અતીક અહેમદનો નજીકનો મિત્ર નફીસ એન્કાઉન્ટરમાં ઘાયલ, ઉમેશ પાલ હત્યા કેસમાં આરોપી
પ્રયાગરાજ, 23 નવેમ્બર: ઉમેશ પાલ મર્ડર કેસના વોન્ટેડ ગુનેગાર અને 50 હજાર રૂપિયાનું ઈનામ ધરાવનાર નફીસ બિરયાનીને પોલીસે એન્કાઉન્ટર બાદ ધરપકડ કરી છે. પોલીસને બાતમી મળી હતી કે નફીસ પ્રયાગરાજ સ્થિત તેના ખુલદાબાદના ઘરે આવી રહ્યો છે. જ્યારે પોલીસે પ્રતાપગઢ અને પ્રયાગરાજની બોર્ડર પાસે ચેકિંગ શરૂ કર્યું ત્યારે નફીસ અને તેના સાથીદારે પોલીસ ટીમ પર ગોળીબાર કર્યો. પોલીસના જવાબી ગોળીબારમાં નફીસને પગમાં ગોળી વાગી હતી. પોલીસે નફીસને પકડી લીધો હતો પરંતુ તેનો સાથી હાઇવેની બાજુના જંગલ તરફ ભાગી ગયો હતો. પોલીસ તેના સાથીદારને શોધી રહી છે.
STORY | Atiq Ahmed henchman arrested after encounter in Prayagraj
READ: https://t.co/R09lXEekFi
VIDEO:
(Full video available on PTI Videos – https://t.co/n147TvqRQz) pic.twitter.com/jICyZPtoTg
— Press Trust of India (@PTI_News) November 22, 2023
અતિક અહેમદની ખૂબ નજીક
નફીસ બિરયાની પર 50 હજાર રૂપિયાના ઈનામની જાહેરાત કરવામાં આવી હતી. તે માફિયા અતીક અહેમદની ખૂબ નજીક હોવાનું કહેવાય છે. પોલીસના જણાવ્યા અનુસાર મોડી રાત્રે પોલીસે અનાપુર પોલીસ સ્ટેશનના નવાબગંજ વિસ્તારમાં બાઇક સવાર બે લોકોને ચેકિંગ માટે રોક્યા હતા. પરંતુ બંનેએ પોલીસ પર ફાયરિંગ શરૂ કરી દીધું હતું. પોલીસે બંને બદમાશોનો પીછો કર્યો હતો. જવાબી કાર્યવાહીમાં નફીસને પગમાં ગોળી વાગી હતી જ્યારે તેનો સાથી ભાગી ગયો હતો. જો કે, નફીસને પગમાં ગોળી વાગતા તેને પ્રાથમિક સારવાર માટે હોસ્પિટલ લઈ જવાયો હતો.
ઉમેશ પાલની 24 ફેબ્રુઆરીએ હત્યા કરાઈ હતી
નોંધનીય છે કે પ્રયાગરાજમાં ધારાસભ્ય રાજુ પાલની હત્યાના કેસમાં મુખ્ય સાક્ષી ઉમેશ પાલ અને તેના બે સુરક્ષાકર્મીઓની 24 ફેબ્રુઆરીએ દિવસે દિવસે ગોળી મારીને હત્યા કરાઈ હતી. ઉમેશ પાલ BSP ધારાસભ્ય રાજુ પાલ હત્યા કેસમાં મુખ્ય સાક્ષી હતો. વર્ષ 2005માં બસપાના ધારાસભ્ય રાજુ પાલની હત્યા કરાઈ હતી. આ કેસમાં મુખ્ય આરોપીઓ માફિયા અતીક અહેમદ અને તેનો ભાઈ અશરફ હતા. આ બંનેને 15 એપ્રિલ, 2023ના રોજ કેલ્વિન હોસ્પિટલમાં મેડિકલ ચેકઅપ માટે લઈ જવામાં આવતા ગોળી મારી દેવામાં આવી હતી.
આ પણ વાંચો: પંજાબના ગુરુદ્વારામાં નિહંગોના ગોળીબારમાં એક પોલીસકર્મીનું મૃત્યુ, 2 જવાન ઘાયલ
