રોજગાર મેળા હેઠળ મંગળવારે 51,000 નિમણૂક પત્રોનું વિતરણ થશે

નવી દિલ્હીઃ વડાપ્રધાન નરેન્દ્ર મોદી 26મી સપ્ટેમ્બર, 2023ના રોજ સવારે 10:30 વાગ્યે વિડિયો કોન્ફરન્સિંગ દ્વારા લગભગ 51,000 નવા નિમણૂક પત્રોનું વિતરણ કરશે. વડાપ્રધાન આ પ્રસંગે નવનિયુક્તોને પણ સંબોધિત કરશે.

રોજગાર મેળો દેશભરમાં 46 સ્થળોએ યોજાશે. આ પહેલને સમર્થન આપતા કેન્દ્ર સરકારના વિભાગો તેમજ રાજ્ય સરકારો/ કેન્દ્રશાસિત પ્રદેશોમાં ભરતી થઈ રહી છે. દેશભરમાંથી પસંદ કરાયેલા નવી ભરતી થયેલા ઉમેદવારો વિવિધ મંત્રાલયો/વિભાગોમાં સરકારમાં જોડાશે. જેમાં પોસ્ટ વિભાગ, ભારતીય ઑડિટ અને એકાઉન્ટ્સ વિભાગ, અણુ ઊર્જા વિભાગ, મહેસૂલ વિભાગ, ઉચ્ચ શિક્ષણ વિભાગ, સંરક્ષણ મંત્રાલય, આરોગ્ય અને કુટુંબ કલ્યાણ મંત્રાલય અને અન્યો  સમાવેશ થાય છે.

આ પણ વાંચોઃ અમદાવાદ : રોજગાર મેળામાં આટલા ઉમેદવારોને સરકારી નોકરીના નિમણૂક પત્રો એનાયત કરાયા

રોજગાર મેળો એ રોજગાર સર્જનને સર્વોચ્ચ અગ્રતા આપવાની વડાપ્રધાનની પ્રતિબદ્ધતાની પરિપૂર્ણતા તરફનું એક પગલું છે. રોજગાર મેળા વધુ રોજગાર નિર્માણમાં ઉત્પ્રેરક તરીકે કામ કરશે અને યુવાનોને તેમના સશક્તીકરણ અને રાષ્ટ્રીય વિકાસમાં ભાગીદારી માટે અર્થપૂર્ણ તકો પ્રદાન કરશે તેવી અપેક્ષા છે.

આ પણ વાંચોઃ 51 હજારથી વધુ યુવાનોને મળી સરકારી નોકરી, PM નરેન્દ્ર મોદીએ આપ્યા નિમણૂક પત્ર

નવા નિમણૂક પામેલાઓને iGOT કર્મયોગી પોર્ટલ પરના ઑનલાઈન મોડ્યુલ, કર્મયોગી પ્રારંભ દ્વારા તાલીમ મેળવવા તક પણ મળી રહી છે, જ્યાં ‘ક્યાંય પણ કોઈપણ ઉપકરણ’ લર્નિંગ ફોર્મેટ માટે 680થી વધુ ઈ-લર્નિંગ અભ્યાસક્રમો ઉપલબ્ધ કરાવવામાં આવ્યા છે.