ઉર્ફીને કપડાંના કારણે રેસ્ટોરન્ટમાં ન મળી એન્ટ્રી, સોશિયલ મીડિયા પર ઠાલવ્યો ગુસ્સો

સોશિયલ મીડિયા સેન્સેશન ઉર્ફી જાવેદ તેની અનોખી ફેશન સ્ટાઇલ માટે હંમેશા ચર્ચામાં રહે છે. ભાગ્યે જ કોઈ દિવસ એવો હોય છે જ્યારે તે તેના અટપટાં કપડાથી લોકોને આશ્ચર્યમાં ન મૂકતી હોય. પરંતુ આ વખતે ઉર્ફી કોઈ અન્ય કારણોસર ચર્ચામાં આવી છે. ઉર્ફી જાવેદને રેસ્ટોરન્ટમાં એન્ટ્રી આપવામાં આવી ન હતી, જેના કારણે તે ગુસ્સે થઈ ગઈ હતી અને તેણે પોતાનો ગુસ્સો સોશિયલ મીડિયા પર ઠાલવ્યો હતો.

રેસ્ટોરન્ટમાં એન્ટ્રી ન મળવાથી ઉર્ફી જાવેદ ગુસ્સે થઈ

ઉર્ફી જાવેદને મુંબઈમાં એક રેસ્ટોરન્ટમાં એન્ટ્રી કરવાની મનાઈ કરવામાં આવી હતી. આ ઘટના બાદ તેણે પોતાની ઈન્સ્ટા સ્ટોરી પર એક પોસ્ટ કરી છે, જે વાયરલ થઈ છે. તેણે પોસ્ટમાં લખ્યું, ‘મુંબઈ, શું આ ખરેખર 21મી સદી છે? આજે મને રેસ્ટોરન્ટમાં અંદર જવાની ના પાડવામાં આવી હતી.

ઉર્ફી જાવેદે પોતાનો રોષ ઠાલવ્યો

ઉર્ફીએ આગળ લખ્યું, ‘જો તમને મારી ફેશન પસંદ ન ગમતી હોય, તો તે ઠીક છે, પરંતુ તેના કારણે મારી સાથે આવો વ્યવહાર કરવો તે ઠીક નથી અને જો તમે કરો છો, તો તેને સ્વીકારો. ખોટા બહાના બનાવશો નહીં’. ઉર્ફી જાવેદે આ પોસ્ટ શેર કરતી વખતે Zomatoને ટેગ કર્યું છે. આનાથી સ્પષ્ટ છે કે ઉર્ફી જાવેદને Zomatoની રેસ્ટોરન્ટમાં એન્ટ્રી આપવામાં આવી નથી.

કરીના કપૂરે ઉર્ફી જાવેદના વખાણ કર્યા હતા

ઉર્ફી જાવેદ અલગ-અલગ લુકમાં પોતાની તસવીરો અને વીડિયો પોસ્ટ કરતી રહે છે. તે બિન્દાસ રહે છે અને જાહેરમાં પણ બોલ્ડ કપડાં પહેરે છે. કરીના કપૂરે પણ થોડા દિવસો પહેલા તેના એક ઈન્ટરવ્યુમાં ઉર્ફી જાવેદની ફેશન સ્ટાઈલની પ્રશંસા કરી હતી.

ઉર્ફી જાવેદે આ ટીવી શોમાં કામ કર્યું છે

વર્ક ફ્રન્ટ વિશે વાત કરીએ તો, ઉર્ફી જાવેદ ‘યે રિશ્તા ક્યા કહેલાતા હૈ’ અને ‘કસૌટી ઝિંદગી કી’ સહિત ઘણા ટીવી શોનો ભાગ રહી ચૂકી છે. તેને બિગ બોસ ઓટીટીથી લોકપ્રિયતા મળી હતી. તાજેતરમાં ઉર્ફી જાવેદ ટીવી શો સ્પ્લિટ્સવિલામાં જોવા મળી હતી. તેને ‘ખતરો કે ખિલાડી’ની ઓફર કરવામાં આવી હતી, પરંતુ તેણે તેને ફગાવી દીધી હતી.