ઇન્ટરનેશનલ ડેસ્કઃ ભારત-અફઘાનિસ્તાન સંબંધોને નબળા બનાવવા માટે પાકિસ્તાન મોટા પાયે દુષ્પ્રચાર પર કામ કરી રહ્યું છે. હિંદુસ્તાન ટાઈમ્સના એક અહેવાલમાં જણાવાયું છે કે, યુએસ અને યુરોપિયન યુનિયનના રાજદ્વારીઓ અનુસાર ઈસ્લામાબાદે તેના રાજદ્વારી મિશનને ‘ભારત વિરોધી કથા’ પર ધ્યાન કેન્દ્રિત કરવા કહ્યું છે.
પાકિસ્તાને પોતાની મરજીથી ઈતિહાસ રચવાનું શરૂ કર્યું
પાકિસ્તાને તેના મિશનને અફઘાનિસ્તાન સહિત સંબંધિત દેશોને યાદ અપાવવા કહ્યું છે કે ભારતે ઇતિહાસમાં તાલિબાનનો ખુલ્લેઆમ વિરોધ કર્યો છે. કહેવાતી સરકારોને ટેકો આપ્યો છે અને તેને પ્રોક્સી આતંકવાદી જૂથ ગણાવ્યો છે. આ સાથે આ બાબતો પર પણ ધ્યાન આપવું જોઈએ કે, ભારત અફઘાનિસ્તાનમાં પ્રભાવ બનાવીને પાકિસ્તાનને અસંતુલિત કરવા માંગે છે.
ભારત અને અફઘાનિસ્તાનના સંબંધો
ભારત અને અફઘાનિસ્તાન વચ્ચે સાંસ્કૃતિક સંબંધો છે. 9/11ના હુમલા બાદ અમેરિકાના કહેવા પછી પણ ભારતે અફઘાનિસ્તાનમાં સૈનિકો મોકલવાની ના પાડી દીધી છે. ભારત વર્ષોથી અફઘાનિસ્તાનના વિકાસ માટે કામ કરી રહ્યું છે. ભારતે અફઘાનિસ્તાનમાં ઘણી શાળાઓ, રસ્તાઓ, હોસ્પિટલો, ડેમ સહિત માળખાકીય સુવિધાઓ સંબંધિત ઘણા પ્રોજેક્ટ પૂર્ણ કર્યા છે.નકાબુલમાં ભારતીય દૂતાવાસ લગભગ 10 મહિનાથી બંધ હોવા છતાં ભારતે અફઘાનિસ્તાનના લોકોને માનવતાવાદી સહાય પૂરી પાડી છે.
ભૂકંપ બાદ ભારતે સૌથી પહેલા મદદ કરી હતી
22 જૂને અફઘાનિસ્તાનમાં આવેલા ભૂકંપ બાદ ભારતે અસરગ્રસ્તોની માનવતાવાદી સહાયતા માટે હેવી-લિફ્ટ IL-76 એરક્રાફ્ટ મોકલ્યું છે. આટલા મોટા પાયે મદદ કરનાર ભારત એકમાત્ર દેશ છે. ભારતે અફઘાનિસ્તાનના લોકો સાથે સતત પોતાના સંબંધો મજબૂત કર્યા છે. આ બાબતો પાકિસ્તાનને સતાવી રહી છે કે શા માટે ભારત અફઘાનિસ્તાનમાં ફરી સક્રિય થઈ રહ્યું છે.
ગુરુદ્વારા પર હુમલા પાછળ પાકિસ્તાનનો હાથ?
હિન્દુસ્તાન ટાઈમ્સનો અહેવાલ સૂચવે છે કે, કર્તે પરવાન ગુરુદ્વારા પરના હુમલા પાછળ પાકિસ્તાનનો હાથ છે એમાં કોઈ આશ્ચર્યની વાત નથી. ઈસ્લામિક સ્ટેટ ખોરાસાએ આ હુમલાની જવાબદારી સ્વીકારી છે, જેમાંથી તેની 50 ટકાથી વધુ કેડર પાકિસ્તાનના રાવલપિંડી ક્ષેત્ર સાથે જોડાયેલી છે.
પાકિસ્તાન અફઘાનિસ્તાન અને ભારત વચ્ચે સારા સંબંધો ઈચ્છતું નથી
5 જૂને અફઘાનિસ્તાન તાલિબાનના સંરક્ષણ પ્રધાને સ્વીકાર્યું હતું કે, પાકિસ્તાનને ભારતમાં અફઘાન સૈનિકોની તાલીમ પસંદ નથી. આ પહેલાં પણ તાલિબાને કાશ્મીરને લઈને ઉશ્કેરણીજનક નિવેદનો આપ્યા હતા. નિષ્ણાતો માને છે કે, જ્યાં સુધી પાકિસ્તાન અફઘાનિસ્તાનને વ્યૂહાત્મક સ્થાન તરીકે જાળવી રાખશે અને અફઘાન તાલિબાન તેને મંજૂરી આપશે ત્યાં સુધી તે અફઘાનિસ્તાનના સામાન્ય લોકો માટે સૌથી વધુ નુકસાનકારક સાબિત થશે.
