UFO છે કે પક્ષી? અમેરિકન મહિલાએ પ્લેનની બારીમાંથી બનાવેલા અનોખા વીડિયોએ સનસનાટી મચાવી
- કોમર્શિયલ ફ્લાઇટમાં ઉડાન ભરી રહેલી મહિલાએ ન્યૂયોર્કના લાગાર્ડિયા એરપોર્ટ પાસે UFO જોવાનો દાવો કર્યો
HD ન્યૂઝ ડેસ્ક, 2 મે: સોશિયલ મીડિયા પ્લેટફોર્મ ફેસબુક પર હાલ એક અનોખો વીડિયો વાયરલ થઈ રહ્યો છે. અમેરિકન મહિલા દ્વારા આ વીડિયો પોસ્ટ કર્યા બાદ યુઝર્સના ઘણા સવાલોએ સનસનાટી મચાવી દીધી છે. હકીકતમાં, 25 માર્ચે કોમર્શિયલ ફ્લાઇટમાં ઉડાન ભરી રહેલી મિશેલ રેયેસે દાવો કર્યો હતો કે, તેણે ન્યૂયોર્કના લાગાર્ડિયા એરપોર્ટ પાસે તેના પ્લેનની બારીમાંથી એક અનોખી વસ્તુ જોઈ હતી. જેનાં કારણે શું તે પક્ષી છે કે UFO? તેણે સંબંધિત પ્રશ્નો ઉઠી રહ્યા છે.
I saw a ufo coming home yesterday! Can anyone help me identify what this is?! Posting the video and a still shot of the object. 🛸
Posted by Michelle Reyes on Tuesday, March 26, 2024
UFO જોવાનો ફેસબુક પોસ્ટમાં દાવો
મિશેલ રેયેસે ફેસબુક પર એક વીડિયો ક્લિપ પોસ્ટ કરી હતી જેમાં દાવો કર્યો હતો કે, તેણે “UFO” જોયું છે. તેણીએ કહ્યું કે, તેમણે આ અંગે ફેડરલ એવિએશન એડમિનિસ્ટ્રેશનનો સંપર્ક કર્યો અને તેમને પૂછ્યું કે, શું આ સુરક્ષા માટે ખતરો છે, પરંતુ તેમને હજુ સુધી કોઈ જવાબ મળ્યો નથી. જોકે, ન્યૂયોર્ક સિટીના આકાશમાં જોવા મળેલી આ રહસ્યમય વસ્તુને UFO જોવાનો નવો કેસ કહેવામાં આવી રહ્યો છે.
મ્યુચ્યુઅલ UFO નેટવર્કના ડિરેક્ટર દ્વારા સમીક્ષા
ઓહિયોમાં મ્યુચ્યુઅલ યુએફઓ નેટવર્કના રાજ્ય નિર્દેશક થોમસ વેર્ટમેને વીડિયો ફૂટેજની સમીક્ષા કરી અને આ અજાણી વસ્તુ વિશે માહિતી આપી. તેમણે કહ્યું કે, એવું લાગે છે કે કાળો પદાર્થ લગભગ 2,500 ફૂટની ઊંચાઈએ મુસાફરી કરી રહ્યો છે. મિશેલ રેયસનું પ્લેન લેન્ડિંગ માટે એરપોર્ટ પર પહોંચ્યું ત્યારે તે પ્લેનની નજીક હતી. તેમણે કહ્યું, ઓછામાં ઓછું કાયદેસર રીતે કથિત ડ્રોનને આટલી ઊંચાઈએ ઉડાડવામાં ન આવે.
આકાશમાં દેખાતી અજાણી વસ્તુ બની શકે છે સંભવિત જોખમ
થોમસ વેર્ટમેને કે જેમણે ઇન્ટરપ્લેનેટરી વિઝિટર્સના સંકેતો લઈને આકાશનો અભ્યાસ કરવા માટે તેમના જીવનના અમૂલ્ય વર્ષો સમર્પિત કર્યા છે તેમણે વધુમાં કહ્યું કે, “જો તે સૈન્ય, સંરક્ષણ અથવા કાયદા અમલીકરણ સંબંધિત કંઈક હોત, તો તમે સામાન્ય રીતે તેને કોઈ મુખ્ય ફ્લાઇંગ લેનની આટલી નજીક જોશો નહીં. આ અજાણી વસ્તુ “સંભવિત ખતરો” હોઈ શકે છે.” તેમણે ઑબ્જેક્ટનો અસામાન્ય ગોળ આકાર પણ ખૂબ જ રસપ્રદ લાગ્યો અને કહ્યું કે તેના પર વધુ સંશોધનની જરૂર છે.
અજાણી વસ્તુ કોમર્શિયલ ફ્લાઇટ જેવી દેખાતી નથી
વર્ટમેને કહ્યું કે, આ અજાણી વસ્તુ કોમર્શિયલ ફ્લાઇટ જેવી લાગતી નથી, કારણ કે તેને પાંખો કે પૂંછડી નહોતી. તેઓએ જણાવ્યું હતું કે, રેયસ જે પ્લેનમાં હતી, તે લાગાર્ડિયા એરપોર્ટથી લગભગ 15 મિનિટ દૂર હતું અને જ્યારે વિડિયો શૂટ કરવામાં આવ્યો ત્યારે સંભવતઃ તે 230 mph (370 kph)ની ઝડપે ઉડી રહ્યું હતું.
આ પણ જુઓ: પ્રિન્સેસ ડાયનાનું પહેલું વ્યવસાયી કામ રૂ.8 લાખમાં વેચાયું
