‘ભારત પર ન્યૂક્લિયર બોમ્બ નાખીશ’ બ્રિટનના યૂટ્યૂબરે આપી ધમકી, ટ્રોલ થયો

HD ન્યૂઝ ડેસ્ક – 22 ઑગસ્ટ :  બ્રિટિશ યુટ્યુબરને ભારત સાથે પંગો લેવો ભારે પડી રહ્યો છે. તેણે મજાકમાં ભારત પર પરમાણુ બોમ્બ છોડવાની વાત કરી હતી. Miles Rutledge નામની આ વ્યક્તિ ભારતીયો પર જાતિવાદી ટિપ્પણી કર્યા બાદ સોશિયલ મીડિયા પર આકરી ટીકાનો સામનો કરી રહ્યો છે. આ આખો મામલો એક મીમ વીડિયોથી શરૂ થયો જે તેણે X પર અપલોડ કર્યો હતો.

કથિત રીતે પોસ્ટ કરવામાં આવેલ વીડિયોમાં યુ.એસ.માં છુપાયેલા સાઇલોમાંથી પરમાણુ મિસાઇલો છોડવામાં આવી રહી છે અને સમગ્ર વિશ્વમાં પરમાણુ યુદ્ધની હાકલ કરવામાં આવી રહી છે. વીડિયો શેર કરતા તેણે લખ્યું: “જ્યારે હું ઈંગ્લેન્ડનો વડાપ્રધાન બનીશ ત્યારે હું કોઈપણ વિદેશી શક્તિ પર પરમાણુ સિલો ખોલીશ જે બ્રિટિશ હિતો અને આંતરિક બાબતોમાં હસ્તક્ષેપ કરશે. હું મોટી ઘટનાઓ વિશે વાત નથી કરી રહ્યો, હું નાની વસ્તુઓ વિશે વાત કરી રહ્યો છું.હું નાની બાબત પર આખો દેશ ખતમ કરી થઈશ. આ પછી, રુટલેજે એક પોસ્ટ પર ટિપ્પણી મૂકી અને કહ્યું: “હું ભારત પર હુમલો કરી શકું છું!”

પોસ્ટ શેર કર્યા બાદ લોકોએ તેના પર હુમલો કરવાનું શરૂ કરી દીધું હતું. તેને ટ્રોલ્સ તરફથી ધમકીભર્યા ડીએમ પણ મળવા લાગ્યા. આ પછી તેણે ભારતીયો વિરુદ્ધ જાતિવાદી ટિપ્પણીઓ કરવાનું શરૂ કર્યું. યુટ્યુબરે લખ્યું, “માનો કે ના માનો મને ભારત પસંદ નથી. સાથે જ હું એક ભારતીયને અનુભવ કરાવી શકું છું કે તે ભારતીય છે. જો કોઈ વ્યક્તિ ઓનલાઈન અચાનક પહેલી પ્રતિક્રિયામાં તમારી માતા સાથે દુર્વ્યવહાર કરે છે, તો તે ભારતીય છે. આવા ઘણા કિસ્સાઓ છે. ” આવી કોમેન્ટ બાદ લોકો વધુ ગુસ્સે થયા હતા. એક્સ યુઝર્સે તેના પર ગુસ્સો કરાવવાનો આરોપ લગાવ્યો છે.

આ પણ વાંચો : એર ઈન્ડિયાની ફ્લાઈટમાં બોંબની ધમકીથી અફરાતફરી, તિરુવનંતપુરમ એરપોર્ટ પર ઇમરજન્સી લેન્ડિંગ