અવિશ્વસનીય! કબરમાંથી ચીસો સાંભળતા પોલીસ ખોદી કબર, જે જોયું એ…
- વીડિયો સોશિયલ મીડિયા પર થયો વાયરલ
- પોલીસે આરોપીની કરી ધરપકડ
19 મે 2024, યુરોપિયન દેશના મોલ્ડોવામાંથી આત્માને હચમચાવી દે તેવી ઘટના સામે આવી છે, જેને વાંચીને દરેક આશ્ચર્યચકિત થઈ જશે, આ કેસ સાથે સંબંધિત વીડિયો પણ સોશિયલ મીડિયા પર વાયરલ થઈ રહ્યો છે. આ વીડિયો જેણે જોયો તે દરેક સ્તબ્ધ છે. જ્યાં એક કિશોરે એક વૃદ્ધને જીવતા કબરમાં દફનાવી દીધા હતા. ચાર દિવસ બાદ પોલીસે વૃદ્ધને સુરક્ષિત બહાર કાઢ્યા.
🚨BREAKING: A 62-year-old man in Moldova was found alive after being buried for four days.
Police discovered him while investigating the murder of a 74-year-old woman, when they heard noises from the ground near her house.
Digging at the site, they uncovered a makeshift grave… pic.twitter.com/TEn1e9Shwo
— Apex Episodes (@ApexEpisodes) May 16, 2024
જાણો સમગ્ર મામલો શું છે ?
યુરોપના મોલ્ડોવામાં પોલીસ 74 વર્ષીય મહિલાના મૃત્યુની તપાસ કરી રહી હતી. તપાસ દરમિયાન પોલીસને કોઈની ચીસોનો અવાજ સંભળાયો, જે બાદ પોલીસે શંકાના આધારે ખોદકામ કરતા વૃદ્ધ માણસ કબરમાંથી જીવતો મળી આવ્યો હતો. તેમની ઉંમર 62 વર્ષ છે. ચાર દિવસથી બંધ હોવા છતાં જીવતા રહેવું એ કોઈ ચમત્કારથી ઓછું નથી. કબરમાંથી બહાર આવ્યા બાદ વૃદ્ધે જણાવ્યું કે કોઈ વિવાદ બાદ એક કિશોરે તેને કબરમાં બંધ કરી દીધો હતો. આ પહેલા તેણે વૃદ્ધ પર છરી વડે હુમલો પણ કર્યો હતો. કબરમાંથી બહાર આવ્યા પછી વૃદ્ધ વ્યક્તિ હાલત ખૂબ જ નબળી દેખાતી હતી.
વૃદ્ધે કબરમાંથી બહાર આવીને શું કહ્યું ?
જ્યારે વૃદ્ધને કબરમાંથી બહાર કાઢીને પૂછપરછ કરવામાં આવી ત્યારે તેણે તેના 18 વર્ષના એક સંબંધી પર આ કૃત્ય કરવાનો આરોપ લગાવ્યો. હાલમાં જ પોલીસે આ વૃદ્ધ વ્યક્તિને કબરમાંથી બહાર કાઢવાના ફૂટેજ પણ જાહેર કર્યા છે. જ્યારે તેને બહાર કાઢવામાં આવ્યો ત્યારે તેની ગરદન પર ઘા હતા. જો કે હવે તેની તબિયત સારી છે. આ દરમિયાન, આરોપી 18 વર્ષીય કિશોરને કસ્ટડીમાં લેવામાં આવ્યો છે. હવે પોલીસને શંકા છે કે વૃદ્ધને જમીનમાં જીવતો દાટી દેનાર કિશોર મહિલાની હત્યામાં સામેલ હોઈ શકે છે. શંકાસ્પદ કિશોરની પોલીસે ધરપકડ કરી લીધી છે, પરંતુ યુવક પોતે મહિલાની હત્યાનો ઇનકાર કરી રહ્યો છે.
આ પણ વાંચો..પત્નીનું ચાર્જિંગ કેબલથી ગળું દબાવનાર પતિ સામે બ્લુ કોર્નર નોટિસ: જાણો સમગ્ર કિસ્સો
