વૈશ્વિક બેન્કિંગ કટોકટીની અસર યથાવાય, UBS ક્રેડિટ સુઈસ બેંક દ્વારા આટલા કર્મચારીઓની છટણીની તૈયારી

• UBS દ્વારા ક્રેડિટ સુઈસ બેંકને ટેકઓવર પછી મોટા પાયે છટણીની અટકળો કરવામાં આવી હતી
• 36,000 કર્મચારીઓની છટણી થશે સ્વિત્ઝર્લેન્ડ સિવાય અન્ય દેશોના કર્મચારીઓને પણ અસર થશે
• ક્રેડિટ સુઈસ બેંકમાં કુલ 15,000 ભારતીય કર્મચારીઓને અસર થઇ શકે છે

છેલ્લા કેટલાક મહિનાઓ વૈશ્વિક બેંકિંગ કટોકટીની અસર જોવા મળી છે. અમેરિકાની સિલિકોન વેલી બેંકમાં કટોકટી(SVB) થયા બેંકનું પતન થયું હતું. તેના પતનની અસર ત્યારબાદ યુરોપમાં પણ દેખાવા લાગી અને સ્વિટ્ઝર્લેન્ડની 16મી સૌથી મોટી બેંક ક્રેડિટ સુઈસ બેંક પણ ડૂબી ગઈ. આ પછી, સ્વિટ્ઝર્લેન્ડની બીજી સૌથી મોટી બેંક UBSએ બેંકિંગ સિસ્ટમમાં ગ્રાહકોનો વિશ્વાસ પુનઃસ્થાપિત કરવા અને લોકોના પૈસા સુરક્ષિત રાખવા માટે તેને ટેકઓવર કરવાનો નિર્ણય કર્યો.

હવે ક્રેડિટ સુઈસ બેંકને લઈને એક મોટા સમાચાર આવી રહ્યા છે. UBS દ્વારા બેંકને ટેકઓવર કર્યા પછી ઓછામાં ઓછા 20 થી 30 ટકા કર્મચારીઓને છુટા કરવામાં આવી શકે છે. જેની અસર બેંકમાં કામ કરતા ઓછામાં ઓછા 36,000 કર્મચારીઓ પર જોવા મળશે. બ્લૂમબર્ગમાં પ્રકાશિત રિપોર્ટ મુજબ, UBS દ્વારા ક્રેડિટ સુઈસ બેંકને ટેકઓવર કર્યા બાદથી બેંકમાં મોટા પાયે છટણીની અટકળો કરવામાં આવી રહી હતી. બેંક દ્વારા 36,000 કર્મચારીઓની છટણી સ્વિત્ઝર્લેન્ડ સિવાય અન્ય દેશોના કર્મચારીઓને પણ અસર પડશે.

આ પણ વાંચો : વૈશ્વિક બેંકિંગ કટોકટી : અમેરિકા, સ્વિટ્ઝર્લેન્ડ અને હવે જર્મનીની આ બેંકની હાલત ખરાબ, જાણો શું છે કારણ

સ્વિત્ઝર્લેન્ડમાં 11,000 કર્મચારીઓની છટણી થશે

બ્લૂમબર્ગના રિપોર્ટ અનુસાર માત્ર સ્વિત્ઝર્લેન્ડમાં જ 11,000 કર્મચારીઓને આ છટણીથી અસર થશે. UBS અને ક્રેડિટ સુઈસ બેંક બંને મળીને સ્વિટ્ઝર્લેન્ડમાં કુલ 1.25 લાખ લોકોને રોજગારી આપે છે, જે દેશની કુલ રોજગારીના 30 ટકા છે. નોંધનીય છે કે ગયા મહિને ક્રેડિટ સુઈસે UBSના અધિગ્રહણ પહેલા જ તેના 9,000 કર્મચારીઓને છૂટા કરવાનો નિર્ણય લીધો હતો. આવી સ્થિતિમાં, બંને બેંકોના મર્જર થયા પછી, ઘણા નિષ્ણાતોએ પહેલેથી જ આગાહી કરી હતી કે આગામી સમયમાં ક્રેડિટ સુઈસ બેંકમાં મોટા પાયે છટણી જોવા મળી શકે છે. હવે તેની સ્પષ્ટ અસર જોવા મળી રહી છે.

આ પણ વાંચો : 1 જાન્યુઆરીથી બેન્કિંગ સહિતના ક્ષેત્રોમાં થાય છે આ ફેરફાર, જાણો તમને કેમ લાગુ પડશે ?

ભારત પર અસર થશે

નોંધપાત્ર વાત એ છે કે ક્રેડિટ સુઈસ બેંકમાં કુલ 15,000 કર્મચારીઓ કામ કરે છે. UBS દ્વારા બેંકને ટેકઓવર કરવામાં આવી ત્યારથી ભારતમાં કામ કરતા લોકોના મનમાં અનિશ્ચિતતાનું વાતાવરણ છે. ભારતમાં કામ કરતા કર્મચારીઓમાંથી 5,000 થી 7,000 લોકો ડાયરેક્ટ ઓપરેશનનું કામ સંભાળે છે. જ્યારે બાકીના કર્મચારીઓ ગ્લોબલ IT કામગીરી સંભાળે છે. બેંકની ઓફિસો કુલ 6 શહેરોમાં મુંબઈ, હૈદરાબાદ, પુણે, ગુરુગ્રામ, બેંગલુરુ અને કોલકાતામાં છે. આવી સ્થિતિમાં, ભારતમાં કેટલા કર્મચારીઓની છટણી કરવામાં આવશે તે સ્પષ્ટ નથી, પરંતુ આ છટણી ભારતના કર્મચારીઓને પણ ચોક્કસપણે અસર કરશે.

આ પણ વાંચો : સોનામાં ભારે ડિમાન્ડ, ફરી એકવાર ભાવમાં ઉછાળો, જાણો શું છે આજનો ભાવ

વૈશ્વિક બેંકિંગ કટોકટીથી પ્રભાવિત દેશો

વર્ષ 2023માં અમેરિકાની સિલિકોન વેલી બેંકના ડૂબવા સાથે વૈશ્વિક બેંકિંગ કટોકટી શરૂ થઈ હતી. આ પછી, અમેરિકાની સિગ્નેચર બેંક પણ થોડા દિવસો પછી ડૂબી ગઈ. અમેરિકામાં શરૂ થયેલી આ બેંકિંગ કટોકટીની અસર યુરોપ સુધી પહોંચી અને સ્વિટ્ઝર્લેન્ડની 16મી સૌથી મોટી બેંક ક્રેડિટ સુઈસ બેંક પણ ડૂબી ગઈ.