ઉત્તરાખંડ વિધાનસભામાં યુનિફોર્મ સિવિલ કોડ બિલ રજૂ કરવામાં આવ્યું

ઉત્તરાખંડ, 06 ફેબ્રુઆરી : મુખ્યમંત્રી પુષ્કર સિંહ ધામી દ્વારા બિલની રજૂઆત દરમિયાન શાસક પક્ષના ધારાસભ્યોએ “ભારત માતા કી જય, વંદે માતરમ અને જય શ્રી રામ” ના નારા પણ લગાવ્યા હતા. રાજ્ય કેબિનેટે રવિવારે UCC ડ્રાફ્ટને સ્વીકારી લીધો હતો અને તેને બિલ તરીકે ગૃહમાં રજૂ કરવાની મંજૂરી આપી હતી. સુપ્રીમ કોર્ટના નિવૃત્ત ન્યાયાધીશ રંજના પ્રકાશ દેસાઈની આગેવાની હેઠળની પાંચ સભ્યોની સમિતિ દ્વારા શુક્રવારે ચાર ભાગમાં 740 પાનાનો આ ડ્રાફ્ટ મુખ્ય પ્રધાનને સુપરત કરવામાં આવ્યો હતો.

#WATCH | Uttarakhand CM Pushkar Singh Dhami tables the Uniform Civil Code Uttarakhand 2024 Bill in State Assembly, in Dehradun. pic.twitter.com/B1LRzfoC09

— ANI (@ANI) February 6, 2024

UCC હેઠળ, લગ્ન, છૂટાછેડા, ભરણપોષણ, જમીન, મિલકત અને વારસાના સમાન કાયદા રાજ્યના તમામ નાગરિકોને લાગુ પડશે, પછી ભલે તેઓ કોઈપણ ધર્મનું પાલન કરતા હોય. કાયદાના અમલીકરણ પછી, ઉત્તરાખંડ આઝાદી પછી UCC લાગુ કરનાર દેશનું પ્રથમ રાજ્ય હશે. UCC ગોવામાં પોર્ટુગીઝ શાસનના સમયથી અમલમાં છે.

#WATCH | "Vande Mataram and Jai Shri Ram" slogans raised by MLAs inside State Assembly after CM Dhami tabled the Uniform Civil Code Uttarakhand 2024 Bill in State Assembly, in Dehradun. pic.twitter.com/0R7ka2pYJD

— ANI (@ANI) February 6, 2024

​​વિધાનસભામાં સમાન નાગરિક સંહિતા બિલ પર ચર્ચાની માગણીને લઈને વિધાનસભામાં હંગામો થયો છે. આ દરમિયાન વિપક્ષના હોબાળા વચ્ચે ગૃહની કાર્યવાહી 2 વાગ્યા સુધી સ્થગિત કરી દેવામાં આવી છે. UCC બિલ વિધાનસભામાં પસાર થયા બાદ તેને રાજ્યપાલને મોકલવામાં આવશે.

સમાન નાગરિક સંહિતા બિલના મુખ્ય મુદ્દા  :

1- તમામ ધર્મો માટે છૂટાછેડા માટે એક જ કાયદો હશે.

2- છૂટાછેડા પછી ભરણપોષણનો નિયમ એક જ રહેશે.

3- તમામ ધર્મો માટે દત્તક લેવા માટે એક જ કાયદો હશે.

4- મિલકતની વહેંચણીમાં છોકરીઓનો સમાન અધિકાર તમામ ધર્મોમાં લાગુ થશે.

5- છોકરી બીજા ધર્મ કે જાતિ સાથે લગ્ન કરે તો પણ તેના અધિકારોનું ઉલ્લંઘન કરવામાં આવશે નહીં.

6- તમામ ધર્મોમાં છોકરીઓ માટે લગ્નની ઉંમર 18 વર્ષ હશે.

7- લિવ ઇન રિલેશનશિપ માટે રજિસ્ટ્રેશન કરાવવું જરૂરી રહેશે.

8- રાજ્યના આદિવાસીઓ આ કાયદાથી બાકાત રહેશે.

9- પતિ-પત્ની એકનો નિયમ દરેકને લાગુ પડશે, બહુપત્નીત્વની પ્રથા ખતમ થશે.

આ ઉપરાંત, UCC પર એક કાયદો ઘડવો અને તેને રાજ્યમાં અમલમાં મૂકવો એ 2022ની વિધાનસભા ચૂંટણી દરમિયાન ભારતીય જનતા પાર્ટી (BJP) દ્વારા જનતાને આપવામાં આવેલા મુખ્ય વચનોમાંનું એક હતું. માર્ચ 2022માં સત્તા સંભાળ્યા બાદ કેબિનેટની પ્રથમ બેઠકમાં ભાજપે એક નિષ્ણાત સમિતિની રચનાને મંજૂરી આપી હતી.

આ પણ વાંચો : ઉત્તરાખંડ વિધાનસભામાં આજે રજૂ થશે યુનિફોર્મ સિવિલ કોડ બિલ, કડક સુરક્ષા વ્યવસ્થા