનના દિવસે થયેલા હંગામા પર પોલીસે કડક કાર્યવાહી કરી છે. પોલીસે આ કેસમાં ચાર મહિલાઓ સહિત 28ના નામ સાથે અને 120 અજાણ્યા લોકો સામે કેસ નોંધ્યો છે. આરોપીઓ પર સાત ક્રિમિનલ લો એક્ટ સહિત 15 કલમો લગાવવામાં આવી છે. આ સાથે પોલીસ વિસ્તારના સીસીટીવી સ્કેન કરી રહી છે જેથી આરોપીની ઓળખ થઈ શકે. જતવારા ચોકીના ઈન્ચાર્જ પ્રસાદ તરફથી કાકરોલી પોલીસ સ્ટેશનમાં આરોપીઓ વિરુદ્ધ FIR દાખલ કરવામાં આવી છે. આરોપીઓ પર સરકારી કામમાં અવરોધ અને મતદારોને પ્રભાવિત કરવાનો આરોપ છે. પોલીસે કહ્યું છે કે, કાકરોલી રમખાણ કેસનો અધૂરો વીડિયો વાયરલ કરવામાં આવી રહ્યો છે.
સપા સુપ્રીમો અખિલેશ યાદવ મહિલાઓના સમર્થનમાં
હવે સમાજવાદી પાર્ટી પોલીસ કાર્યવાહીના વિરોધમાં ઉતરી છે. સપા નેતાઓનો આરોપ છે કે, પોલીસે લોકો પર ખોટા કેસ નોંધ્યા છે. તે જ સમયે, વાયરલ વીડિયોમાં દેખાતી મહિલાઓ પણ હવે પોલીસ વિરુદ્ધ ખુલ્લેઆમ બહાર આવી છે. મહિલાઓનો આરોપ છે કે, પોલીસકર્મીઓએ તેમને મતદાન કરવા જતા રોક્યા, જેના કારણે વિવાદ થયો. બીજી તરફ અખિલેશ યાદવે પણ આ મહિલાઓનું સન્માન કરવાની જાહેરાત કરી છે. જ્યારે પોલીસ અધિકારીએ પોતાની પિસ્તોલ બતાવી હોવાના મામલે પોલીસનું કહેવું છે કે, પથ્થરમારો કરી રહેલા યુવકોને રોકવા માટે આવું કરવામાં આવ્યું હતું.
પોલીસ પર પથ્થરમારાના વીડિયો પણ બહાર આવ્યા
ભાજપે કાકરોલી કેસમાં અખિલેશ યાદવ પર દુષ્પ્રચારનો આરોપ લગાવ્યો છે. ભારતીય જનતા પાર્ટીના પ્રદેશ અધ્યક્ષ ભૂપેન્દ્ર ચૌધરીએ કહ્યું છે કે, હંગામાના અન્ય વીડિયો પણ બહાર આવી રહ્યા છે જેમાં લોકો પોલીસ પર પથ્થરમારો કરતા જોવા મળી રહ્યા છે. ચૌધરીએ કહ્યું કે, ‘આ વખતે સમાજવાદી પાર્ટી હારી રહી છે, તેથી જ તેના નેતાઓ પોલીસ પ્રશાસન પર ખોટા આરોપો લગાવી રહ્યા છે. ઉલ્લેખનીય છે કે, મતદાનના દિવસે કાકરોલીમાં ભારે હંગામો થયો હતો અને અખિલેશ યાદવે ત્યાંની મહિલાઓનો વીડિયો શેર કર્યો હતો. હવે હંગામાના અન્ય વીડિયો પણ બહાર આવી રહ્યા છે જેમાં પોલીસ પર પથ્થરમારો કરવાની વાત છે અને આખા ગામમાં જબરદસ્ત હંગામો જોવા મળી રહ્યો છે.
